«بەيبىتشىلىك ءۇشىن ساياحات» اتتى شىۇ-عا مۇشە مەملەكەتتەر سۋرەتشىلەرىنىڭ كورمەسى وتەدى

7 ماۋسىمدا قازاقستان رەسپۋبليكا­سى­نىڭ مادەنيەت ءمينيسترى مۇحتار قۇل-مۇ­حام­مەد قىتاي حالىق رەسپۋبليكاسىنىڭ قا­زاقستان رەسپۋبليكاسىنداعى توتەنشە ءجا­نە وكىلەتتى ەلشىسى چجوۋ ليمەن كەزدەسۋ ءوت­كىز­دى, دەپ حابارلادى قر مادەنيەت مينيستر­لىگىنىڭ ءباسپاسوز قىزمەتى. كەزدەسۋ بارىسىندا مادەنيەت سالا­سى­نىڭ ەكىجاقتى قارىم-قاتىناسىنا قاتىس­تى ءبىر­قا­تار ماسەلە قاراستىرىلىپ, تال­قى­لان­دى. ناق­­تىراق ايتقاندا, استانا قا­لا­سىندا شانحاي ىنتىماقتاستىق ۇيىمى­نىڭ (شىۇ) 10 جىلدىق مەرەيتويى قار­سا­ڭىندا ۇيىم­داس­تىرىلىپ, وتكىزىلگەلى وت­ىر­عان «بەيبىتشىلىك ءۇشىن ساياحات» اتتى شىۇ-عا مۇشە مەملە­كەت­تەردىڭ تانىمال سۋرەتشىلەرىنىڭ كور­­­مەسى جاي­ل­ى دا ءسوز بولدى. كورەرمەندەر ناز­ا­رىنا 100-دەن اس­تام ونەر تۋىندىلارى ۇسى­نى­لا­تىن بو­لا­دى. كورمە 11-15 ماۋسىم ارا­لى­عىن­دا جۇ­مىس ىستەيدى. كورمە جۇمى­سىن 13 ماۋ­سىم­دا قازاقستان مەن قىتاي­دىڭ باس­شىلارى ارالاپ كورەدى دەپ جوسپارلانۋدا.