بايلانىس دامىتىلا تۇسەدى

ەلىمىز پارلامەنتى ءماجىلىسىنىڭ توراعاسى ورال مۇحامەد­جا­نوۆ لاتۆيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى برۋنو يۋريس ماكلاكوۆستى قابىلدادى, دەپ حابارلادى ءماجىلىستىڭ ءباسپاسوز قىزمەتى. ءماجىلىس توراعاسى لاتۆيا ەل­شى­سىنىڭ قازاقستانداعى ديپ­لو­ما­تيالىق قىزمەتىنىڭ باستالۋىمەن قۇتتىقتاپ, ەكى ەل اراسىنداعى ىنتىماقتاستىقتى دامىتۋداعى يگىلىكتى ىسىنە تابىس تىلەدى. «قا­زاقستان لاتۆيانى بالتىق ايما­عىن­داعى ءوزىنىڭ سەنىمدى ارىپتەسى سانايدى. ەكى ەل اراسىنداعى قا­رىم-قاتىناس ءوزارا سىيلاستىق پەن تۇسىنىستىككە قۇرىلعان. ءبىز قا­زاقستاننىڭ ەقىۇ-عا توراعا­لىق ەتۋ مىندەتىن اتقارعان كەزدە جانە «ەۋروپاعا جول» باعدار­لا­ما­سىن جۇزەگە اسىرۋدا بالتىق جاعالاۋى ەلدەرىنىڭ قولداۋ بىلدىرگەنىن جوعارى باعالايمىز», – دەدى ورال مۇحامەدجانوۆ. كەزدەسۋدە قوس مەملەكەت ارا­سىن­داعى ىنتىماقتاستىق بايلا­نىس­تى ءالى دە دامىتا تۇسۋگە ءمۇم­كىندىك بار ەكەنى ايتىلدى. ەكى ەلدىڭ ۇكىمەتارالىق كوميسسياسى قۇرىلعان. جۇزەگە اسىپ جاتقان بىرقاتار كەلىسىمدەر بار. الداعى ۋاقىتتا قول قويىلۋعا ءتيىستى كەلىسىمدەر دە جوق ەمەس. قازاقستان مەن لاتۆيا ارا­سىن­داعى پارلامەنتارالىق باي­لا­نىس تۇراقتى دامىپ كەلەدى. كەز­دەسۋدە ەكى ەلدىڭ دەپۋتاتتارى اراسىنداعى قارىم-قاتىناستى جان­داندىرا ءتۇسۋ ماسەلەسى ءسوز بولدى. ماجىلىستە دوستىق توبى بار. ول توپتىڭ ماقساتى – ەكى ەلدىڭ بايلانىسى دامۋىنا ىقپال ەتۋ جانە زاڭ شىعارۋ ورگانىنىڭ ءتا­جىريبەسىمەن الماسۋ. لاتۆيا پار­لامەنتىنىڭ دەپۋتاتتارى قازاق­ستان­دا وتكەن حالىقارالىق كون­فە­رەنتسيالارعا قاتىسىپ كەلەدى. ءماجىلىس توراعاسى قازاقستان تاۋەلسىزدىگىنىڭ 20 جىلدىعىنا داي­ىندىعى تۋرالى جانە وسى مەجەنىڭ حالقىمىز بەن مەملەكەتىمىز ءۇشىن ماڭىزدىلىعىن ايتتى. ەلىمىزدەگى جۇزەگە اسىپ جاتقان ۇدەمەلى يندۋستريالىق-يننوۆا­تسيا­لىق دامۋ باعدارلاماسى ءجو­نىندە ءسوز قوزعادى. ءوز كەزەگىندە ەلشى باستى قىزمەتى قازاقستان مەن لاتۆيا اراسىنداعى ەكونوميكالىق ىنتى­ماق­تاستىقتى جاقسارتا تۇسۋگە ۇلەس قوسۋ ەكەنىن ايتتى. قوس مەملەكەتكە دە ءتيىمدى ينۆەستيتسيالىق باعدارلامالاردىڭ جۇزەگە اسۋىنا ىقپال ەتۋگە ىنتالى ەكەنىن ءبىلدىردى. ساياسي-مادەني بايلانىستى ورىستەتۋ جايلى وي-پىكىرلەرىن ورتاعا سالدى. تاراپتار ىنتىماقتاستىق ايا­سىن كەڭەيتە تۇسۋگە ىقپال ەتەتىن قۇقىقتىق بازانى نىعايتۋ ماسە­لەلەرىن ءسوز ەتتى. وسى ورايدا ەكى ەل اراسىنداعى كەلىسىم-شارتتار­دىڭ زاڭ تۇرىندە بەكىتىلۋىنە داي­ىندىق جۇمىسىن جاساۋ قاجەت­تىلىگى اتاپ كورسەتىلدى. ءماجىلىس توراعاسى لاتۆيا ەلىنىڭ وركەندەۋىنە جانە تۇراقتى دامۋىنا تىلەكتەستىگىن ءبىلدىردى. كەزدەسۋ سوڭىندا ەلشى ءماجى­لىس توراعاسىنا لاتۆيالىق ءارىپ­تەسىنىڭ ءوز ەلىنە ارنايى شاقى­رۋىن تابىس ەتتى.