تاۋەلسىزدىك جانە دراماتۋرگيا

جاقىندا ل.ن.گۋميلەۆ اتىن­داعى ەۋرازيا ۇلتتىق ۋنيۆەرسيتەتىندەگى اكادەميك ر.نۇرعالي ءدارىس­حاناسىندا «تاۋەلسىزدىك مۇرات­تارىن قالىپتاستىرۋداعى قازىرگى قازاق دراماتۋرگياسىنىڭ ەستەتي­كا­لىق-الەۋمەتتىك فۋنكتسياسى» جو­باسى اياسىندا «ر.نۇرعالي مۇ­راسى جانە قازىرگى دراماتۋر­گيا­داعى تاۋەلسىزدىك مۇراتتارى» اتتى عىلىمي سەمينار ءوتتى. سونداي-اق عالىمدار, اقىن-جازۋ­شىلار, رەجيسسەرلەر, ءارتىس­تەر جانە ستۋدەنتتەر قاتىسقان سەميناردا ر.نۇرعاليدىڭ قازاق درا­ماتۋرگياسىن زەردەلەۋدەگى ەڭبەگى, قازىرگى دراماتۋرگياداعى تاۋەل­سىز­دىك مۇراتتارىنىڭ بەرىلۋى, زامانا شىندىعىنىڭ بەينەلەنۋى, قازاق جانە الەم دراماتۋرگياسى دا­مۋىن­داعى ساباقتاستىقتار سياقتى كەلەلى اڭگىمەلەر قوزعالدى. مەملەكەتتىك سىيلىقتىڭ لاۋرەاتى, جا­زۋ­شى-دراماتۋرگ اكىم تارازي دراما جانرىن زەرتتەۋدەگى رىم­عالي نۇرعاليدىڭ ۇلكەن ەڭبەگى تۋرالى ايتا كەلە, دراماتۋر­گيا­نىڭ قازىرگى احۋالى, جاستاردىڭ بۇل جانرداعى جاڭا ىزدەنىستەرى تۋرالى وي قوزعاسا, ق.قۋانىشباەۆ اتىنداعى تەاتردىڭ ديرەكتورى ە.جۋاسبەكوۆ تە اكادەميك عالىمنىڭ درامانى زەردەلەۋدەگى ۇلان-عايىر ەڭبەگىن قازىرگى دراماتۋرگيانىڭ دامۋىمەن, تەاتر احۋالىمەن باي­لانىستىرا ءوربىتتى. قازىرگى درا­ماتۋرگيانىڭ تاۋەلسىزدىك مۇرات­تارىن قالىپتاستىرۋداعى ءرولى تۋرالى باسقا دا قالامگەرلەر جان-جاقتى ايتىپ ءوتتى. «ەگەمەن-اقپارات».