اعارتۋشى عالىمعا تاعزىم

«ارسەنال» كينوتەاترىندا استانا قالاسى تىلدەردى دامى­تۋ باسقارماسى مەن قالالىق №25 ورتا مەكتەبىنىڭ ۇيىمداس­تى­رۋى­مەن تۇڭعىش پەداگوگ-اعار­تۋ­شى ىبى­راي التىن­سا­رين­نىڭ 170 جىلدى­عىنا وراي ادە­بي شى­عار­ماشىلىق كەش ءوتتى. كەشتىڭ ماقساتى – ىبىراي ءالتىنساريننىڭ شىعارماشى­لى­­عىن, وقۋ-ءبىلىم, تاربيە سالا­سىن­دا­عى قىزمەتى مەن حالقىنا جاسا­عان وشپەس ەڭبەگىن وقۋ­شى­لار مەن حالىق اراسىندا ناسيحاتتاۋ دەسەك, شاراعا استانا قالاسى تىلدەردى دامىتۋ باسقارماسىنىڭ باس­تىعى وراز­كۇل اسانعازى, «ىبىراي ال­تىن­سارين» قوعام­دىق قورىنىڭ ءتورايىمى تانا اۋەلبەكقىزى, سونداي-اق زيالى قاۋىم وكىل­دەرى, ىبىراي التىن­سارين كو­شە­سىنىڭ تۇرعىندارى ءجا­نە مەكتەپ مۇعا­لىمدەرى مەن وقۋ­شىلارى قاتىستى. ىبىراي التىنسارين – قازاق­تىڭ تۇڭعىش اعارتۋشى عالىمى. بالالارعا انا ءتىلىن ۇيرەتۋ ا­ر­قىلى حالىقتىڭ باي ءتىلى مەن ونە­رىن مەڭ­گەرىپ, ونەر-بىلىمگە باۋلى­عان ۇستاز. ادەبي شىعارماشىلىق كەش اعار­تۋ­شى عالىم جايلى ماع­لۇمات­تار­دى كەڭ اۋقىمدا قامتى­عان ەكەن. سوعان وراي جۇرتشى­لىققا  ءومىرى مەن شىعارماشى­لى­عى كەڭىنەن تا­نىس­تىرىلدى. مەكتەپ وقۋشىلارى قويعان «دالا شام­­شىراعى» اتتى قويىلىم ىبى­­راي التىنسارين ومىرىنەن سىر شەرتىپ, العاشقى اشقان مەكتەبىن بەينەلەدى. سول كەزەڭدەگى كەڭەس وكىمەتىنەن كورگەن قى­سىم­دى دا ءدال جەتكىزە ءبىلدى. ادەبي شىعارماشىلىق كەش بارىسىندا ءسوز العان نەسىپبەك ايت ۇلى: «ىبىراي اتامىز – ال­عاش قازاق تىلىندە وقۋلىق جازعان ۇستاز. سونداي-اق, ول بالالار ادە­بيەتىنىڭ نەگىزىن قالاۋشى. جاڭا ۇلگىدەگى مەكتەپتەر اشۋ ىسىمەن شۇ­عىلدانعان عالىم قازاق قىز­دارىن وقىتۋ ىسىنە ەرەكشە كوڭىل بولگەنى تاعى بار. 1888 جىلى ىرعىزدا قىزدار مەكتەبىن ۇيىم­داس­تىرۋى – ۇلى اعارتۋشى­نىڭ بۇل تۇرعىدا جاساعان ۇلكەن ەڭبەگى بولىپ تابىلادى», – دەپ, اعارتۋشى جايلى اقپارلاردى ودان ءارى تولىقتىرا ءتۇستى. كەش سوڭىندا ءتىل جاناشىرى ورازكۇل اسانعازىقىزى ىبى­راي ال­تىنسارين كوشەسىن­دە كوپ جىل­دار­دان بەرى تۇرىپ جاتقان تۇر­عىندار مەن كوپ بالالى انالارعا قۇرمەت ءبىلدىرىپ, سىي-سياپات جاسادى. جۇلدىز ءبايدىلدا.