«كۇشىمىز – بىرلىكتە!»

ءىV رەسپۋبليكالىق پاتريوتتار فورۋمى قوستانايدا وسىنداي ۇرانمەن وتەدى قوستانايدا  «كۇشىمىز – بىرلىكتە!» دەگەن  ۇرانمەن «مەنىڭ قا­زاقستانىم!» اتتى ءىV رەس­پۋب­ليكالىق پاتريوتتار  فورۋمى بولادى.  وعان ەلى­مىز­دىڭ بارلىق وڭىرلەرىنەن ەكى جۇزدەن اسا قو­ناقتار كەلەدى. فورۋمعا  مەملەكەتتىك گەربتىڭ اۆ­تورلارى  جان­داربەك مالىبە­كوۆ پەن  شوتا ءۋاليحانوۆ, پارلامەنت  دە­پۋ­تاتتارى, ۇكىمەتتىك ەمەس ۇي­ىمدار مۇشە­لە­رى جانە  جاس­تاردىڭ ارمان بەي­نەسى بەكزات ساتتارحانوۆتىڭ اتا-انا­سى سەيىلحان ساتتار­حان­ ۇلى مەن سىر­لىكۇل شويبەكوۆا سياق­تى  باس­قا دا  مارتەبەلى, قۇر­­مەتتى قو­ناق­تار قا­تىسادى دەپ كۇتىلۋدە. ەكى كۇنگە سوزىلاتىن  جيىن­نىڭ باعدارلاماسى دا  باي. فورۋم باستالماي تۇرىپ  قوستا­ناي­عا قازاقستاننىڭ وزگە وبلىس­تا­رى­نان جەتكەن دەلەگاتسيالار مۇشە­لەرى ەكى كۇن بويى  قالانىڭ كو­رىك­تى جەرلەرى مەن مۋزەيلەرىن ارا­لاي­دى. جاس ۇرپاققا پاتريوتتىق, وتان­سۇيگىشتىك ءتار­بيە بەرۋدە باس­تى كەپىلدىڭ دە, قۇ­رالدىڭ دا ءبىرى ەلىمىزدىڭ, حال­قىمىزدىڭ تامىرى تەرەڭدە جات­قان تاريحىن ءبىلۋ ەكەنى بەلگىلى. وسى تۇرعىدان العاندا قوستاناي ءوڭىرى  ەلىمىز تاريحى­نىڭ ۇلكەن بولىگىن قۇرايتىن ولكە. ارىدان قوزعاساق, قوستاناي-تور­عاي اي­ماعى حالقىمىزعا ءارى با­تىر, ءارى مامىلەگەر شاقشاق ءجا­نىبەكتەن باستاپ, الەمدىك عىلىم­دا ورنى بار عالىم شوقان ءۋالي­حا­نوۆتى, ۇلى اعارتۋشى ىبىراي التىن­ساريندى, الاش ارىستارى احمەت بايتۇرسىنوۆتى, ءمىرجا­قىپ دۋ­لاتوۆتى, ەلدوس وماروۆتى, قوعام قايراتكەرى ءىلياس وما­روۆ­تى,  سەركە, ەلۋباي, قاپان سياق­تى قازاق تەاتر ونەرىنىڭ الىپ­تارىن, تاعى باسقا اقىن-جازۋشىلاردى, كۇمىس كومەي انشىلەردى بەرگەن  قۇ­نارلى توپىراق. قوستاناي قو­ناقتارى  وبلىستىق تاريحي-ءول­كە­تانۋ جانە  ىبىراي التىن­سا­رين­نىڭ مەمو­ريالدىق مۋزەيلەرىنەن, كوركەم­سۋرەت گالەرەيا­سى­نان, قا­لا­­داعى ورىس-قازاق تەا­ترلارى­نان  ءوڭىر­دىڭ  تاريحى مەن بۇگىنگى مادە­نيەتىنە قانىعادى. قوستاناي – ءوندىرىستى جانە اس­تىق­تى ءوڭىر. ونىڭ ساپالى اس­تى­عىنىڭ داڭقى بۇل كۇندە قا­زاق­ستان­مەن قاتار ودان دا سىرت جەرلەرگە بەلگىلى. رەسپۋبليكا بوي­­­ىن­شا  سىرتقا شىعاراتىن اس­­تىق پەن ۇننىڭ باسىم بولىگىن قوستاناي بەرەدى. وتكەن جىلى  ۇدەمەلى يندۋستريالىق-يننوۆا­تسيا­لىق باعدار­لا­ما شەڭبەرىندە  وبلىستا ون جوبا ىسكە قوسىلدى. ەكونوميكا  دامى­عاندا الەۋمەت­تىك سالاعا مول ءمۇم­كىندىكتەر اشىلاتىنى انىق. پاتريوتتار فورۋمى  ۇلت ۇس­تازى, الاش ارداقتىسى احمەت بايتۇرسىنوۆتىڭ  ەسكەرتكىشىنە, جەڭىس پاركىندەگى  ماڭگىلىك وتقا, 30-شى جىلدارعى ساياسي قۋعىن-سۇرگىن قۇرباندارىنا, ۇلى وتان سوعىسىندا قازا تاپقاندار جانە  يادرولىق سىناقتان زارداپ شەككەندەرگە ارناپ قويىلعان وبەليسكىلەرگە گۇل شوقتارىن قويۋمەن باستالادى. «قوستاناي وبلىستىق  جاستارى  التىن كىتابىنىڭ» تۇ­ساۋ­كەسەرى دە  كوپشىلىككە وسى فورۋمدا ۇسىنىلادى. ايتا كەتۋ كەرەك, وقۋ مەن ەڭبەكتە, عىلىمدا, ونەر­دە ۇزدىك تابىستارىمەن كو­رىن­گەن جاستاردىڭ ەسىمىن التىن ارىپتەرمەن تىركەپ وتىراتىن مۇن­داي جوبا  تەك قوستاناي وبلى­سىندا عانا باستاۋ العان. جاستاردىڭ رۋدنىي قالاسىنا ساپارى دا كوڭىلدەردەگى  وتان­سۇي­گىشتىك سەزىمدى بايىتا تۇسەرى حاق. كەن الىبى كارەرىنىڭ ءوزى ادام قو­لى­مەن جاسالعان كەرەمەت بو­لىپ تا­بىلادى. قوناقتار كەنشىلەر قالا­سىن­داعى  بالالار ۇيىندە, تۇزەتۋ مەك­تەبىندەگى شارالارعا قا­تىسادى,  «مەنىڭ بالا­لىق شا­عىم­نىڭ اسپا­نى» ءفيلمىن تاما­شا­لايدى. فورۋم شارالارى ەس­ترا­دا جۇلدىزدارىنىڭ كونتسەرتىمەن  ايشىقتالا تۇسەتىن بولادى. ءنازيرا جارىمبەتوۆا, قوستاناي.