ەكىنشى مەرزىمگە قايتا سايلانباق

بىرىككەن ۇلتتار ۇيىمىنىڭ باس حاتشىسى پان گي مۋن ءوزىنىڭ ەكىنشى مەرزىمگە سايلانۋ ءۇشىن كان­ديداتۋراسىن ۇسىنۋعا نيەتتى ەكەنىن مالىمدەدى. پان گي مۋننىڭ وكىلەتتىگى 2011 جىلى اياقتالۋى ءتيىس. وڭتۇستىككورەيالىق پان گي مۋن بۇۇ-نىڭ باس حاتشىسى بولىپ 2007 جىلى كوفي اننان وتستاۆكاعا كەتكەننەن كەيىن سايلانعان ەدى. جاڭا باس حاتشى حالىقارالىق بەدەلدى ۇيىم – بۇۇ-نى الەمدەگى وزەكتى ماسەلەلەر مەن حالىقارالىق جاع­دايلارعا بۇرا ءبىلدى. سونداي-اق, ول ىقپالدى مەملەكەت­تەر­دىڭ ىعىنا جىعىلا بەرمەۋ تۇرعىسىنان دا كەڭىنەن تانىلدى. قازا بولعاندار سانى 120-دان استى رەيتەر اگەنتتىگىنىڭ تاراتقان اق­پا­راتتارى بويىنشا سيريانىڭ سول­تۇس­تىك-باتىسىنداعى دجيسەر ءال-شۋحۋر قالاسىندا قارۋلى توپتىڭ شابۋىل جاساۋى سالدارىنان 120-دان استام ادام مەرت بولعان. قازا تاپقانداردىڭ باسىم كوپشىلىگى پوليتسەيلەر كورىنەدى. رەسمي مالىمەتتەرگە قاراعاندا, پوليتسەيلەر ءمىنىپ كەلە جاتقان كولىكتەر بەلگىسىز قارۋلى توپتاردىڭ قورشاۋىندا قالعان. جەرگىلىكتى تەلەارنا 40-قا جۋىق پوليتسەي قازا تاپتى دەپ حابارلاعان ەدى. سوڭعى دەرەكتەر مەرت بولعان پولي­تسەي­لەردىڭ قاتارى 100-دەن استى دەيدى. سيريادا كوتەرىلىس 2011 جىلدىڭ ناۋرىزىندا باستالعان ەدى. كوتەرىلىسشىلەردىڭ نەگىزگى تالابى – حالىقتىڭ تۇرمىسىن جاقسارتۋ جانە ەلدەگى ساياسي جۇيەنى دەموكراتيالاندىرۋ. ءالى كۇنگە دەيىن توقتا­ماعان كوتەرىلىس سالدارى 1 مىڭنان استام ادامنىڭ ءومىرىن جالمادى. دەنەسىنىڭ 40 پايىزىن كۇيىك شالعان پرەزيدەنت سارايىنا جاسالعان شابۋىل كەزىندە شىققان ورتتەن يەمەننىڭ پرەزيدەنتى الي ابدۋللا سالەحتىڭ دەنەسىنىڭ 40 پايىزىن كۇيىك شالعان. سونداي-اق, ونىڭ وكپەسى دە ەداۋىر زاقىمدانعانى انىقتالعان. بۇل تۋرالى كەشە CNN حابارلادى. اقش اكىمشىلىگى وكىلىنىڭ پىكىرىنە قاراعاندا, ول العان جاراقاتىنىڭ اۋىرلىعىنا بايلانىستى جاقىن ارادا قىز­مەت­كە ورالمايدى. ەندى پرەزيدەنت ەمدەلۋ ءۇشىن ساۋد ارابياسىنا بارادى. ديپلوماتيالىق دەرەك كوزدەرىنىڭ مالىمەتتەرى بويىن­شا, سالەح قازىرگى كەزدە ەر-رياد قالاسىنداعى ءبىر اۋرۋحانادا جاتىر. ال كەيبىر مالىمەتتەر ەل باسشىسىنىڭ ەكى اپتادان سوڭ پرەزيدەنتتىك لاۋازىمىنا كىرىسەتىنىن ايتادى. پرەزيدەنت رەزيدەنتسياداعى بومبا جارىلىسىنان جاراقاتتانعان. جارىلىس سەبەبى انىقتالۋ ۇستىندە مولدوۆا استاناسى – كيشينەۆ قالاسىنىڭ ورتالىعىندا «لادا» جەڭىل كولىگىنە قويىلعان جارىلعىش زات جارىلعان. يتار-تاسس اقپارات اگەنتتىگىنىڭ تاراتقان مالىمەتتەرى بويىنشا, جەڭىل كولىكتىڭ مەملەكەتتىك ءنومىرى رەسەيدىكى كورىنەدى. مولدوۆا ىشكى ىستەر مينيسترلىگى ءباسپاسوز قىزمەتىنىڭ جەتەكشىسى كيريلل موتسپاننىڭ سوزىنە قاراعاندا, جارىلىس كەزىندە كولىكتىڭ جۇرگىزۋشىسى زارداپ شەككەن. جارىلعىش زات ونىڭ ەكى اياعىن دا ج ۇلىپ اكەتكەن كورىنەدى. مينيسترلىك ءباسپاسوز قىزمەتى جەتەكشىسىنىڭ ايتۋىنشا, جارىلىس سەبەبى انىقتالۋ ۇستىندە. ال جارىلىس سەرگەي لازو كوشەسىندەگى وفيس ماڭا­يىن­دا بولعان. بۇل پرەزيدەنت رەزيدەنتسياسى مەن ۇكىمەت عيما­راتى ورنالاسقان جەردەن قاشىق ەمەس. رەسەيلىك باق-تار جا­رىلىس كەزىندە ءۇش ادام قۇربان بولدى دەگەن اقپارات تاراتتى. رەزيدەنتسياسى تاعى دا اتقىلاندى فرانس-پرەسس اگەنتتىگىنىڭ تاراتقان اقپاراتتارى بويىنشا, كەشە ەرتەڭگىسىن ناتو-نىڭ اۆياتسياسى ليۆيا استاناسى – ءتريپوليدى تاعى دا بومبالاعان. بۇل – ليۆيا كوسەمى مۋاممار كاددافيدىڭ رەزيدەن­تسيا­سى مەن پارلامەنت ءۇيى ورنالاسقان اۋدان. قالادا العاشقى بومبا جەرگىلىكتى ۋاقىت بويىنشا ساعات 10.45 مينوتتە جارىلعان كورىنەدى. بىرقاتار اقپارات اگەنت­تىكتەرىنىڭ مالىمدەۋىنشە, ەل باسشىسىنىڭ رەزيدەنتسياسى ورنالاسقان جەردە بۇدان كەيىن تاعى ءۇش بومبا جارىلعان. رەزيدەنتسيا مەن پارلامەنت ءۇيىنىڭ ءبىراز بولىگى ۇيىندىگە اينالعان سىڭايلى. ناتو-نىڭ اۆياتسياسى وسى كۇنى قۋاتتىلىعى ءبىر-بىرىنەن اسىپ تۇسەتىن 11 جارىلىس جاساعان. باسا-كوكتەپ كىرىپ, ەگەمەن ەلدى وسىلايشا جەرمەن جەكسەن ەتۋگە كىم قۇقىق بەردى ەكەن دەگەن دە ساۋال تۋىندايتىنداي. ءۇش جىلعا شارتتى مەرزىمگە سوتتالدى ماسكەۋدىڭ پرەسنەنسكي اۋداندىق سوتى بيزنەسمەن ۆيكتور ءباتۋريندى الاياقتىق جاسادى دەگەن ايىپپەن ءۇش جىلعا شارتتى مەرزىمگە سوتتادى. سونداي-اق وعان 300 مىڭ رۋبل ايىپ سالىندى. باتۋرين مۇنى ساياسي تاپ­سى­رىس بويىنشا جاسالعان ارەكەت دەيدى. ينتەرفاكس اگەنتتىگىنە بەرگەن سۇح­باتىن­دا باتۋرين ءوزىنىڭ ماسكەۋدىڭ بۇرىنعى باسشىسى لۋج­كوۆتىڭ جاقىن ماڭايىندا جۇرگەندىكتەن, وسىنداي جاعدايعا تاپ بولعانىن ايتقان. ۆيكتور باتۋرين يۋري لۋجكوۆتىڭ زايىبى ەلەنا باتۋرينانىڭ تۋعان ءىنىسى ەكەندىگى بەلگىلى. سوتتىڭ انىقتاۋى بويىنشا, ول وزىنە تيەسىلى تۇرعىن ءۇيدى وزگە بىرەۋلەرگە ەكى مارتە ساتقان. العاشىندا ءوزىنىڭ جا­قىنى يگور ۆاشكۋرينگە 24 ميلليون رۋبلگە, ال كەيىن دميتري جۋراۆلەۆ دەگەنگە ساتقان كورىنەدى. سوت بارى­سىندا جۋراۆلەۆ بيزنەسمەنگە قاتىستى ءوز تالابىنان باس تارتىپ, ءىستى جابۋ جونىندە ءوتىنىش ءبىلدىرىپتى. قىزىل جالىندى ارەڭ اۋىزدىقتادى ماسكەۋ قالاسىنىڭ ورتالىعىنداعى كوشەلەردىڭ بىرىندە ورنالاسقان تۇرعىن ءۇي ورتكە ورانعان. قىزىل جالىن ءۇيدىڭ ەكىنشى, ءۇشىنشى جانە ءتورتىنشى قاباتتارىنا تۇگەل جايىلعان. ءورتتىڭ كۇشتىلىگى سونشالىق, ول كورشىلەس ورنالاسقان ۇيگە دە اۋىز سالعان. بۇل تۋرالى ينتەرفاكس اگەنتتىگى حابارلادى. جەرگىلىكتى اقپارات كوزدەرىنىڭ مالىمەتتەرى بويىنشا, ءورت ءسوندىرۋ ماشينەلەرى ءوز ۋاقىتىندا جەتكەن. بۇل تۇرعىن ءۇي 1908 جىلى ارحيتەكتور ە.ر.نيرنزەەنىڭ جوباسىمەن سالىن­عان ەكەن. قازىرگى كەزدە وندا ءبىراز وتباسى تۇرىپ جاتقانعا ۇقسايدى. بۇعان دەيىن بۇل ءۇي بىرنەشە رەت ورتەنگەن كورىنەدى. قازىر ءورتتىڭ شىعۋ سەبەپتەرى انىقتالىپ جاتىر. ينتەرنەت ماتەريالدارى نەگىزىندە ازىرلەندى.