جۇمىس توبىن قۇرۋدى تاپسىردى

پرەمەر-ءمينيستردىڭ ءبىرىنشى ورىنباسارى ومىرزاق شوكەەۆ ەل­باسىنىڭ استانانىڭ ازىق-ت ۇلىك بەلدەۋى مەن جاسىل ايماعىن قۇرۋ, سونداي-اق نۇرا-ەسىل ار­نا­سىنىڭ ساعاسىن تازالاۋ جونىندە بەرگەن تاپسىرمالارىنىڭ جۇزەگە اسى­رىلۋ ماسەلەلەرىنە ارنالعان جۇمىس كەڭەسىن وتكىزدى. وعان استانا قالاسى, اقمولا جانە قا­را­عاندى وبلىسى اكىمدىكتەرىنىڭ وكىل­دەرى مەن وزگە دە مۇددەلى مەملەكەتتىك ور­گانداردىڭ باسشىلا­رى قاتىستى.  جيىندا اۋىل شارۋاشىلىعى ءمينيسترى اسىلجان مامىتبەكوۆ, استانا قالاسى اكىمىنىڭ ورىن­با­سارى ۆاسيلي كرىلوۆ, اشم ور­مان جانە اڭشىلىق شارۋا­شى­لىعى كوميتەتى توراعاسىنىڭ ورىنباسارى يگور كوۆال جانە اشم سۋ رەسۋرستارى كوميتەتىنىڭ توراعاسى اناربەك ور­مان بايانداما جاسادى. وتى­رىس­تاعى تال­قى­لاۋ­لار ناتيجەسى بويىنشا ءو.شوكەەۆ اۋىل شارۋا­شىلىعى مينيسترلىگى مەن استانا اكىمدىگىنە ايتىلعان سىن-ەسكەرت­پەلەردى ەسەپ­كە الا وتىرىپ, ازىق-ت ۇلىك بەلدەۋىن قۇرۋ جونىندەگى كەشەندى شارانى دايىنداۋ ءۇشىن جۇمىس توبىن قۇرۋدى تاپسىردى. اشم ورمان جانە اڭشىلىق شا­رۋاشىلىق كوميتەتىنە, استانا قا­لاسى مەن اقمولا وبلىسى اكىم­دىكتەرىنە جاسىل ايماق قۇرۋ باع­دارلاماسىنىڭ جۇزەگە اسىرىلۋ كەستەسىن جاساپ, ونى قىسقا مەرزىمدە ۇكىمەت قاراۋىنا ۇسىنۋ, سونداي-اق اشم سۋ رەسۋرستارى كوميتەتىنە ۇكىمەت وتى­رىسىندا قاراۋ ءۇشىن نۇرا-ەسىل وزەنى ارناسىنىڭ ساعاسىن تازالاۋ جونىندە ۇسىنىستارىن دايىنداۋ تۋرالى تاپسىرمالار بەرىلدى. «ەگەمەن-اقپارات».