قورشاعان ورتانى قورعاۋ كۇنىنە وراي

كەشە قورشاعان ورتانى قورعاۋ مينيسترلىگىندە بۇكىلالەمدىك قور­شاعان ورتانى قورعاۋ كۇنىنە ارنالعان سالتاناتتى جينالىس بولىپ ءوتتى. كاسىبي مەرەكە قارساڭىندا قورشاعان ورتانى قورعاۋ ءمينيسترى نۇرعالي ءاشىم ارىپتەستەرىنە ءوز قۇتتىقتاۋىن جەتكىزىپ, سالادا جەمىستى ەڭبەك ەتكەندەرگە قۇرمەتتى توسبەلگىلەر  مەن العىس حاتتار تابىس ەتتى. كاسىبي مەرەكەنىڭ شىعۋ تاري­حى­نا توقتالا كەلىپ, ونى بارلىق الەمدىك قاۋىمداستىقتىڭ اتاپ وتەتىندىگىن, ونىڭ ىشىندە قازاق­ستان دا 5 ماۋسىمدى ەكولوگتاردىڭ كاسىبي مەرەكەسى عانا ەمەس, وسى سالاداعى ماسەلەلەردى كەڭىنەن تال­قىلايىن كۇن رەتىندە قاراس­تى­راتىنىن جەتكىزدى. مينيستر ءوز سوزىندە كاسىبي مەرەكەنىڭ ماڭىز­دى­لىعىن اتاپ ءوتىپ, ورتالىق اپپارات پەن قۇرىلىمدىق بولىمشەلەر الدىندا تۇرعان مىندەتتەرگە توق­تال­دى. ونىڭ ىشىندە كيوتو حات­تا­ماسىن جۇزەگە اسىرۋ بارى­سىن­داعى بىرقاتار ماڭىزدى مىندەتتەر مەن پارنيكتىك گازداردى ازايتۋ, پارنيكتىك گازدار شىعارىن­دى­لارىن ىشكى كۆوتالاۋ دا بار. سونداي-اق شارا قوناقتارى پرەمەر-مينيستر ديپلومىنا ار­نالعان «تازا بولسا تابيعات, امان بو­لار ادامزات» اتتى رەسپۋب­لي­كا­لىق سايىسقا قاتىسۋشىلاردىڭ ۇزدىك جۇ­مىستارىن تاماشالادى. ونىڭ باس­تى ويى بالالاردىڭ ەكو­لوگيا پرو­بلەماسىن, ءوزىنىڭ تابي­عات­قا دەگەن ناقتى كومەگىن قالاي تۇسىنە­تىن­دىگىن انىقتاۋ بولىپ تابىلادى. ۆەنەرا تۇگەلباي.