باتىر اتىنداعى ساياباق

جاقسىلىقتىڭ ءبارى بالا­لارعا جاسالسىن دەگەن قاعيدا بۇگىندە جالعاسىن تاۋىپ وتىر. پانفيلوۆ اۋدانىندا ءبۇلدىر­شىندەر مەن جاستارعا تاماشا تارتۋ رەتىندە «جاستار» سايا­باعى كۇردەلى جوندەۋدەن وتكى­زىلىپ, «جول كارتاسىمەن» ءبو­لىن­گەن 162 ملن. تەڭگە تولىق يگەرىلدى. قۋانىشتىسى – سايا­باق­قا بولەك باتىردىڭ ەسىمى بەرىلىپ, ەل تاۋەلسىزدىگىنە ار­نال­عان مادەني شارالار وسى جەردەن باستاۋ الىپ وتىر. ەرتە كوكتەمدە جاس كوشەت­تەر وتىرعىزىلىپ, جولعا پليت­كالار توسەلگەن. ساياباقتىڭ اشىلۋىنا حالىق كوپ جينا­لىپ, جاركەنت قالاسىنىڭ تۇر­عىندارىنا كەرەمەت دەمالىس سىيلادى. – ساياباقتا ءبىر كەزدەرى دەمالىپ, تازا اۋا جۇتىپ ءوسىپ ەدىك. ەندى بالالارىمىز بەن نەمەرەلەرىمىز كەلدى. بۇل – با­لا­لاردىڭ ءومىرى مەن دەن­ساۋ­لى­عىنا دەگەن تاماشا سىيلىق. ولار وسىندا قىدىرادى, ۋا­قىت­تارىن كوڭىلدى وتكىزەدى, – دەيدى جاركەنت قالاسىنىڭ تۇر­عىنى ۇلجان ساۋرانباەۆا. بۇلدىرشىندەر دە ءان سالىپ, بي بيلەپ, وزدەرىنىڭ دە, اتا-انالارىنىڭ دا كوڭىلىن كو­تەر­دى. جاڭارعان ساياباق قو­عام­دىق-مادەني شارالاردىڭ ور­تا­سىنا اينالاتىنىن جيىنعا قاتىسقاندار ءبىراۋىزدان جەتكىزىپ جاتتى. جەرگىلىكتى كاسىپكەرلەر بي الا­ڭىن اشىپ, روليكتەرمەن سىر­­­عانايتىن ورىن سالۋدى جوسپار­لاعان. ساياباقتا سەرۋەن قۇرىپ قانا قويماي, مادەني-كوپشىلىك شا­رالاردى دا ۇتىمدى ۇيىم­داس­تىرۋعا مۇمكىندىك مول. كۇمىسجان بايجان, الماتى وبلىسى.