قازاقستان رەسپۋبليكاسى پرەزيدەنتىنىڭ 2011 جىلعى 13 مامىرداعى № 80 جارلىعىمەن قازاقستان رەسپۋبليكاسى ۇلتتىق قورىنىڭ قالىپتاستىرىلۋى مەن پايدالانىلۋى تۋرالى 2010 جىلعى ەسەپ بەكىتىلدى.
قازاقستان رەسپۋبليكاسى ۇلتتىق قورىنىڭ قاراجاتى 2010 جىلعى 31 جەلتوقسانعا 5 704 444 289 مىڭ تەڭگەنى قۇرادى (5 098 527 845 مىڭ تەڭگە اۋديتتەلگەن قارجىلىق ەسەپتىلىككە سايكەس ەسەپتەۋ تاسىلىمەن).
2010 جىلى قازاقستان رەسپۋبليكاسىنىڭ ۇلتتىق قورىنا 2 407 723 392 مىڭ تەڭگە ءتۇستى, ونىڭ ىشىندە مۇناي سەكتورى ۇيىمدارىنان تۇسكەن تىكەلەي سالىقتاردىڭ تۇسىمدەرى ەسەبىنەن (جەرگىلىكتى بيۋدجەتتەرگە ەسەپكە الىناتىن سالىقتاردى قوسپاعاندا) – 2 256 345 640 مىڭ تەڭگە, ونىڭ 1 046 873 819 مىڭ تەڭگەسى (7 106 300 مىڭ اقش دوللارىنا بارابار) كەزەكتى ايىرباستاۋ/قايتا ايىرباستاۋ وپەراتسياسىن ءدال سول كۇنى جۇرگىزۋ جولىمەن قازاقستان رەسپۋبليكاسى ۇلتتىق قورىنىڭ ءتيىستى شوتىنا تەڭگەمەن ەسەپكە الىنعان شەتەلدىك ۆاليۋتاداعى ءتۇسىمدەر بولىپ تابىلادى, مۇناي سەكتورى ۇيىمدارى جۇزەگە اسىراتىن وپەراتسيالاردان تۇسەتىن باسقا دا تۇسىمدەر (جەرگىلىكتى بيۋدجەتتەرگە ەسەپتەلەتىن تۇسىمدەردى قوسپاعاندا) – 16 678 239 مىڭ تەڭگە, اۋىل شارۋاشىلىعى ماقساتىنداعى جەر ۋچاسكەلەرىن ساتۋدان ءتۇسەتىن تۇسىمدەر – 525 872 مىڭ تەڭگە, قازاقستان رەسپۋبليكاسىنىڭ ۇلتتىق قورىن باسقارۋدان تۇسكەن ينۆەستيتسيالىق كىرىستەر – 134 173 641 مىڭ تەڭگە.
ۇلتتىق قوردى باسقارۋعا بايلانىستى قازاقستان رەسپۋبليكاسى ۇلتتىق قورىنىڭ شوتىنان ەسەپتى كەزەڭدە جالپى سوماسى 3 982 229 مىڭ تەڭگەگە شىعىستار جۇرگىزىلدى.
«قازاقستان رەسپۋبليكاسىنىڭ ۇلتتىق قورىنان 2010-2012 جىلدارعا ارنالعان كەپىلدەندىرىلگەن ترانسفەرتى تۋرالى» قازاقستان رەسپۋبليكاسىنىڭ 2010 جىلعى 8 ساۋىردەگى زاڭىنا سايكەس 2010 جىلى قازاقستان رەسپۋبليكاسىنىڭ ۇلتتىق قورىنان رەسپۋبليكالىق بيۋدجەتكە اعىمداعى بيۋدجەتتىك باعدارلامالاردى جانە بيۋدجەتتىك دامۋ باعدارلامالارىنىڭ شىعىستارىن جابۋعا كەپىلدەندىرىلگەن ترانسفەرت تۇرىندە جوسپارلانعان
1 200 000 000 مىڭ تەڭگەنىڭ 1 200 000 000 مىڭ تەڭگەسى اۋدارىلدى, بۇل جوسپاردىڭ 100 %-ىن قۇرايدى.
ۇلتتىق قوردىڭ باسقارۋعا بايلانىستى قىزمەتتىڭ ترانسپارەنتتىلىگىن قامتاماسىز ەتۋ ماقساتىندا ءاۋديتتىڭ حالىقارالىق ستاندارتتارىنا سايكەس 2010 جىلعا اۋديتورلىق تەكسەرۋ جۇرگىزىلدى.
| باپتىڭ اتاۋى | 2010 جىلى | 2009 جىلى |
| اكتيۆتەر | ||
| اقشا جانە ونىڭ بالامالارى | 176 444 135 | 200 429 000 |
| تۋىندى قارجى قۇرالدارىن قوسپاعاندا, پايدا نەمەسە زيان ارقىلى ءادىل قۇن بويىنشا ەسەپتەلەتىن قارجى قۇرالدارى | ||
| قور مەنشىگىندەگى | 4 518 506 786 | 3 536 888 162 |
| رەپو مامىلەلەرى بويىنشا كەپىل اۋىرتپالىعى بار | 62 260 905 | - |
| وتەۋ مەرزىمىنە دەيىن ۇستالاتىن ينۆەستيتسيالار | 402 785 683 | 276 814 215 |
| تۋىندى قارجى قۇرالدارى | 4 230 221 | 1 568 264 |
| دەبيتورلىق بەرەشەك | 5 333 333 | 2 543 |
| اكتيۆتەر جيىنى | 5 169 561 063 | 4 015 702 184 |
| مىندەتتەمەلەر مەن تازا اكتيۆتەر | ||
| تۋىندى قارجى قۇرالدارى | 3 032 339 | 1 956 773 |
| رەپو مامىلەلەرى بويىنشا كرەديتورلىق بەرەشەك | 60 950 849 | - |
| كرەديتورلىق بەرەشەك جانە ەسەپتەلگەن شىعىستار | 7 050 030 | 4 216 533 |
| مىندەتتەمەلەر جيىنى | 71 033 218 | 6 173 306 |
| قازاقستان رەسپۋبليكاسى ۇكىمەتىنىڭ شوتىنا ەنگىزىلگەن تازا اكتيۆتەر | 5 098 527 845 | 4 009 528 878 |
