تاسباقالاردىڭ دا تۋعان جەرى بار

شىعىس قازاقستان وبلى­سىن­داعى بورودۋليحا اۋدانىنداعى «اۋىل» باقىلاۋ بەكەتىنەن 1410 تاسباقانى كونتراباندالىق جول­مەن رەسەيگە الىپ وتپەك بولعان د. ەرمەكوۆ دەگەن بىرەۋ ۇستالدى. ىشكى ىستەر دەپارتامەنتى قىز­مەتكەرلەرىنىڭ تەكسەرۋى كەزىندە بەيكۇنا جاندىكتەردىڭ يت ارقاسى قيانعا جامبىل وبلىسىنان جەتكىزىلگەنى انىقتالىپ, شىعىس قا­زاق­ستان وبلىسىنىڭ «جاس وتان» جاستار قاناتىنىڭ بەلسەندى وكىل­دەرى تاسباقالاردى تۋعان جەرى – جامبىل وڭىرىنە جەتكىزۋدى ۇيعارا­دى. ويتكەنى جىلى جاقتا ءومىر ءسۇ­رۋگە داعدىلانعان جاندىكتەر شى­عىستىڭ قاتال تابيعاتى جاعدا­يىن­دا مەزگىلسىز كوز جۇمۋلارى مۇمكىن ەدى. قاۋىپ ەتكەندەي, 430 تاس­باقا جايسىز اۋا رايىنا شى­داماپتى, ال قالعان 988 تاسباقا جاقىندا جامبىل وبلىسىنا امان-ەسەن جەتكىزىلدى. ءسويتىپ ۇزاق جول­دىڭ ازابىن تارتقان تاسباقالار كودەلى جايىلىمى­نا جىبەرىلدى. – ءبىز وزىمىزگە تاپسىرىلعان ءمىن­دەتتى ورىنداپ, تاسباقا­لار­دى جول-جونەكەي جاس نارەس­تە­دەي كۇتتىك, – دەگەن شىعىس قازاقستان وبلىستىق جاستار جانە بالالار ۇيىمدارى قاۋىم­داس­تىعى زاڭدى تۇلعالار بىرلەس­تىگىنىڭ ديرەكتورى ولگا بوب­رىشەا. تاسباقالار ارقىلى پايدا تاپقىسى كەلگەن د. ەرمەكوۆتىڭ مە­كەن-جايى تۋرالى ازىرگە ناقتى دەرەك جوق. شىعىس قا­زاق­ستان وب­لىس­تىق ءىىد مالىمەتى بويىنشا ونىڭ جاسى كامەلەتكە تولماپتى. بۇگىندە تابيعات قاس­كويىن انىقتاۋ بويىنشا قوسىم­شا تەرگەۋ-تەكسەرۋ جۇمىستارى جالعاسۋدا. كوسەمالى ساتتىباي ۇلى, جامبىل وبلىسى.