جازعى وقۋ كەزەڭى باستالدى

قازاقستان رەسپۋبليكاسىنىڭ قا­رۋ­لى كۇشتەرىندە جازعى وقۋ كەزەڭى باستالدى. قازاقستاننىڭ بارلىق گار­نيزوندارىندا كەزدەسۋلەر ءوتتى. وسى كەزدەسۋلەر بارى­سىندا اسكەري باسشى­لار اسكەري قىزمەتشىلەردى دايارلىق جوسپارى­مەن جانە وقۋ كەزەڭىنىڭ تاپ­سىر­مالارىمەن تانىستىردى, دەپ حا­بار­­­لادى قر قم ءباسپاسوز قىزمەتى. استانادا باس اسكەري ۆەدومستۆودا قورعانىس مينيسترلىگى شتاب­تار باستىقتارى كوميتەتى ءتور­اعاسىنىڭ مىندەتىن ۋاقىتشا اتقارۋشى گەنەرال-مايور نۇرلان جولامانوۆ ورتالىق اپپارات وفي­تسەرلەرىنىڭ الدىندا ءسوز سويلەپ, ارميا الدىنا قويىلعان بارلىق مىندەتتەر ورىندالاتىنىنا جانە اسكەري قىزمەتشىلەر ءوز كاسىبي دايار­لىعىن جوعارى دەڭگەيدە كور­سە­­تەتىنىنە سەنىم ءبىلدىردى. سونى­مەن بىرگە, ول اسكەري قىزمەت­شىلەرگە قور­عانىس ءمينيسترىنىڭ 2012 جىلعا قوي­عان تاپسىرمالارى تۋرالى ءسوز قوز­عا­دى. وسىدان كەيىن وفيتسەرلەر اسكەري قاۋىپسىزدىكتى, جاۋىنگەرلىك ازىرلىك پەن قارۋلى كۇشتەردىڭ جۇمىلدىرىلۋىن قام­تاماسىز ەتۋ بويىنشا كىرىسپە ءدارىس­تەر تىڭدادى. جازعى كەزەڭنىڭ ءبىرىنشى اپتا­سى بارىسىندا وفيتسەرلەر مەن جەكە قۇرامنىڭ بولىمدەر مەن قۇ­را­مالاردى جوعارى دارەجەلى جاۋىن­گەرلىك ءازىر­لىككە كەلتىرۋ بويىنشا بىلىمدەرى مەن داعدىلارى تەكسەرىلەدى. كەيىن جازعى وقۋ كەزەڭىندە جاۋىنگەرلىك وقۋمەن بايلانىستى ءىس-شارالار وتكىزىلەدى. اتىس, تاك­تيكالىق دايارلىق, اسكەري تەح­نيكانى جۇرگىزۋ بويىنشا ءتاجىري­بەلىك ساباقتارعا ەرەكشە كوڭىل بولىنە­دى. ماقسات – اسكەردەگى جاۋىن­گەرلىك جانە جەدەل باسقارۋ جۇيەلەرىن جاق­سارتۋ. جازعى وقۋ كەزەڭى بارىسىندا ماۋ­سىمنىڭ ءۇشىنشى ونكۇندىگىندە «شى­عىس» وڭىرلىك قولباسشى­لى­عى­نىڭ اي­ما­عىندا وتكىزىلەتىن «شى­عىس» جەدەل-تاكتيكالىق كومان­دا­لىق-شتابتىق وقۋ-جاتتىعۋى وتكىزى­لە­دى. وعان رەسەي فەدەراتسياسى قارۋ­لى كۇشتەرىنىڭ بولىمشەلەرى دە قاتىسادى. ال قىر­كۇيەك ايىندا ۇقشۇ-عا مۇشە مەملەكەتتەر اي­ماعىندا رەسەي وتكىزەتىن «تسەنتر- 2011» وقۋ-جاتتىعۋلارىنا قازاق­ستان قارۋلى كۇشتەرى تارتى­لادى. قارۋلى كۇشتەردى دايارلاۋ جوس­پارىنا سايكەس وقۋ كەزەڭى قىس­قى جانە جازعى – ەكى وقۋ كەزەڭى­نەن تۇرادى. ارميادا تسيكلدى ءجا­نە ۇزدىكسىز وقىتۋ جۇيەسىنىڭ بو­لۋى اسكەري قىزمەت­شىلەردىڭ كاسى­بي دەڭگەيىن ءاردايىم جوعارىلاتۋ جانە قولداۋ, دايارلاۋ جۇيەسىن جەتىلدىرۋ, ەل اسكەري قاۋىپ­سىزدىگىن قامتاماسىز ەتۋ بويىنشا ءاس­كەرلەردىڭ جاۋىنگەرلىك ازىرلىك سا­پا­سىن كوتەرۋ قاجەتتىگىنەن تۋىن­دايدى.