«ەگەمەن» – ەل تەننيسىنىڭ جانكۇيەرى

قازاقستان تەننيس فەدەراتسيا­سىنىڭ كەڭسەسىندە Beeline ابونەنتتەرى مەن باق اراسىندا ار­گەنتيناعا دەۆيس كۋبوگىنا قازاق­ستاندىق جان­كۇيەرلەر ساپىندا بارۋ قۇقىعىنا يەلىك بەرەتىن سايىس قورى­تىندىسى جاريالان­دى. «كار-تەل» جشس (قازاق­ستان­داعى Beeline  برەندى) جانە قازاقستان تەننيس فەدەراتسياسى ۇيىمداستىرعان بۇل شارا «جان­كۇيەر, سەن ارگەنتيناداعى ويىن­عا كەرەكسىڭ!» دەيتىن ۇران اياسىن­دا بىرنەشە بايقاۋ وتكىزگەن بولا­تىن. وسى شارا باستالعالى گازەتىمىز ءوز وقىرماندارىن تولىق اق­پاراتپەن قامتاماسىز ەتىپ كەلەدى. ەسكە سالا كەتسەك, باق وكىل­دەرى اراسىندا وتاندىق تەننيس سپورتى تۋرالى ەڭ ۇزدىك جاريا­لانىم ءباي­گەگە تۇسسە, «بارلىعى تەننيس تۋرا­لى» اتتى سمس-كون­كۋرسى مەن «ەيس – ارگەن­تيناعا ۇشۋ» سمس-ۆيكتوري­ناسى ۇيالى باي­لانىس وپەراتورى­نىڭ تۇتىنۋ­شى­لارى اراسىندا ءوت­كىزىلدى. سمس-ۆيكتوريناعا 2872 Beeline ابونەنتتەرى قاتىسىپ, قارا­پايىم دا كۇردەلى 32 سۇراققا جاۋاپ ىزدەدى. سايىس جەڭىمپازى استا­نالىق جىگەر ازبەرگەنوۆ دەيتىن ازامات. ۇيىمداستىرۋشىلاردىڭ قوي­عان شارتتارى بويىنشا سۇراق­تارعا كوبىرەك دۇرىس جاۋاپ بەرگەن جىگەر 7-9 شىلدەدە بۋەنوس-ايرەستە وتەتىن ارگەنتينا مەن قازاقستان قۇرامالارى اراسىندا بولاتىن دە­ۆيس كۋبوگى جارىسىن تاماشالاۋ قۇقىعىنا يە بولدى. باق وكىلدەرى اراسىندا ۇيىم­داستىرىلعان سايىس جەكە جانە توپ­تىق تۇردە وتكىزىلدى. وتاندىق بۇ­قارالىق اقپارات قۇرالدارى­نىڭ 15 وكىلى باق سىناپ, 18 ءجۋرناليسى بەلسەندى قاتىسقان شارا­نىڭ قورى­تىن­دىسىنا كەلەر بول­ساق, جەكەلەي سا­يىس­تا الماتى تەلەارناسىنىڭ ءتىلشىسى راۋان وقاس پەن «مەگاپوليس» گازەتىنىڭ ءتىلشىسى لەونيد يۋرەۆ جەڭىمپاز اتانىپ, جولداماعا قول جەتكىزدى. ال توپتىق سايىستا «ەگەمەن قا­زاق­ستان» گازەتى مەن «Ten­nisLife» جورنالى جۇلدەگەر اتاندى. ەل گازەتى «ەگەمەننىڭ» نامىسىن قورعاپ, جۇلدەلى بيىككە جەتەلەي بىلگەن ارىپتەسىمىز داستان كەنجاليندى جاڭا جەڭىسىمەن قۇتتىقتاپ, وتانداس تەننيسشىلەرىمىزدىڭ رۋحىن جات جەردە دە جانىپ, قازاقستان تۋىن ەلگە بيىك جەلبىرەتىپ قايتۋلارىنا تىلەكتەستىگىمىزدى بىلدىرگىمىز كەلەدى.