سىندارلى سىناق مەكتەپ بىتىرۋشىلەردىڭ ءبىلىم دەڭگەيىن انىقتايدى

وقۋشىلاردىڭ ون ءبىر جىل بو­يى العان ءبىلىمىن سىندارلى سى­ناق­قا سالاتىن ۇلتتىق ءبىر­ىڭعاي تەست 4 ماۋسىم كۇنى باس­تالعان ەدى. بيىل وتانىمىز بو­يىنشا مەكتەپ ءبىتىرىپ جاتقان 160 201 وقۋشىنىڭ 129,471-ءى ۇبت بويىنشا ەمتيحان تاپ­سىرۋ­عا ءوتىنىش بەرگەن بولاتىن. ولاردىڭ 85 372-ءى قازاق تىلىندە, 44 099-ى ورىس تىلىندە ءبىلىم ال­عان­دار. تەستىلەۋ ەلىمىزدىڭ 49 قا­لا­سى مەن 105 اۋدان ورتالىق­تا­رىن­دا ورنالاسقان پۋنكتتەردە 4-10 ماۋسىم ارالىعىندا وتكى­زىل­گەنىن نازارعا سالا كەتسەك دەيمىز. تەستىلەۋ العاشقى كۇنى 48, ال ەكىنشى كۇنى 63 پۋنكتتە بولدى. وسى ەكى كۇندە 48 053 مەكتەپ ءبىتىرۋشى سىناق تاپسىردى. تاعى ءبىر ەسكە سالاتىن نارسە, تۇلەك­تەر ما­مان­دىقتار بويىنشا كەمىندە 50 بالل جيناۋى ءتيىس. سوندا عانا ولار ءبىلىم گرانتىن الاتىن رەس­پۋبليكالىق كونكۋرس­قا قاتىسا الادى. ءبىلىم جانە عىلىم ءمينيسترى با­قىتجان جۇماعۇلوۆ الماتى قا­­لاسىندا ۇلتتىق بىرىڭعاي تەستى­­نىڭ جۇمىسىمەن تانىسىپ, سىناق­قا قاتىسىپ وتىرعان ءتۇ­لەك­تەرگە ساتتىلىك تىلەدى. ول سونىمەن قا­تار, بيىل ۇبت-نىڭ كوپ ءوز­گەرىسكە ۇشىراماعانىن, تەك 1500 سۇراق­تىڭ مازمۇنىنا ساي بولما­عان­­دىق­­تان جويىلعانىن ايتىپ, سوڭ­عى كەزدەرى ەمتيحاننىڭ بۇل ءتۇرى­نە جۇرتشىلىقتىڭ دەن قويا باستا­عا­نىن تىلگە تيەك ەتتى. وتكەن ەكى كۇنگى سىناقتىڭ ءنا­تيجەسىنە قاراعاندا, كورسەت­كىش جا­مان ەمەس سەكىلدى. دەگەنمەن, 4 661 مەكتەپ ءبىتىرۋشى شەكتى دەڭ­گەيدەن وتە الماي قا­لىپتى. ال ەڭ جوعارعى 125 بالل العاندار دا بار كورىنەدى. سۇلەيمەن مامەت.