امەريكا كونگرەسىنىڭ وكىلدەر پالاتاسى اقش پرەزيدەنتى باراك وباماعا ليۆياداعى اسكەري وپەراتسيالار بارىسى تۋرالى ەسەپ بەرۋ تالابىمەن شىقتى. ەندى پرەزيدەنت ليۆياعا وپەراتسيالار نە ءۇشىن قاجەت بولعانىن ناقپا-ناق نەگىزدەپ بەرۋى ءتيىس.
وكىلدەر پالاتاسى سونداي-اق اقش-تىڭ قاتىسۋىمەن جۇرگەن يراكتاعى جانە اۋعانستانداعى ەكى سوعىسقا جۇمسالعان شىعىن كولەمىن دە بىلگىلەرى كەلەتىنىن مالىمدەدى. كونگرەسس قابىلداعان قاراردا ليۆياعا امەريكانىڭ قۇرعاقتاعى اسكەرلەرىن پايدالانۋعا جول بەرىلمەۋى قاجەتتىگى دە اتاپ كورسەتىلەدى. ب.وباما 14 كۇن ىشىندە ءوز جاۋابىن دايىنداپ ەسەپ بەرۋى ءتيىس.
14 اراب ازاماتىن اتىپ ءولتىردى
يزرايل مەن سيريا شەكاراسىنداعى گولان بيىكتىگىندە 14 اراب ازاماتى اتىپ ءولتىرىلدى. يزرايل سولداتتارىنىڭ وعىنان, سونىمەن قاتار, تاعى 220 اراب جارالاندى. وققا ۇشقاندار مەن جارالانعاندار پالەستينالىق بوسقىندار دەلىنىپ وتىر.
وق جاۋدىرىلعاندار ەكى مەملەكەت شەكاراسىنداعى تىكەنەك سىمداردان اسىپ وتپەكشى بولعان. داۋىس كۇشەيتكىش ارقىلى ەسكەرتۋلەرگە قاراماستان, بوسقىندار شەكارا اسپاق بولعان. ويتكەنى, 5 ماۋسىمدا ولار گولان بيىكتىگىندە ناكسا دەپ اتالاتىن كۇندى اتاپ وتەدى. 1967 جىلى وسى كۇنى ارابتار يزرايلدەن جەڭىلۋگە ءماجبۇر بولعان التى كۇندىك سوعىس باستالعان ەدى.
ناتو تىكۇشاعى اپاتقا ۇشىرادى
اۋعانستاننىڭ شىعىسىندا ناتو تىكۇشاعى اپاتقا ۇشىرادى. وقيعا سالدارىنان قاي ەلدىڭ ازاماتتارى ەكەنى ايتىلماي وتىرعان ەكى اسكەري قازا بولدى. اۋعانستاننىڭ شىعىسىندا نەگىزىنەن امەريكالىقتار قىزمەت ەتەتىندىكتەن, كوز جۇمعاندار امەريكالىق سولداتتار دەۋگە نەگىز بار.
ناتو-دا تىكۇشاقتىڭ نە سەبەپتى قۇلاعانى تۋرالى ناقتى اقپارات جوق, دەپ مالىمدەدى اليانس وكىلى تيم دجەيمس. سوعان قاراماستان, «تاليبان» وكىلى زابيحۋللا مۋدجاحيد تەلەفون ارقىلى «رەيتەر» اگەنتتىگىنە تىكۇشاقتى ساباري ۋەزىندە تاليبتەر اتىپ تۇسىرگەنىن مالىمدەگەن. اتالعان اگەنتتىكتىڭ دەرەكتەرىنە سۇيەنسەك, جىل باسىنان بەرى اۋعانستاندا 230 شەتەل سولداتى قازا تاۋىپتى.
گفر 2022 جىلى اەس-تەن باس تارتادى
گەرمانيا ۇكىمەتى شۇعىل وتكىزىلگەن ءوزىنىڭ ءماجىلىسىندە 2022 جىلعا قاراي اتوم ەنەرگەتيكاسىنان تولىق باس تارتۋ تۋرالى ۇسىنىستى ماقۇلدادى. ەلدەگى اسا ەسكىرگەن جەتى اەس «فۋكۋسيما-1» اەس-ىندە بولعان اپاتتان كەيىن قولدانىستان ۋاقىتشا شىعارىلعان ەدى. ەندى مۇلدەم توقتاتىلاتىن بولدى.
17 اەس-ءتىڭ قالعان 9-ى 2022 جىلعا دەيىن بىرتىندەپ پايدالانۋدان شىعارىلا بەرەتىن بولادى. نەمىس ۇكىمەتى قابىلداعان اتوم ەنەرگەتيكاسى تۋرالى زاڭعا وزگەرىستەردى ەندى ەل پارلامەنتى – بۋندەستاگ, سونداي-اق 16 نەمىس جەرى فەدەرالدى وكىلدىگى – بۋندەسرات ماقۇلداۋى ءتيىس. ال 2010 جىلعى اەس-تەردى 2036 جىلعا دەيىن پايدالانۋ تۋرالى كابينەت قابىلداعان زاڭ فۋكۋسيماداعى اپاتتان كەيىن كەرى قايتارىپ الىنعان بولاتىن.
