حالىقارالىق جوبالار قارقىنى

سەناتتىڭ اگرارلىق ماسەلەلەر جانە قورشاعان ورتانى قورعاۋ كومي­تە­تىنىڭ توراعاسى بولات جىلقىشيەۆ پەن ءيزرايلدىڭ ءسىم جانىنداعى ماشاۆ حالىقارالىق ىنتىماقتاستىق­تى دامىتۋ اگەنتتىگىنىڭ حالىقارالىق جو­بالاردى ىلگەرىلەتۋ دەپارتامەنتى­نىڭ ديرەكتورى ەفرايم بەن ماتي­تياۋ­دىڭ كەزدەسۋىندە قازاقستان مەن يز­رايلدىڭ اۋىل شارۋاشىلىعى سالا­سىن­داعى ەكىجاقتى ارىپتەستىگىن دامى­تۋ ماسەلەلەرى تالقىلاندى. ب.جىلقىشيەۆ قازاقستاننىڭ اگ­رو­ونەركاسىپتىك كەشەنى الدىندا تۇر­عان مىندەتتەر تۋرالى حاباردار ەتىپ, اۋىل شارۋاشىلىعى سالاسىن ودان ءارى دامىتۋدى قامتاماسىز ەتەتىن زاڭ­نا­ما­لار تۋرالى اڭگىمەلەدى. يزرايل ءتا­جىريبەسىن پايدالانۋعا قازاقستان تا­راپىنىڭ مۇددەلىلىگى تۋرالى ايتا كەلىپ, سەناتور قۇس ءوسىرۋ, تامشىلاتىپ سۋا­رۋ, جىلىجاي شارۋاشىلىعىن دامى­تۋدا وسى زامانعى تەحنولوگيالار تا­بىس­تى قولدانىلىپ كەلە جاتقانىن اتاپ ءوتتى. «بىزدە اۋىل شارۋاشىلىعىنداعى ىنتىماقتاستىقتى كۇشەيتۋ, بىرلەسكەن جوبالاردى جۇزەگە اسىرۋدا سالانى جاڭعىرتۋ, يننوۆاتسيانى ەنگىزۋ ءۇشىن زور مۇمكىندىكتەر بار», دەپ اتاپ ءوتتى ب.جىلقىشيەۆ. يزرايل جاعى اۋىل شا­رۋاشىلىعىنىڭ دامىعان وقۋ ور­تا­لىقتارىن قۇرۋ, الماتى ماڭىندا جاڭا تەحنولوگيالاردى تانىستىرۋ الاڭدا­رىن جاساۋ تۋرالى نيەتتەرىن ءبىلدىردى. دەپۋتاتتار س.پلوتنيكوۆ, ج.نۇر­عا­ليەۆ قاتىسقان كەزدەسۋ بارىسىندا مەليوراتسيا كەشەنىن دامىتۋ, ينفرا­قۇ­رى­لىمدار جاساۋ مەن اۋىل شارۋا­شى­لىعى ونىمدەرىنىڭ رىنوگىن وركەندەتۋ ءجو­نىندەگى بىرلەسكەن جۇمىستاردىڭ جو­با­لارى تالقىلاندى, دەپ حابارلادى پارلامەنت سەناتىنىڭ ءباسپاسوز قىزمەتى.