اقتاۋ اۋەجايى – تمد ۇزدىگى

اقتاۋ حالىقارالىق اۋەجايى جولاۋشىلار تاسىمالداۋ بويىن­شا رەسپۋبليكامىزدا استانا, الماتىدان كەيىنگى ءۇشىنشى ورىن­دا. مۇندا بۇل كۇندەرى الىس-جاقىن 13 شەتەلگە كۇندىز-ءتۇنى ۇشاقتار ۇشىپ-قونىپ جا­تا­دى. بيىلدىڭ وزىندە جاڭادان تاعى دا «اقتاۋ-كيەۆ-اقتاۋ», «اقتاۋ-تبيليسي-اقتاۋ», «اقتاۋ-ءۇرىمشى-اقتاۋ» اۋە رەيستەرى اشىلدى. ال جاقىن كۇن­دەرى اياقتالاتىن ۇشىپ-قونۋ الاڭىنداعى جاڭعىرتۋ جۇمىس­تارىنان سوڭ اقتاۋ كەز كەلگەن اۋە كەمەسىن قابىلدايتىن دارەجەگە جەتەدى. اۋەجايدا جو­لاۋشىلار ءۇشىن بارلىق جاعداي جاسالىپ, ولارعا حالىقارالىق دارەجەدە قىزمەت كورسەتىلىپ كەلەدى. سودان بولار اۋەجاي سوڭعى ءۇش جىلدا ەكىنشى رەت تمد ەلدەرىنە قاراستى 22 اۋەجاي اراسىندا ەڭ ۇزدىك تانىلىپ, تمد اۋە جول­دارى جەتەكشىلەرى اراسىنان اۋە­جاي باسشىسى ۋزيفوللا ءاجمول­داەۆ ازاماتتىق اۆياتسيانى دامى­تۋعا قوسقان ەلەۋلى ۇلەسى ءۇشىن 2010 جىل قورىتىندىسىندا ل.ششەگلوۆ اتىنداعى حالىقارالىق سىيلىقتىڭ يەگەرى اتانىپ وتىر. جولامان بوشالاق. اقتاۋ.