ورتاق مەموراندۋمعا سەنىم زور

«نۇر وتان» پارتياسى الەۋ­مەتتىك ماڭىزى بار مەملەكەتتىك باعدارلامالاردى ىسكە اسىرۋ, سو­نىڭ ىشىندە «ەلەكتروندى ۇكى­مەت­تى» ەنگىزۋ بارىسىن دا ۇنەمى باقىلاپ وتىرادى. وسى باعدارلامادا حالىققا قىزمەت كورسەتۋ ورتالىقتارىندا (حقكو) ازاماتتارعا كورسەتىلەتىن مەملەكەتتىك قىزمەتتەردىڭ قول­جەت­ىم­دىگى مەن ساپاسىن قامتاما­سىز ەتۋگە باسا نازار اۋدارىلادى. قازاقستاندا حقكو-لاردى قۇرۋ يدەياسىن 2005 جىلى مەملەكەت باسشىسى ۇسىنعانى بەلگىلى. ورتا­لىقتار ەڭ الدىمەن جەمقورلىق كورىنىستەرى ءۇشىن جاعداي تۋدىرا­تىن مۇمكىندىكتەر رەتىندە قىزمەت­كەرلەر مەن ازاماتتار اراسىنداعى تىكەلەي بايلانىستى بارىنشا شەك­تەۋ ماقساتىندا قۇرىلعان بولاتىن. ەلباسى, «نۇر وتان» پارتيا­سى­نىڭ توراعاسى نۇرسۇلتان نازارباەۆ مەملەكەتتىك ورگاندار ال­دىنا مەملەكەتتىك قىزمەتتەردىڭ سا­پاسىن ودان ءارى ارتتىرۋ, ەلەكترون­دى قىزمەت ستاندارتتارىن, ەڭ ال­دى­مەن, قىزمەت كورسەتۋ ورتالىق­تارى جۇمىستارىن جاقسارتۋ مەن وڭتايلاندىرۋ, «نۇر وتان» پار­تياسىنا باعدارلامالاردى ىسكە اسى­رۋدا قوعامدىق باقىلاۋدى كۇ­شەيتۋ مىندەتتەرىن قويعان بولا­تىن. جاسالىپ جاتقان جۇمىستىڭ تيىمدىلىگىن ارتتىرۋ ماقساتىندا «نۇر وتان» پارتياسى ەكونو­ميكالىق قىلمىسقا جانە سىباي­لاس جەمقورلىققا قارسى كۇرەس اگەنتتىگى مەن بايلانىس جانە اقپارات مينيسترلىگىمەن ءوزارا ىنتىماقتاستىق تۋرالى مەموران­دۋمعا قول قويدى. قول قويۋ ءراسىمى «نۇر وتان» پارتياسىنىڭ ورتا­لىق اپپاراتىندا وتكىزىلدى. قۇ­جات­قا پارتيا توراعاسىنىڭ ءبىرىنشى ورىنباسارى نۇرلان نىعما­تۋ­لين, ەكونوميكالىق قىلمىسقا ءجا­نە سىبايلاس جەمقورلىققا قار­سى كۇرەس اگەنتتىگىنىڭ توراعاسى قايرات قوجامجاروۆ پەن باي­لا­نىس جانە اقپارات ءمينيسترى اسقار جۇماعاليەۆ قول قويدى. قۇجات الداعى ۋاقىتتا قىزمەت كورسەتۋ ورتالىقتارى جۇمىسىنىڭ ساپا­سىن ارتتىرۋدا ماڭىزدى ورىن الاتىن بولادى. نۇرلان نىعماتۋلين «ەلبا­سى­مىز, پارتيامىزدىڭ توراعاسى نۇر­سۇلتان ءابىش ۇلى نازارباەۆ ايتقانداي, جەمقورلىقپەن كۇرەس – بۇل تەك ارنايى مەملەكەتتىك ورگانداردىڭ مىندەتى ەمەس. بۇل – بۇكىل ازاماتتىق قوعامنىڭ ورتاق مىندەتى. سوندىقتان, بۇگىنگى جاسا­لىپ وتىرعان كەلىسىمدەر وسى جۇ­مىسقا اسا ماڭىزدى ۇلەس قوسا­دى دەپ سەنەمىز», – دەپ اتاپ ءوتتى. كەلىسىلگەن جۇمىس ارقىلى تاراپتار حقكو قىزمەتىن از ۋاقىت ىشىندە جەتىلدىرۋگە قول جەتكىزىلەتىنىنە سەنىمدى. «ەگەمەن-اقپارات».