ەشتەڭە دە ۇمىتىلمايدى

قازاقستان حالقى اسسامبلەيا­سى­­نىڭ قولداۋىمەن ۇيىمداستى­رىل­عان  «تاريحتان تاعىلىم – ءوت­كەنگە تاعزىم: «الجير-قارلاگ» اتتى  حالىقارالىق جوبا  اياسىن­دا­عى ساياسي قۋعىن-سۇرگىن قۇربان­دا­رىن ەسكە الۋ كۇنىنە ارنالعان شارالار كەشە قاراعاندى ايما­عىن­داعى دولينكا كەنتىنەن باستاۋ الدى. كەزىندە زورلىق  پەن زومبىلىقتى ۇيىمداستىرۋشى­لار­دىڭ باسقارۋ ورتالىعى بولعان بۇل ورىن تۋىپ-وسكەن, ەڭبەك ورتا­لارىنان ارقا توسىندەگى سايىن دالاداعى تۇرمەلەر مەن تىكەنەك سىم قورشاۋلارعا جەر اۋدارىلىپ قامالعان ون مىڭداعان جازىقسىز جانداردىڭ قاسىرەتىنە تىكەلەي كۋا. وسىندا قۇرىلعان   ەسكە الۋ جانە ەسكە ساقتاۋ مۇراجايى ءوت­كەننىڭ قايعىلى كەزەڭىنەن جان-جاقتى سىر شەرتەدى. ونىڭ اشىلۋ راسىمىندە قازاق­ستان حالقى اسسامبلەياسى توراعا­سى­نىڭ ءبىرىنشى ورىنباسارى  ەر­الى توعجانوۆ ءسوز سويلەپ, ەلبا­سى­نىڭ ساياسي قۋعىن-سۇرگىن قۇر­بان­دارىن ەسكە الۋ كۇنىنە ار­نال­عان شارالارعا قاتىسۋشىلارعا ۇندەۋىن وقىپ بەردى. چەشەن رەس­پۋب­ليكاسى پارلامەنتىنىڭ ءتور­اعاسى دۋكۋۆاحا  ابدۋراحمانوۆ ءوزى باستاپ كەلگەن دەلەگاتسيا اتى­نان وسى  زۇلماتتىڭ  بارلىق حا­لىقتارعا باتقان زاردابىن ايتىپ, تاريحتان تاعىلىم الۋ پارىز ەكەنىن اتادى. مۇراجايدىڭ اشى­لۋى­نا قاتىسۋشى ەلىمىزدەگى ديپلو­ما­تيالىق ميسسيا, ساياسي پارتيالار, قوعامدىق ۇيىمدار وكىلدەرى, زاڭ­سىز زاپا شەككەندەر ۇرپاقتارى توتاليتارلىق جۇيە قۇرباندارى  جايىندا قۇندى دەرەكتەر, ءجادى­گەر­لەر توپتاستىرىلعان ەكسپوزي­تسيا­لاردى ارالاپ كوردى. ساياسي قۋعىن-سۇرگىن قۇربان­دا­رىن ەسكە الۋ كۇنىندە  سول كەزەڭدە كوز جۇمعانداردىڭ قاراعاندىدا, سپاسسكىدە جەرلەنگەن ورىن­دا­رى­نا  زيارات ەتىلىپ, ولارعا  ارنالىپ قويىلعان ەسكەرتكىشتەرگە  گۇل شوقتارى قويىلدى.   ە.ا.بوكەتوۆ اتىنداعى قارا­عان­دى مەملەكەتتىك ۋنيۆەرسيتەتىندە وتكەن «وتكەنگە تاعزىم – بو­لاشاققا تاعىلىم» اتتى  عىلى­مي-پراكتيكالىق كونفەرەنتسيادا زوبالاڭ ۋاقىت قۇپياسى  تۋرالى جاڭا زەرتتەۋلەر ورتاعا سالىندى. ايقىن نەسىپباي, قاراعاندى.