كەلەلى كەلىسىم

«KazSat-2» سپۋتنيگىنىڭ جۇمى­سىنا قاجەتتى جيىلىك رەسۋرسىن  پايدالانۋ تۋرالى كەلىسىمگە بايلانىس سا­لا­سىنداعى ايماقتىق دوستاستىق اكىم­شىلىگى باسشىلارىنىڭ كەڭەسى وتى­رىسى شەڭبەرىندە قر بايلانىس جانە اقپارات ءمينيسترى اسقار جۇ­ماعاليەۆ پەن رف باي­لانىس جانە بۇقارالىق كوممۋنيكاتسيا ءمينيسترى يگور ششەگولەۆتىڭ قاتىسۋىمەن قول قويىلدى. كەلىسىمدە «KazSat-2» قازاق­ستان­دىق سپۋتنيگىنىڭ جۇمىسىنا قاجەتتى 86,50 وربيتالىق پوزيتسيا­داعى جيىلىك رەسۋرسىن قازاقستان تارابىنا ۋاقىتشا پايدالانۋعا بەرۋ تۋرالى كورسەتىلگەن. قازىرگى ۋاقىتتا حالىق­ارالىق ەلەكتر­باي­لانىس وداعىندا اتالعان وربي­تالىق پوزيتسياعا رەسەيلىك «KUPON-4M» سپۋتنيكتىك جە­لىسى ءۇشىن سۇرانىس بىلدىرىلگەن. كەلىسىم ناتيجەسىندە رەسەيدىڭ شە­شىمى بويىن­شا «KUPON-4M» سپۋت­نيكتىك جە­لىسىنىڭ جيىلىك رەسۋر­سى­ن­ىڭ نەگىزىندە قا­زاق­ستان­نىڭ «Kaz­Sat-2» سپۋتنيگىنىڭ 86,50 وربيتالىق پوزي­تسيا­داعى شىعىس بويلىعىندا ۋا­قىتشا جۇمىس ىستەۋىنە رۇقسات ەتىلدى. ەكى جاق اتالعان جيىلىك رە­سۋرسىن حالىقارالىق-قۇقىقتىق قور­عاۋ ءما­سە­لەلەرىندە ءبىر-بىرىنە كو­مەك كور­سەتۋ تۋرالى ءوزارا كەلىستى. «ەگەمەن-اقپارات».