بۇل استانا پروتسەسىنىڭ ماڭىزى زور ەكەندىگىن كورسەتەدى. كەرەك دەسەڭىز, استانا پروتسەسى جەنەۆا كەلىسسوزدەرىمەن سالىستىرعاندا ناتيجەلى دەۋگە بولادى.
سيرياداعى سوعىس 2011 جىلدان بەرى تولاستاماي تۇر. ونى توقتاتۋ كەلىسسوزدەردىڭ ءالى ءبىراز راۋندىن قاجەت ەتەدى. وكىنىشكە قاراي, تاياۋ شىعىستا قاقتىعىستاردىڭ ودان ءارى جالعاسا بەرۋىنە مۇددەلى توپتار بار, سول سەبەپتى, ماسەلەنى بەيبىت جولمەن رەتتەيتىن دەڭگەيگە جەتۋ ءۇشىن ءالى ءبىرتالاي ۋاقىت كەرەك بولۋى مۇمكىن.
سيريا ۇكىمەتىنە قارسى وپپوزيتسيالىق توپتاردىڭ ءبىر بولىگىنىڭ بىتىمگە كەلۋگە, ماسەلەنى بەيبىت جولمەن شەشۋگە مۇددەلى ەكەندىگى بايقالادى. بۇل, ءبىر جاعىنان, سيريا, يران, تۇركيا سىندى ەلدەردىڭ ءبىر-بىرىمەن قايشى كەلۋ مۇمكىندىگىن ازايتادى. بۇل – وتە جاقسى ناتيجە, سەبەبى, ءبارى ءبىر-بىرىنە قارۋ كەزەنەتىن جاعدايعا جەتسە, احۋال ۋشىعىپ كەتۋى مۇمكىن. استانا پروتسەسى تۇركيا, يران, رەسەي ەلدەرىنە سيرياداعى اتىس رەجىمىن توقتاتۋ بويىنشا ءىس-قيمىلدارىن ءوزارا ۇيلەستىرىپ وتىرۋعا مۇمكىندىك بەردى.
مارات شيبۇتوۆ,
ساياساتتانۋشى