بيلەۋشى پارتيا جەڭىلىس تاپتى
وتكەن جەكسەنبى كۇنى بولعان سايلاۋدا پورتۋگاليانىڭ بيلەۋشى سوتسياليستىك پارتياسى كوش باسىندا پەدرۋ پاسسۋش-كوەليۋ تۇرعان وپپوزيتسيالىق سوتسيال-دەموكراتيالىق پارتياعا جول بەردى.
الدىن الا مالىمەتتەرگە سۇيەنسەك, بيۋللەتەندەردىڭ 80 پايىزى سۇرىپتاۋدان ءوتكەننەن كەيىن سوتسيال-دەموكراتتاردىڭ ۇلەسىندە سايلاۋشىلار داۋىستارىنىڭ 40 پايىزى بار بولسا, سوتسياليستەردە شامامەن 28,5 پايىز عانا داۋىس بار كورىنەدى. پورتۋگاليا پرەمەر-ءمينيسترى جوزە سوكراتەش قازىردىڭ وزىندە جەڭىلگەنىن مويىنداپ وتىر جانە سوتسياليستەر كوشباسشىلىعىنان كەتەتىنىن مالىمدەگەن.
تايپاارالىق قاقتىعىستا كوز جۇمدى
ءتۋنيستىڭ مەتلاۆي قالاسىندا ءتۇرلى تايپالار وكىلدەرى اراسىندا بولعان قارۋلى قاقتىعىس سالدارىنان 11 ادام قازا تاپسا, 100-دەن استامى جارالانعان. قاقتىعىسقا تايپالار اراسىندا ءوندىرۋشى كاسىپورىندارعا جۇمىسقا تەك كەيبىر تايپالار وكىلدەرى عانا الىنادى ەكەن دەگەن قاۋەسەت سەبەپ بولعان.
قارسىلاسۋشى جاقتار قاقتىعىستا قولدان جاسالعان بومبالاردى, ۆينتوۆكالار مەن تەمىر تاياقشالاردى پايدالانعان. قالاداعى دۇكەندەر تولىقتاي تونالىپ, ورتەپ جىبەرىلگەن. پوليتسيا ءتارتىپسىزدىكتەرگە قاتىسقان 60 ادامدى تۇتقىنداپتى. مەتلاۆيدە كومەندانتتىق ساعات ەنگىزىلىپ, قوسىمشا قاۋىپسىزدىك كۇشتەرى تارتىلعان. ەلدى 20 جىل باسقارعان زين ءال-ابيدين بەن الي قۋىلعانىمەن, ازىرشە بەلگىلى ءبىر وڭ ناتيجەگە قول جەتكىزىلە قويعان جوق.
قىسقا قايىرىپ ايتقاندا:
• پاكستاننىڭ سولتۇستىك-باتىسىنداعى نوۋشەر قالاسىندا جانكەشتى جاساعان لاڭكەستىكتەن 18 ادام قازا تاۋىپ, 40-ى جارالانعان. ولگەندەر اراسىندا كەم دەگەندە ەكى اسكەري بار كورىنەدى.
• يراكتا 6 ماۋسىم كۇنى التى اقش اسكەري قىزمەتكەرى ولتىرىلگەن. پەنتاگوننىڭ مالىمدەمەسىندە اسكەريلەردىڭ قانداي جاعدايدا قازا تاپقانى ايتىلمايدى. جالپى, يراك ناۋقانى باستالعالى بەرى 4459 اقش اسكەريى كوز جۇمىپتى.
• بۇرىنعى اسكەري وليانتا ۋمالا پەرۋ پرەزيدەنتىن سايلاۋدا ءوزىنىڭ جەڭىسكە جەتكەنىن جاريا ەتتى. جاۋاپقا تارتىلعان ەكس-پرەزيدەنت البەرتو ءفۋحيموريدىڭ قىزى كەيكو ودان 1 پايىز داۋىس از جيناپ, جەڭىلىسكە ۇشىراعان.
• كيشينەۆ مەرىن سايلاۋدا, الدىن الا دەرەك بويىنشا, كوممۋنيستەر پارتياسىنان كانديدات يگور دودون 52 پايىز داۋىسپەن جەڭىسكە جەتكەن. ونىڭ قارسىلاسى – ليبەرالدى پارتيا وكىلى دورينا كيرتواكە 43 پايىز داۋىس جيناعان.
• بۇعان دەيىن ۋدمۋرتيا كەنتىندەگى ارسەنالدا ءورت بولعانىن حابارلاعان ەدىك. ودان كەلگەن شىعىن 1 ميلليارد ءرۋبلدى قۇراپ وتىر. اسكەري قارۋ-جاراق قويماسى ماڭىنداعى 32 ەلدى مەكەندەگى 2862 ۇيگە زاقىم كەلگەن.
ينتەرنەت ماتەريالدارى نەگىزىندە ازىرلەندى.
