ماڭىزدى باعدارلامالار پارتيا باقىلاۋىندا

«نۇر وتان» حدپ ايماق­تار­داعى جۇمىسقا سۇيەنە وتىرىپ, ەلى­مىزدىڭ بارلىق وبلىستارىن­داعى ۇدەمەلى يندۋستريالىق-ين­نوۆاتسيالىق دامۋ باعدارلاماسى, «جول كارتاسى», «اقبۇلاق» سياق­تى ەڭ ماڭىزدى مەملەكەتتىك باع­دارلامالار مەن جوبالاردىڭ ىسكە اسىرىلۋىن ايرىقشا قاداعا­لاۋ­دا. جۇمىستىڭ ەڭ ءتيىمدى فور­ما­لارى مەن ادىستەرىن انىقتاۋ ماق­ساتىندا نۇروتاندىقتار باع­دار­لامالاردى جۇزەگە اسىرۋدىڭ وزەكتى ماسەلەلەرىن تۇراقتى تۇردە تالقىلاپ وتىرادى. الماتى وبلىسى نۇروتاندىق­تا­­رى­نىڭ كەزەكتى كەزدەسۋى تالدى­قور­عان قالاسىندا ءوتتى. ايماق­تىڭ پارتيا بەلسەندىلەرىمەن «نۇر وتان» پارتياسى توراعا­سى­نىڭ ءبىرىنشى ورىنباسارى نۇرلان نىعماتۋلين كەزدەستى. تەك بيىلعى جىلى الماتى وبلىسىندا ۇدەمەلى يندۋستريا­لىق-يننوۆاتسيالىق باعدارلاما بوي­ىنشا 5 جوبا ىسكە اسىرىلىپ جاتىر. ولاردىڭ ىشىندە: Hyundai Motors جۇك اۆتوكولىكتەرىن شى­عا­رۋ­مەن اينالىساتىن كاسىپورىن, بەتون ونىمدەرىن شىعاراتىن «يۋر-ينۆەست» زاۋىتى, شارشى ءپىشىندى جانە بۇگىلگەن قۇبىرلاردى شىعاراتىن زاۋىت جانە تاعى باس­قالارى. ءاربىر نىساننىڭ قۇرى­لى­سى «نۇر وتان» پارتياسىنىڭ ءجىتى قاداعالاۋىندا. سالىنىپ جاتقان نىساندار­دىڭ ءبىرىن ارالاعان كەزدە نۇرلان نىعماتۋلين: «مەملەكەتتىك ين­دۋس­تريالىق باعدارلاما بويىنشا بۇگىنگى كۇننىڭ وزىندە 152 جوبا ىسكە اسىرىلدى, بيىل دا تاعى 192 جوبا ىسكە قوسىلادى. ولاردىڭ ىشىندە – بۇكىل الەمگە تانىمال «با­تىس ەۋروپا  – باتىس قىتاي» حا­لىقارالىق ترانزيتتىك جولى, «بەينەۋ – شىمكەنت» گاز قۇبى­رى, مەتاللۋرگيالىق, گازدى جانە حيميالىق وندىرىستەر سياقتى ءىرى جوبالار بار. وسىنىڭ بارلىعى – ەلباسىمىز, پارتيامىزدىڭ ءتور­اعا­سى نۇرسۇلتان ءابىش ۇلى نا­زار­باەۆتىڭ ەكونوميكانى دامى­تۋ­عا جانە حالىقتىڭ جاعدايىن جاقسارتۋعا باعىتتالعان ساياساتى­نىڭ ناتيجەسى. ال «نۇر وتان» پار­تياسى پرەزيدەنتىمىزدىڭ پار­تيا­سى رەتىندە وسى جوبالاردىڭ بارلىعىن ىسكە قوسۋ جۇمىستارىن قاتاڭ باقىلاۋعا الدى», – دەپ اتاپ ءوتتى. الەۋمەتتىك نىسانداردىڭ ءجۇ­زەگە اسىرىلۋى ماسەلەسى دە باستى نازاردا. 64 جاس وتباسى وسى جىلدىڭ سوڭىندا قولدانىسقا بەرىلەتىن جاڭا 5 قاباتتى ۇيدەگى ءپا­تەرگە يە بولادى. تۇرعىن ءۇي كە­شەنىنىڭ باستى ەرەكشەلىگى وندا 60 ورىندىق بالاباقشا سالۋ دا كوز­دەلگەن. تەننيس ويىنىنا قۇ­مار جاندار تالدىقورعان قالا­سىن­دا سالىنىپ جاتقان جاڭا تەننيس الاڭىن دا سىناپ كورە الادى. بۇل نىساندى دا وسى جىلدىڭ ايا­عى­ن­دا بەرۋ جوسپارلانعان. نۇرلان نىعماتۋلين وسى وبەكتىلەردىڭ بارلىعىن ارالاپ شىقتى. پارتيا اكتيۆىمەن كەزدەسۋ با­رىسىندا كەڭ اۋقىمدى ماسەلەلەر جيىنتىعى تالقىلاندى. مەملەكەتتىك باعدارلامالاردى پار­تيا­لىق باقىلاۋ تاقىرىبىنا ايرىق­شا نازار اۋدارىلدى. ءسوز ال­عان­دار پارتيالىق باقىلاۋ بەكەت­تە­رى­نىڭ ماڭىزدىلىعىن ايتا كەلە, سونىمەن قاتار, پارتيانىڭ اي­ماق­تارداعى جۇمىسىن نىعايتۋ بويىنشا ناقتى ۇسىنىستار ەنگىزدى. «ەگەمەن-اقپارات».