استانانىڭ اباتتاندىرىلۋى وزگە قالالارعا ۇلگى بولۋى ءتيىس

كەشە مەملەكەت باسشىسى نۇرسۇلتان نازارباەۆ ەلوردادا قۇرىلىس جۇمىستارى قارقىندى جۇرگىزىلىپ جاتقان مادەني-رۋحاني جانە حالىقتى سۋمەن قامتاماسىز ەتۋگە ارنالعان بىرقاتار نىسانداردى ارالاپ كوردى. حالىقتى ساپالى اۋىز سۋمەن قامتاماسىز ەتۋ – ءححى عاسىردىڭ ماڭىزدى ماسەلەلەرى. قازىرگى كەزدە قالا حالقىن تازا اۋىز سۋمەن قامتاماسىز ەتۋ ويداعىداي شەشىلىپ جاتىر. بۇل باعىتتا جۇزەگە اسىرىلعان جۇمىستار دا جەتەرلىك. سونىڭ ءبىرى – سورعى-سۇزگى ستانساسى بولىپ تابىلادى. وسى نىسانعا ارنايى اتباسىن بۇرعان ەلباسى ونىڭ جۇمىسىمەن تانى­سىپ, اتالعان نىساننىڭ استا­نا­نى تازا اۋىز سۋمەن قامتاماسىز ەتۋ­دە ماڭىزى ەرەكشە ەكەنىنە باسا ءمان بەردى. ستانسا باسشى­لارى­نىڭ حاباردار ەتكەنىندەي, بۇل نىسان تولىق پايدالانۋعا بەرىلگەن كەزدە, ونىڭ قۋاتى تاۋلىگىنە 200 مىڭ تەكشە مەتردەن 300 مىڭ تەكشە مەترگە دەيىن ارتاتىن بولادى. بۇگىندە «استانا سۋ ارناسىنا» قارايتىن ستانسادا ۇزدىكسىز جۇ­مىستار ءجۇرىپ جاتىر. سۋدى تازالاۋ ۇدەرىستەرىنىڭ بارلىعى حالىق­ارالىق ستاندارتتارعا تولىق ءساي­كەس كەلەدى. سۋ حلورلانىپ, كواگۋلياتسيا جاسالادى, تۇندىرىلىپ با­رىپ سۇزگىدەن وتكىزىلەدى. سودان كەيىن تازارتىلعان سۋ قايتادان حلورلانادى. سۋ قۇبىرى سۋىنىڭ ساپاسى وڭدەۋدىڭ بارلىق كەزەڭدە­رىن­دە ۇنەمى تەكسەرىلىپ وتىرادى. ال ميكروبيولوگيالىق كورسەت­كىش­تەر تاۋلىگىنە ءبىر رەت, ورگا­نو­لەپ­تيكالىق ء(يىسى, ءتۇسى, لايلى­لى­عى) تاۋلىگىنە 6-12 رەت, قالعان حلور ساعات سايىن انىقتالادى. سورعى-سۇزگى ستانساسىندا كۇن سايىن 800 حيميالىق, 100 باك­تە­ريو­لوگيالىق تالداۋلار جاسالا­دى. ستانسا باسشىلارى پرەزيدەنتتى قازىرگى كەزدە اياقتالعان جۇمىس تۇرلەرىنەن دە حاباردار ەتتى. بۇگىندە بۇل نىساننىڭ 99 پايىزى دايىن, ەندى ستانسانى ىسكە قوسۋ جۇمىستارى قولعا الى­نىپ جاتىر. مەملەكەت باسشىسى بۇدان كەيىن «جەرۇيىق» ساياباعىنا ايال­دا­دى. ساياباقتىڭ جالپى الاڭى 21 گەكتاردى قۇرايدى. ساياباقتى ابات­تاندىرۋ 2007 جىلدىڭ 1 شىلدەسىندە باستالعان ەدى. بۇگىندە ونىڭ اۋماعىنداعى 95 مىڭ شار­شى مەتر جەرگە ءشوپ ەگىلگەن. سون­داي-اق ساياباققا 400-دەن استام ءتۇرلى اعاشتار وتىرعىزىلعان. كوپشى­لىك­تىڭ دەمالۋىنا قاجەتتى بارلىق جاعدايلار جاسالعان. ساياباق اس­تا­نالىقتار مەن ەلوردا قوناقتا­رى­نىڭ ءجيى كەلەتىن دەمالىس ور­نىنا اينالىپ كەلەدى. ال استانانىڭ جاڭا ورتالى­عىنداعى تاۋەلسىزدىك جانە باۋىر­جان مومىش ۇلى اتىنداعى كوشە­لەردىڭ قيىلىسىندا قۇرىلىس جۇ­مىستارى قارقىندى جۇرگىزىلىپ جات­قان نىساننىڭ ەلوردانىڭ اجا­رىنا اجار قوساتىن تاماشا ءبىر عيمارات بولاتىنى قازىردىڭ وزىندە