كومپوزيتورلار باس قوستى

جامبىل اتىنداعى قازاق مەملەكەتتىك فيلارمونياسىندا ەل ءتا­ۋەلسىزدىگىنىڭ 20-جىلدىعىنا ارناپ قازاقستان كومپوزيتورلار ودا­­­عى وتكىزگەن «كوك بايراعىم, جەلبىرە» فەستيۆالىنە تىڭدارمان قاۋ­ىم مول جينالدى. سيمفونيالىق كونتسەرت باعدارلاماسىن ۇيىم اق­ساقالدارى ە.راحماديەۆ, د.بوتباەۆ, م.حۇسايىن ۇلى, ب.جۇما­نيا­زوۆ, م.ماڭعىتاەۆ, ن.نوۆيكوۆ, تەن چۋ, ك.دۇيسەكەەۆ, ج.تۇر­سىن­باەۆ شىعارمالارى قۇرادى. سون­داي-اق «مادەنيەت قايراتكەرى» بەلگىسىن ال­عان وداقتىڭ ايماقتىق مۇشە­لە­رىنىڭ قۋانىشىندا شەك بولمادى. قۇرمانعازى اتىنداعى مەملەكەتتىك اكادەميالىق حالىق اسپاپتار وركەسترىنىڭ كونتسەرتتىك باع­دار­لاماسىنا بۇگىنگى كومپوزي­تور­لاردىڭ ورتا بۋىن وكىلدەرىنىڭ شىعارمالارى ەندى. جۇرتشىلىق ورىندالعان دۇنيەنىڭ ساپاسى مەن كاسىبي شەبەرلىگىنە ءتانتى بولدى. رەسپۋبليكانىڭ تۇكپىر-تۇكپى­رىنەن كەلگەن كومپوزيتورلار مەن مۋزىكا زەرتتەۋشىلەر قازاقستان كومپوزيتورلار وداعىنىڭ XII سە­­زىنىڭ جۇمىسىنا قاتىستى. سەز قازاق كلاسسيكالىق مۋزىكاسىنىڭ ستراتەگيالىق باعىتتارىن بەلگىلەپ, الداعى جوسپاردى تالقى­لا­دى. قازاقستان كومپوزيتورلار ودا­­عىنىڭ ءتورايىمى بولىپ كومپوزيتور بالنۇر قىدىربەك قايتا ساي­لاندى. «ەگەمەن-اقپارات».