حالىقارالىق قۇجاتتار بەكىتىلدى

كەشە پارلامەنت سەناتى ءتور­اعاسىنىڭ ورىنباسارى مۇ­حامبەت كوپەەۆتىڭ توراعالىق ەتۋىمەن جوعارعى پالاتانىڭ كەزەكتى جالپى وتىرىسى بولدى, دەپ حابارلادى پارلامەنت سە­ناتىنىڭ ءباسپاسوز قىزمەتى. جال­پى وتىرىستا بىرقاتار حا­لىق­ارالىق كەلىسىمدەر راتيفي­كا­تسيالاندى. ولاردىڭ ىشىندە «تاريفتىك سايا­سات نەگىزدەرىن قوسا العاندا, تەمىر جول كولىگىنىڭ قىزمەتتەرىنە قول جەتكىزۋدى رەتتەۋ تۋرالى كەلىسىمدى راتيفيكاتسيالاۋ تۋرالى», «بەلارۋس رەسپۋبليكاسىنداعى, قا­زاقستان رەسپۋبليكاسىنداعى جانە رەسەي فەدەراتسياسىنداعى تەح­ني­كالىق رەتتەۋدىڭ بىرىڭعاي قاعي­دات­تارى مەن قاعيدالارى تۋرالى كەلىسىمدى راتيفيكاتسيالاۋ تۋرا­لى» زاڭ جوبالارى بار. ەكىنشى زاڭ جوباسى بويىنشا قويىلعان دەپۋ­تاتتاردىڭ كوپتەگەن ساۋالدارىنا يندۋستريا جانە جاڭا تەحنولو­گيا­لار ءمينيسترىنىڭ ورىنباسارى ا.راۋ جاۋاپ بەردى. ال «ءۇشىنشى مەملەكەتتەردەن كەلگەن زاڭسىز ەڭبەك كوشى-قو­نىنا قارسى ءىس-قيمىل جونىندەگى ىن­تىماقتاستىق تۋرالى كەلىسىمدى راتيفيكاتسيالاۋ تۋرالى» جانە «كو­شىپ-قونۋشى ەڭبەكشىلەر مەن ولار­دىڭ وتباسى مۇشەلەرىنىڭ قۇ­قىقتىق مارتەبەسى تۋرالى كەلىسىمدى راتيفيكاتسيالاۋ تۋرالى» زاڭ جوبالارى بويىنشا ەڭبەك جانە حالىقتى الەۋمەتتىك قورعاۋ ءمينيسترى گ.ابدىقالىقوۆا مەن ىشكى ىستەر ءمينيسترىنىڭ ورىن­باسارى ا.كۋ­لينيچ باياندادى. بۇل جوبا­لارعا نەگىز بولعان قۇ­جات­تارعا كەدەن وداعىنا قاتى­سۋشى مەملەكەتتەر ۇكىمەتتەرىنىڭ باس­شىلارى سانكت-پەتەربۋرگتە 2010 جىلى قاراشادا قول قويعان بولاتىن. جالپى وتىرىستا قولدانىس­تاعى زاڭناماعا ەلەكتروندى اقشا ماسەلەلەرى بويىنشا وزگەرىستەر ەنگىزۋ تۋرالى زاڭ جوباسى ەكىنشى وقىلىمدا قارالدى. «قازاقستان رەسپۋبليكاسىنىڭ كەيبىر زاڭنا­ما­لىق اكتىلەرىنە ەلەكتروندى اقشا ماسەلەلەرى بويىنشا وزگەرىس پەن تولىقتىرۋلار ەنگىزۋ تۋرالى» زاڭ جوباسىنا ەنگىزىلگەن ءوز­گە­رىستەر پارلامەنت ماجىلىسىنە جىبەرىلدى.