كەلىسىم نەگىزىندەگى كومەك

قازاقستان بەيبىتسۇيگىش مەملەكەت جانە حالىق­ارالىق قاۋىمداستىق پەن بىرىككەن ۇلتتار ۇيىمىنىڭ تولىق­قاندى مۇشەسى رەتىندە اۋعانستانداعى جاعدايدى تۇ­راق­تاندىرۋعا بەلسەندى قاتىسادى, دەپ حابارلادى قورعانىس مينيسترلىگىنىڭ ءباسپاسوز قىزمەتى. وتكەن جىلعى قازان ايىندا قازاقستان رەسپۋب­لي­كاسى مەن سولتۇستىك اتلانت ۇيىمى (ناتو) اراسىندا اۋعانستاننىڭ قاۋىپسىزدىگىنە كومەك كورسەتەتىن حالىق­ارالىق كۇشتەر قىزمەتىنە قازاقستاننىڭ قاتىسۋى تۋرالى كەلىسىمگە قول قويىلعان بولاتىن. اتالعان كەلىسىمنىڭ ماقساتى – اۋعانستاننىڭ قاۋىپسىزدىگىنە كومەك كورسەتەتىن حالىقارالىق كۇشتەر شتابى قىز­مەتىنە قازاقستان رەسپۋبليكاسى اسكەري قىزمەتشى­لە­رىنىڭ قاتىسۋى ءۇشىن قۇقىقتىق نەگىز جاساۋ. وسى قۇجاتتى نەگىزگە الا وتىرىپ, اۋعانستاننىڭ قاۋ­ىپسىزدىگىنە كومەك كورسەتەتىن حالىقارالىق كۇشتەر قۇرا­مى­نا جاۋىنگەرلىك قيمىلدارعا قاتىسپايتىن قازاق­ستان­دىق ءتورت اسكەري قىزمەتشىنى جىبەرۋگە شەشىم قا­بىل­داندى. ولار – ۇيلەستىرۋ قىزمەتى, اقپا­رات­تىق سا­راپ­شى, تىلدىق قامتاماسىز ەتۋ, دەنساۋلىق ساقتاۋ جانە ەپي­دە­ميو­لوگيا وفيتسەرلەرى. قازاقستان­دىق اسكەري قىز­مەت­شى­لەردى قاۋىپسىزدىككە كومەك كورسە­تەتىن حالىقارالىق كۇش­تەر شتابىنا جىبەرۋ اۋعان­ستان وكىمەتىنە ەلدەگى جاع­داي­دى تۇراقتاندىرۋعا كومەك كورسەتۋگە مۇمكىندىك بەرەدى.