بايقالىپ تۇر. بۇل – وقۋشىلار شىعارماشىلىعى سارايى. ەلبا­سى مۇندا دا ءبىرشاما ايالدادى. نى­ساننىڭ قۇرىلىسى پرەزي­دەنت­تىڭ تاپسىرماسىمەن وتكەن جىل­دىڭ جەلتوقسانىندا باستالعان بولاتىن. قازىرگى كەزدە قۇرىلىس جۇمىستارىنىڭ 40 پايىزدان اس­تامى جۇزەگە اسىرىلىپتى. قۇرى­لىس جۇمىستارىن جۇرگىزۋشىلەر وسىناۋ بىرەگەي عيماراتتى ءۇستى­مىزدەگى جىلدىڭ جەلتوقسانىندا پايدالانۋعا بەرۋدى جوسپارلاپ وتىر. ونىڭ جالپى اۋماعى 8 گەكتاردان اسادى. ەلباسى نۇرسۇلتان نازارباەۆ, سونداي-اق تاۋەلسىزدىك سارايىنىڭ ماڭىنداعى جاڭا «ازىرەت سۇل­تان» مەشىتىنىڭ قۇرىلىسىمەن دە تا­نىستى. مەشىت قۇرىلىسىن ءتۇر­كيانىڭ «سەمبول» كومپانياسى ءجۇر­گىزىپ جاتىر. بۇل يماندىلىق ءۇيى كەلۋشىلەرگە ەسىگىن وسى جىل­دىڭ اياعىندا اشاتىن بولادى. قۇ­رى­لىس جۇمىستارىمەن تانىسقان مەم­لەكەت باسشىسى وسى جەردە جۋر­ناليستەرگە شاعىن سۇحبات بەردى. وسى ماڭداعى بوي كوتەرگەن نىسانداردىڭ بارلىعى جاڭا عي­ما­راتتار, قالا قۇرىلىسىنىڭ اياق­تالۋ ساتىسىنا كىرىسىپ وتىر­مىز, دەدى پرەزيدەنت. ءبىز ەلورداعا قا­جەتتى سپورت كەشەندەرىن, دەنساۋ­لىق ساقتاۋ مەكەمەلەرىنىڭ بارلى­عىن سالدىق. تۇرعىنداردىڭ با­رىپ دەمالاتىن ورىندارى دا پاي­دالانۋعا بەرىلدى. وقۋ ورىندارى­نىڭ عيماراتتارى دا ەسىكتەرىن ايقارا اشىپ جاتىر. ەندى مادە­نيەت ورىندارىن سالۋ جۇمىس­تا­رى قولعا الىنۋدا. ال ىرگەسى قا­لانعان وسى مەشىت ءبىزدىڭ دىنگە دەگەن سىي-قۇرمەتىمىز بولىپ تابى­لادى. الداعى ۋاقىتتا استانادا قاجەتتى بارلىق رۋحاني-مادەني ورىندار بوي كوتەرەتىن بولادى. مەملەكەت باسشىسى سورعى-سۇزگى ستانساسىنىڭ ەلوردالىقتار ءۇشىن ەرەكشە ماڭىزدى ەكەندىگىنە دە توقتالدى. ەلباسىنىڭ اتاپ وتكەنىندەي, قالانى تازا اۋىز سۋمەن, جىلۋمەن قامتاماسىز ەتۋ ماسەلەسى شەشىلىپ جاتىر. ەندى استانالىقتار ەڭ تازا اۋىز سۋدى تۇتىناتىن بولادى, دەدى پرەزيدەنت وسى تۋرالى. بۇل كوزگە كو­رىنبەيتىن ماسەلە بولعانىمەن, تازا اۋىز سۋسىز قالانىڭ دا, قالا تۇرعىندارىنىڭ دا جاعدايى بول­مايدى. سونىمەن قاتار, ەلوردادا سايا­باقتار مەن كوگالداندىرۋ جۇ­مىستارى تۇراقتى جۇرگىزىلە بەرەدى. استانا «ادام – تابيعات» دەگەن يدەولوگيامەن سالىنعان بولا­تىن. سول يدەيامىز بۇگىندە ويدا­عىداي جۇزەگە اسىرىلۋ ۇستىندە. ەلباسى, سونداي-اق جەڭىس داڭ­عىلىندا جۇرگىزىلىپ جاتقان كۇر­دەلى جوندەۋ جۇمىستارىنىڭ جانە قالانىڭ وڭتۇستىك جاعىندا­عى ن.تىلەنديەۆ داڭعىلى بويىن­داعى تۇرعىن-جاي الابىنىڭ ين­فراقۇ­رى­لىمىمەن دە تانىستى. ەلور­دا­داعى نىسانداردى ارالاۋ كەزىندە مەملەكەت باسشىسىمەن استانا قالاسىنىڭ اكىمى يمان­عالي تاسماعامبەتوۆ بىرگە ءجۇردى. ءاليسۇلتان قۇلانباي, سۋرەتتى تۇسىرگەندەر س.بوندارەنكو, ب.وتارباەۆ.