ءوزارا بايلانىستارعا ءورىس كەڭ

قازاقستان مەن قىتايدىڭ جەتەكشى ساياسي پارتيالارى ارا­سىن­داعى ىنتىماقتاستىق تۋ­رالى حاتتاماعا قول قويۋ, پارتيا­لىق كادرلاردى وقىتۋ, جاستارمەن جۇمىستى جەتىلدىرۋ بويىنشا ءتا­جىريبە الماسۋ – «نۇر وتان» پارتياسى دەلەگاتسياسىنىڭ قىتاي حالىق رەسپۋبليكاسىنا جاساعان جۇمىس ساپارىنىڭ كەيبىر ءنا­تيجەلەرى وسىنداي. پارتيا توراعاسىنىڭ ءبىرىنشى ورىنباسارى نۇرلان نىعماتۋلين باستاعان «نۇر وتان» دەلە­گا­تسياسى جۇمىس ساپارىنىڭ باع­دار­لاماسى مازمۇندى بولدى. ساپار بارىسىندا نۇروتاندىقتار قىتاي كوممۋنيستىك پارتياسى باسشى­لى­عىمەن كەزدەسۋلەر وتكىزىپ, ككپ جوعارى پارتيا مەكتەبى مەن پار­تيا­نىڭ ايماقتىق فيليال­دارى­نىڭ جۇمىسىمەن تانىستى. قازاقستان مەن قىتايدى بۇ­رىن­عى ۋاقىتتان بەرى سەرىكتەستىك جانە دوستىق قاتىناستار بايلا­نىس­تىرىپ كەلەدى. قازاقستان پرەزيدەنتى نۇرسۇلتان نازارباەۆ پەن قىتاي توراعاسى حۋ تسزينتاو اراسىنداعى جۇيەلى كەزدەسۋلەر بەرىك ەكونوميكالىق ىرگەتاسپەن قا­لان­عان ەكىجاقتى قاتىناستاردىڭ ودان ءارى نىعايۋىنا مۇمكىندىك تۋ­عىزىپ وتىر. قازاقستان مەن قى­تاي اراسىنداعى جان-جاقتى ءارىپ­تەستىكتى كەڭەيتۋگە پارتياارالىق بايلانىستار دا زور ۇلەس قوسۋدا. سونداي-اق قوس مەملەكەتتىڭ جەتەكشى ساياسي پارتيالارىنىڭ ءوزارا ارەكەتتەسۋ تاجىريبەسى باي: بىرلەسكەن جوبالار جۇزەگە اسىرى­لىپ, دەلەگاتسيالار الماسۋلار ءجۇ­رۋدە, حالىقارالىق كونفەرەنتسيالار مەن «دوڭگەلەك ۇستەلدەر» ۇيىم­داستىرىلىپ كەلەدى. نۇرلان نىعماتۋلين قىتايعا جۇمىس ساپارى بارىسىندا ككپ باسشىلىعىمەن كەزدەستى, ككپ جوعارى پارتيا مەكتەبىن ارالادى. بۇل مەكتەپ پارتيالىق كادرلاردى دايارلايتىن الەمدەگى مىقتى مەك­تەپتەردىڭ ءبىرى بولىپ تابىلادى. مەكتەپتىڭ باي تاجىريبەسى, سال­ماقتى ماتەريالدىق-تەحنيكا­لىق بازاسى, جوعارى كاسىپتى پرو­فەس­سورلىق-وقىتۋشىلىق قۇرامى بىلىكتى كادرلاردى دايارلاۋعا ءمۇم­كىندىك بەرەدى. «نۇر وتان» پا­ر­تياسى ءوز كادرلارىن وقىتۋ ماسە­لەسىنە باسا نازار اۋدارادى, سوندىقتان قىتاي جوعارى پارتيا مەكتەبىندەگى كەزدەسۋلەر ناتيجە­سىندە «نۇر وتاننىڭ» جوعار­ى پارتيا مەكتەبىمەن بىرلەسكەن جۇ­مىسى تۋرالى كەلىسىمدەر جاسالدى. قىتايعا ساپارى كەزىندە نۇر­لان نىعماتۋلين قحر-دىڭ تەلەراديوحابار باستى باسقارماسىنىڭ جەتەكشىسى تيان تسزينمەن قىتاي كپ شانحاي قالالىق كوميتەتىنىڭ حاتشىسى يۋي چجەنشەنمەن قى­تاي حالىقتىق ساياسي كونسۋلتاتيۆتىك كەڭەسىنىڭ جالپىقىتايلىق كو­مي­تەتىنىڭ توراعاسى تسزيا تسينلينمەن, قىتاي كپ وك-نىڭ حاتشىسى, ساياسي بيۋرو مۇشەسى ليۋ يۋنشانمەن كەزدەستى. – بۇنداي كەزدەسۋلەردى وتكىزۋ ەكى جاققا دا پايدالى بولاتىنى ءسوزسىز دەپ ويلايمىن. ولار قا­زاقستان-قىتاي ىنتىماقتاستىعىن جانە ءبىزدىڭ دوستىق كورشىلەس قارىم-قاتىناستارىمىزدى نىعاي­تا­دى. وتكەن جىلى مەن استاناعا بارىپ قايتتىم جانە دە قازاق­ستاننىڭ دامۋ قارقىنىن ءوز كوزىم­مەن كوردىم. قازاقستانمەن قاتى­ناس­تارىن قىتاي ءاردايىم ءوزارا كەلىسىم مەن سەرىكتەستىك نەگىزىندە قۇرىپ كەلەدى. بۇل ءۇردىس ودان ءارى جالعاسىن تابادى, – دەدى ءوز سوزىندە ليۋ يۋنشان. قحر-عا جۇمىس ساپارىنىڭ قورىتىندىلارىنا وراي, پارتيا توراعاسىنىڭ ءبىرىنشى ورىنباسارى نۇرلان نىعماتۋلين: – وسى كۇندەردەگى قىتاي حا­لىق رەسپۋبليكاسىنداعى كوپتەگەن كەزدەسۋلەر ءبىزدىڭ پرەزيدەنتىمىز, پارتيامىزدىڭ توراعاسى نۇرسۇل­تان ءابىش ۇلى نازارباەۆتىڭ حا­لىق­ارالىق بەدەلى, الەمدىك ساياساتتا الاتىن ورنى اسا جوعارى ەكەنىن تاعى دا كورسەتتى. ەلباسىنىڭ باس­قارۋىمەن مەملەكەتىمىزدە ىسكە اسى­رىلىپ جاتقان بارلىق رەفورمالار تۋرالى قىتايدا وتە جاقسى بىلەتىنىنە جانە ولاردى اسا جوعا­رى باعالايتىنىنا كۋا بولدىق. بۇل «نۇر وتان» پارتياسى مەن قى­تاي بيلەۋشى پارتياسى ارا­سىندا پارتياارالىق قاتىناس­تار­دى نىعايتۋعا دا ۇلكەن مۇمكىن­دىك­تەر بەردى. ءبىزدىڭ ارىپتەستىگىمىز ءتا­جىريبە الماسۋ, كادرلاردى دا­يىن­داۋ, جاستار ساياساتىن جۇرگىزۋ, تاعى دا باسقا باعىتتار بويىنشا جۇرگىزىلەتىن بولادى دەگەن كەلىسىمگە كەلدىك, – دەپ اتاپ ءوتتى.