قازاقستان باستامالارىنىڭ قاشاندا ماڭىزى جوعارى

جاقىندا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ق.سارىبايدىڭ باسشىلىعىمەن قازاقستان دەلە­گا­تسياسى سىرتقى ىستەر مينيسترلەرىنىڭ 16-شى كونفەرەنتسياسىنىڭ جۇمىسىنا جانە قوسىلماۋ قوزعالىسىنىڭ 50 جىلدىعىنا ارنالعان مەرەيتويلىق كەزدەسۋىنە قاتىستى (بالي, يندونەزيا), دەپ حابارلادى قر ءسىم-ءىنىڭ ءباسپاسوز قىزمەتى. كونفەرەنتسياعا قوسىلماۋ قوز­عا­لىسىنا  مۇشە 95 مەملەكەتتىڭ, 14 باقىلاۋشى ەلدىڭ وكىلدەرى, قا­تارىندا بۇۇ, يكۇ, اراب مەملەكەتتەرى ليگاسى سەكىلدى 30-عا جۋىق حالىقارالىق جانە ۇكىمەتتىك ەمەس ۇيىمداردىڭ وكىلدەرى بار دەلەگاتسيالار قاتىستى. كونفەرەنتسيانى يندونەزيا پرە­زيدەنتى سۋسيلو بامبانگ يۋدويونو سالەمدەمە سوزىمەن اشىپ, بۇۇ باس حاتشىسى پان گي مۋننىڭ دەلەگاتتارعا ارنالعان جازباشا ءۇن­دەۋىن وقىپ بەردى. فورۋمدا ءسوز ءسوي­لەگەن دەلەگاتسيا باسشىلارى قارۋ­سىز­دانۋ مەن حالىقارالىق قاۋىپ­سىز­دىك, بىتىمگەرشىلىك, ادام قۇقىقتارى مەن دەموكراتيا سالالارىنداعى پرو­گرەستىڭ وزەكتىلىگىن قۋاتتاي وتى­رىپ, وركەنيەتتەر مەن دىندەر ارا­سىنداعى ۇنقاتىسۋلاردى ىلگەرى جىل­جىتۋعا شاقىردى. كليماتتىڭ وزگەرۋى, ازىق-ت ۇلىك قاۋىپسىزدىگى مەن كوشى-قون ۇدەرىستەرى سالالارىن­دا­عى جاعدايلارعا قاتىستى الاڭداۋ­شى­لىق تانىتىلىپ, قوسىلماۋ قوز­عالىسىنا مۇشە ەلدەردىڭ تۇراقتى ەكونوميكالىق دامۋ پروبلەما­لارى­نا ايتارلىقتاي كوڭىل ءبولىندى. قازاقستان دەلەگاتسياسىنىڭ باس­شىسى ءوز سوزىندە قازاقستان قوسىل­ماۋ قوزعالىسىنىڭ قاعيداتتارى مەن ماقساتتارىنا ورتاق­تاسا­تى­نىن جانە ءبىزدىڭ ەلىمىزدىڭ تاتۋ كورشىلەس جانە ءوزارا ءتيىمدى ىن­تىماقتاستىققا نەگىزدەلگەن بەيبىت سىرتقى ساياساتى قوسىلماۋ قوزعالىسىنا مۇشە مەملەكەتتەر تاراپىنان قازاقستانعا دەگەن سەنىمنىڭ ارتۋىنا ىقپال جا­ساي­تىنىن اتاپ ءوتتى. ق.سارىباي قا­تى­سۋشى تاراپتاردى قازاقستان پرەزيدەنتى ن.نازارباەۆتىڭ ياد­رو­لىق قارۋسىز الەم قۇرۋ تۋرالى جالپىعا ورتاق دەكلاراتسيا قابىلداۋ تۋرالى باستاما­سى­مەن تانىستىردى. اتالعان دەك­لاراتسياعا سايكەس, بارلىق ەل­دەردىڭ يادرولىق قارۋسىز الەم­گە بىرتىندەپ جاقىنداۋعا دەگەن ەرىك-جىگەرى ايقىن كورىنەر ەدى. قازاقستاننىڭ ايماقتىق ۇي­ىمدارعا قاتىسۋعا ۇلكەن كوڭىل بولەتىنى جانە ەقىۇ, شىۇ, اوسشك مەن يكۇ شەڭبەرىندە ءتيىمدى ءارى جەمىستى ىنتىماقتاس­تىق ورناتىپ وتىرعانى اتاپ كور­سەتىلدى. وسى ورايدا قازاق­ستاندىق ديپلومات 2011 جىلعى 28-30 ماۋسىم كۇندەرى استانادا يسلام كونفەرەنتسياسى ۇيى­مى­نا مۇشە مەملەكەتتەر سىرتقى ىستەر مينيسترلەرىنىڭ 38-ءشى كە­ڭە­سى وتە­تىنىن حابارلاي كەلىپ, قازاقستان ءوز توراعالىعى كەزىندە يكۇ مەن قوسىلماۋ قوزعا­لى­سى اراسىنداعى ىنتىماقتاس­تىق­تى بىرىزدىلىككە ءتۇ­سىرۋگە ىق­پال جاسايتىندىعىن كولدەنەڭ تارتتى. كونفەرەنتسيا ءوز جۇمىسى­نىڭ ناتيجەسى بويىنشا حالىق­ارا­لىق احۋال مەن حالىقارالىق قۇقىق ماسەلەلەرىنە جان-جاقتى شولۋ جاسالعان قورىتىندى قۇ­جات قا­بىلدادى. وندا قوسىل­ماۋ قوزعا­لى­سىنىڭ ءرولى مەن جۇمىس ادىستە­رى كورىنىس تاپتى. بۇۇ جۇيەسىنىڭ ينستيتۋتتىق رە­فورماسى ماسەلە­لەرىنە ەرەكشە نازار اۋدارىلدى. كونفەرەنتسيا اياسىندا ەلىمىز سىرتقى ىستەر ءمينيسترىنىڭ ورىنباسارى ق.سارىباي بىرقا­تار ەكىجاقتى كەزدەسۋلەر وتكىز­دى. كەزدەسۋلەر كەزىندە, يندونەزيا سىرتقى ىستەر ءمينيسترى مار­تي ناتالەگاۆا, ءازىربايجان سىرتقى ىستەر ءمينيسترى ە.مامەدياروۆ, برۋنەي-دارۋسسالام سىرتقى ىستەر ءمينيسترى حانزادا موحاممەد بولكياح, يراك سىرت­قى ىستەر ءمينيسترى حوشيار ماحمۋد زەباري, يران سىرتقى ىستەر ءمينيسترى ا.سالەحي استانادا وتەتىن فورۋمعا قاتىسۋعا نيەت تانىتىپ وتىرعاندارىن راستاپ, يكۇ ءسىم كەڭەسى جەمىستى وتەتىنىنە سەنىم ءبىلدىردى. گۆينەيا سىرتقى ىستەر ءمينيسترى بيساۋ ادەلينو مانو كۆەتا مەن شري-لانكا سىرتقى ىستەر ءمينيسترى گ.ل. پەيريس, ۆەتنام, كولۋمبيا, سيريا, ماروككو سىرتقى ساياسات ۆەدومستۆو­لا­رى باسشىلارىنىڭ ورىنباسار­لا­رى ءوز ەلدەرىنىڭ قازاقستانمەن ساياسي بايلانىستى نىعايتىپ, ساۋ­دا-ەكونوميكالىق ىنتى­ماق­تاس­تىقتى دامىتۋعا مۇددەلى ەكەندىكتەرىن تانىتتى.