بومبالاۋ تىيىلار ەمەس

جۇما كۇنى ناتو كۇشتەرى ليۆيا باسشىسى مۋامار كاددافيدىڭ ەل استاناسى تريپولي مەن ونىڭ ماڭا­يىن­داعى اسكەري نىساندارىنا ونداعان سوققى جاسادى, دەپ حابارلادى اسسوشيەيتەد پرەسس اگەنتتىگى. اگەنتتىكتىڭ اتاپ كورسەتكەنىندەي, اۆياسوققىلار وسى اپتا ىشىندەگى ەڭ قۋاتتى سوققىلاردىڭ ءبىرى بولعان. وسى جونىندە مالىمەت بەرگەن ۇكىمەت وكىلىنىڭ ايتۋىنشا, شابۋىل تاڭەرتەڭ­گى­سىن ەرتە جاسالعان. ازىرگە قازا بولعاندار مەن زارداپ شەككەندەر تۋرالى مالىمەتتەر كەلىپ تۇسپەگەن كورى­نەدى. ءبىر بەلگىلىسى, اليانس اسكەرلەرى قالادا كاددافي عانا ەمەس, بەيبىت تۇرعىن­داردىڭ دا بار ەكەندىگىن ەسكەرمەي وتىر. ەسىرتكىنى ناسيحاتتادى دەپ ايىپتادى رەسەيدىڭ ەسىرتكىگە باقىلاۋ جاساۋ جونىندەگى قىزمەت باسشىسى ۆيكتور يۆانوۆ بۇۇ-نىڭ ەسىرتكىگە قارسى ساياسات جونىندەگى جاھاندىق كوميسسياسىن ەسىرتكىنى ناسيحاتتاپ وتىر دەپ ايىپتادى. ريا نوۆوستي اگەنتتىگىنىڭ حابار­لاۋىن­شا, يۆانوۆ مۇنداي مالىمدەمەنى اتالعان كوميسسيا مۇشەلەرىنىڭ ەسىرتكى زاتتارىنىڭ ءبىر بولىگىن اشىق اينالىمعا شىعارۋ تۋرالى ۇندەۋىنە تۇسىنىك بەرە وتىرىپ جا­سا­عان. ەسىرتكىنىڭ ءبىر بولىگىن اشىق اينالىمعا شىعارۋ تۋرالى بايانداما 19 ماماننىڭ, قوعام قايراتكەرلەرى مەن سايا­ساتكەرلەردىڭ قاتىسۋىمەن ازىرلەنگەن بولاتىن. ولار ۇزاق جىلدار بويى ەسىرتكىگە قارسى جۇرگىزىلگەن كۇرەستىڭ ميلليون­داعان ادامداردىڭ اجالىنا سەبەپكەر بولعانىن, اقشانىڭ شىعىندالعانىن ايتىپ, ەسىرتكىمەن كۇرەسۋشىلەردىڭ جەڭىلىس تاپقانىن مالىمدەگەن. ساپاسىز ۆيسكيدەن ۋلانعان تۇركيانىڭ اۋىل شارۋاشىلىعى مينيسترلىگى رەسەيلىك تۋريستەردىڭ تەڭىز ساياحاتى كەزىندە ۋلانۋىنا ساپاسىز ۆيسكيدىڭ سەبەپكەر بولعانىن راستادى. اتالعان ۆەدومستۆو رەسەيلىكتەردىڭ كرۋيز بارىسىندا پايدا­لان­عان الكوگولدى ىشىمدىكتەرىنە مۇقيات تالداۋ جاساي كەلىپ, ونىڭ قۇرامىندا مەتيل ءسپيرتىنىڭ نورمادان ءۇش ەسە كوپ ەكەنىن انىق­تاعان. قولدان جاسالعان ۆيسكي تۇركياعا سولتۇستىك كيپر­دەن جەتكىزىلىپ, «بيرلىك گىدا» كومپانياسى ونى انكارا, انتاليا, مۋگلە جانە مەريسنە قالالارىندا ساۋداعا شىعا­رىپتى. تۇركيادا 12 مىڭعا جۋىق شولمەك ساتىلىپ تا كەتكەن كورىنەدى. ۆيسكيدى ساتۋمەن جاسىرىن فيرمانىڭ اينالىسقانى دا بەلگىلى بولىپ وتىر. سيرياداعى داعدارىس شيەلەنىسىپ تۇر وتكەن بەيسەنبى كۇنى راستان قالا­سىن­دا ۇكىمەت اسكەرلەرى قارسىلىق اك­تسياسىنا شىققانداردى تىنىشتان­دىرماق بولعان ۋاقىتتا كەم دەگەندە ون بەستەي ادام قازا تاپقان. بۇل جونىندە سيريالىق ازاماتتىق بەلسەندىلەر مالىمدەپ وتىر. قالادا ينتەرنەت, ۇيا­­لى باي­لا­نىس ءوشىرىلىپ, سۋ قۇبىرلارى قاڭتارىلىپ, ەلەكتر قۋاتىن بەرۋ توق­تاتىلعان. سولداتتاردىڭ ايتارلىقتاي قاتاڭ ارەكەتتەرگە بار­عا­نى­نا قاراماستان, ازىرگە شەرۋلەر باسىلماي وتىر. قۇقىق قورعاۋ­شى­لاردىڭ مالىمەتتەرىنشە, سوڭعى ءۇش كۇندە عانا 60 بەيبىت تۇرعىن­ ورىن العان وقيعالاردىڭ قۇربانى بولعان. قارسىلىق بىلدىرۋشىلەر بۇرىنعىسىنشا ەل پرەزيدەنتى باشار اسادتىڭ وتستاۆكاعا كەتۋىن تالاپ ەتۋدە. ارسەنالدا بولعان جارىلىس ۋدمۋرتياداعى قارۋ-جاراق ارسەنالىندا ورىن العان جارىلىستان ەكى ادام قازا تاپقان. ريا نوۆوستي اگەنتتىگىنىڭ حابارىنشا, بۇل تۋرالى رەسپۋبلي­كا­نىڭ دەنساۋلىق ساقتاۋ ءمينيسترى ۆلاديمير مۋزلوۆ حابارلاعان كورىنەدى. ونىڭ ايتۋىنشا, ادامداردىڭ قايتىس بولۋىنا جارى­لىس اسەرىنەن تۋىنداعان سترەسستى جاعداي سەبەپكەر بولىپتى. ءالى دە جارىلىس جالعاسىپ جاتقان ارسەنال ۋدمۋرتيانىڭ مالوپۋرگين اۋدانىنداعى پۋگاچەۆ سەلوسىندا ورنالاسقان. قازىرگى ۋاقىتتا 45 ادامنىڭ زارداپ شەگىپ, 18 ادامنىڭ اۋرۋحاناعا تۇسكەنى بەلگىلى بولىپ وتىر. ءبىر ادام ءىز-ءتۇزسىز جوعالىپ كەتكەن كورىنەدى. تورنادو تەگەۋرىنى امەريكانىڭ ماسساچۋسەتس شتاتىنىڭ ۇستىنەن ءجۇرىپ وتكەن تورنادو سالدارىنان كەم دەگەندە ءتورت ادام قازا تاۋىپ, 200 ادام دەنە جاراقاتتارىن العان. الاپات داۋىلدىڭ ءجۇرىپ وتكەن جولىندا 18 قالا مەن دەرەۆنيالار قاتتى ب ۇلىنشىلىككە ۇشىراعان كورىنەدى. بوستون قالاسىنان باتىسقا قاراي 150 شاقىرىم جەردەگى 140 مىڭداي تۇرعىنى بار سپرينگفيلد قالاسى قاتتى زارداپ شەككەن. تورنادو اعاشتاردى تۇبىرىمەن ج ۇلىپ الىپ, كەيبىر ۇيلەردىڭ ىرگەتاسى مەن قابىرعالارىن دا ۇشىرىپ اكەتكەن. قازىرگى كەزدە اسكەريلەر مەن پوليتسەيلەر قۇتقارۋ جۇمىستارىن جۇرگىزۋدە. ۋلانعان سۋدان قاۋىپ بار «فۋكۋسيما-1» اپاتتى اەس-تە 100 مىڭ توننادان استام ۋلانعان سۋدان تۇراتىن كول جيناقتالىپ قالعان كورىنەدى. ونىڭ قۇرامىنداعى راديواكتيۆتى زات­تار 720 مىڭ تەرابەككەرەل دەپ با­عالانىپ وتىر. ەكى اپتا ىشىندە وسىناۋ ۋلانعان سۋ­لار­دىڭ جەرگە ءسىڭىپ كەتۋى مۇمكىن. ما­ماندارعا راديواكتيۆتى سۋدىڭ اعىنىن توق­تاتۋدىڭ ءساتى تۇسپەي تۇر­عان كورىنەدى. «فۋكۋسي­مانىڭ» تومەنگى مەكەن-جايلارى مەن تەحني­كا­لىق قۇدىق­تارىندا بارلىعى 105 مىڭ توننادان استام راديواكتيۆتى سۋلار جي­ناقتالىپ قالعان. ەگەر جاڭبىر جاۋا بەرسە 15 ماۋ­سىم­نىڭ وزىندە-اق راديواكتيۆتى تاسقىننىڭ سىرتقا بۇزىپ شىعۋ قاۋپى دە جوق ەمەس. زەينەتكەر پرەزيدەنت بولىپ سايلاندى ەلدەگى ەڭ باي زەينەتكەر اندريس بەرزينش لاتۆيا پرەزيدەنتى بولىپ سايلاندى. ەكىنشى تۋردا وعان 53 دەپۋتات ءوز داۋىستارىن بەرگەن كورىنەدى. وسىلايشا ەلدەگى ساياسي داعدارىسقا نۇكتە قويىلادى دەگەن ءۇمىت بار. وسىدان ءبىر اپتا بۇرىن ءوزىنىڭ جەڭىلەتىنىن بىلگەن زاتلەرس سەيمدى تاراتىپ جىبەرمەك بولعان ەدى. بىراق پرەزيدەنتتىڭ دەموكراتياعا قايشى دەپ سانالعان ارەكەتى لاتۆيادا عانا ەمەس, سونىمەن بىرگە ودان تىس جەرلەردە دە سىنعا ۇشىرادى. اقىرىندا ونىڭ ءوز جوسپارىنان باس تارتىپ, پارلامەنتتىڭ قازىرگى قۇرامىندا پرەزيدەنت سايلاۋىن وتكىزۋگە كەلىسىم بەرۋىنە تۋرا كەلگەن. ەندى زاتلەرس دەپۋتاتتاردى تاراتىپ جىبەرمەگەنىنە وكىنىش بىلدىرەتىن سىڭايلى. ينتەرنەت ماتەريالدارى نەگىزىندە ازىرلەندى.