ەلشىمەن كەزدەستى

باس پروكۋرور اسحات داۋىلباەۆ اقش-تىڭ قازاقستانداعى ۋاقىتشا سەنىمدى وكىلى, ەلشى دجون وردۆەيمەن كەزدەستى, دەپ حابارلادى باس پروكۋراتۋرانىڭ ءباسپاسوز قىزمەتى. كەزدەسۋ بارىسىندا تاراپتار ەكى­جاقتى ىنتىماقتاستىقتىڭ جاع­دايىن تالقىلاپ, ءوزارا قارىم-قاتى­ناس سالاسىن كەڭەيتۋگە جانە ودان ءارى دامىتۋعا قىزىعۋشىلىق تانىتتى. باس پروكۋرور اراداعى ىنتى­ماقتاستىقتىڭ دامۋ دەڭگەيىنە ري­زا­شىلىعىن ءبىلدىردى جانە قا­زاق­ستان مەن اقش اراسىندا ءارتاراپ­تى جانە تەرەڭ دەڭگەيدەگى قاتى­ناسپەن سيپاتتالاتىن ستراتەگيا­لىق بايلا­نىس ورناعانىن اتاپ ءوتتى. اسحات داۋىلباەۆ باس پروكۋراتۋرا مەن اقش قۇقىق قورعاۋ ورگاندارىنىڭ ءوزارا ءىس-قيمىلى جوعارى دەڭگەيگە شىعىپ وتىر­عانىن اتاپ كورسەتتى. اتاپ ايت­قاندا, فەدەرالدىق تەرگەۋ بيۋرو­سىمەن قابىلدانعان ءوزارا ءتۇسىنىس­تىك تۋرالى مەموراندۋم جۇزەگە اسىرىلىپ جاتىر, ونىڭ اياسىندا بىرقاتار بىرلەسكەن ءىس-شارالار جانە ءبىلىم بەرۋ باعدارلامالارى وتكىزىلدى. كەزدەسۋ بارىسىندا سونىمەن قاتار تەرروريزممەن جانە ەكسترە­ميزممەن كۇرەس, زاڭسىز جولمەن تابىلعان قاراجاتتى اينالىمعا سالۋعا, تەرروريزمدى قارجىلان­دىرۋعا توسقاۋىل قويۋ, قۇقىقتىق اقپاراتتى الماسۋ ماسەلەلەرى قوز­عالدى. سونىمەن قاتار قىلمىس­تىق ءىس جۇرگىزۋ زاڭناماسىن رەفورمالاۋ ماسەلەلەرى تالقىلاندى.