قازاقستان رەسپۋبليكاسىنىڭ قارجى نارىعىن جانە قارجى ۇيىمدارىن رەتتەۋ مەن قاداعالاۋ جونىندەگى اگەنتتىگى باسقارماسىنىڭ قاۋلىسى № 19

الماتى قالاسى       2011 جىلعى  28 اقپان          № 19 بانكتىك قىزمەتتەردى كورسەتۋ جانە بانكتەردىڭ بانكتىك قىزمەتتەردى كورسەتۋ ۇدەرىسىندە تۋىندايتىن كليەنتتەردىڭ وتىنىشتەرىن قاراۋ ەرەجەسىن بەكىتۋ تۋرالى «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسىنىڭ 1995 جىلعى 31 تامىزداعى زاڭىنىڭ 31-بابىنىڭ 2-تارماعىن ىسكە اسىرۋ ماقساتىندا قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ (بۇدان ءارى – اگەنتتىك) باسقارماسى قاۋلى ەتەدى: 1. قوسا بەرىلىپ وتىرعان بانكتىك قىزمەتتەردى كورسەتۋ جانە بانكتەردىڭ بانكتىك قىزمەتتەردى كورسەتۋ ۇدەرىسىندە تۋىندايتىن كليەنتتەردىڭ وتىنىشتەرىن قاراۋ ەرەجەسىن بەكىتۋ تۋرالى (بۇدان ءارى – ەرەجە) بەكىتىلسىن. 2.  وسى قاۋلى ونىڭ ءبىرىنشى رەت رەسمي جاريالاعان كۇننەن كەيىن ەكى اي وتكەن سوڭ قولدانىسقا ەنگىزىلەدى. ءتورايىم        ە. باحمۋتوۆا. قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2011 جىلعى 28 اقپانداعى № 19 قاۋلىسىمەن بەكىتىلدى بانكتىك قىزمەتتەردى كورسەتۋ جانە بانكتەردىڭ بانكتىك قىزمەتتەردى كورسەتۋ ۇدەرىسىندە تۋىندايتىن كليەنتتەردىڭ وتىنىشتەرىن قاراۋ ەرەجەسىن بەكىتۋ تۋرالى وسى بانكتىك قىزمەتتەردى كورسەتۋ جانە بانك­تەردىڭ بانكتىك قىزمەتتەردى كورسەتۋ ۇدە­رى­سىن­دە تۋىندايتىن كليەنتتەردىڭ وتىنىشتەرىن قاراۋ ەرەجەسى  (بۇدان ءارى – ەرەجە) «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسىنىڭ 1995 جىلعى 31 تامىزداعى زاڭىنىڭ (بۇدان ءارى – بانكتەر تۋرالى زاڭ) 31-بابىنىڭ 2-تار­ماعىنا سايكەس بانكتىك قىزمەتتەردى كورسەتۋ جۇيەسىن جەتىلدىرۋ جانە بانكتەردىڭ بانكتىك قىزمەتتەردى كور­سەتۋ ۇدەرىسىندە تۋىندايتىن كليەنتتەردىڭ ءوتى­نىشتەرىن قاراۋ ءتارتىبىن ايقىنداۋ ماقساتىن­دا ازىرلەندى. 1-تاراۋ. جالپى ەرەجەلەر 1. وسى ەرەجەدە مىناداي ۇعىمدار پايدا­لانىلادى: 1) بانكتىك قىزمەتتەردى كورسەتۋ – بانكتەر­دىڭ, بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ (بۇدان ءارى – بانكتەر) بانكتەر تۋرالى زاڭىنىڭ 30-بابىندا بەلگىلەنگەن بانكتىك جانە وزگە وپەراتسيالاردى جۇزەگە اسىرۋى; 2) كليەنت  – بانكتىك قىزمەتتەردى كورسەتۋ­دىڭ تۇتىنۋشىسى بولىپ تابىلاتىن نە بانكتىك قىزمەتتەردى كورسەتۋدى پايدالانۋعا نيەت ەتكەن جەكە نەمەسە زاڭدى تۇلعا; 3) ۋاكىلەتتى ورگان – قارجى نارىعىن جانە قارجى ۇيىمدارىن رەتتەۋ مەن قاداعالاۋ ءجونىن­دەگى مەملەكەتتىك ورگان. 2. بانك بانكتىك قىزمەتتەردى كورسەتۋدى بانكتەر تۋرالى زاڭىنا, وسى ەرەجەگە, سونداي-اق وپەراتسيالار جۇرگىزۋدىڭ جالپى تالاپتارى تۋرالى ەرەجەگە جانە ىشكى كرەديتتىك ساياسات تۋرالى ەرەجەگە سايكەس ۇسىنادى. 3. بانكتىك قىزمەتتەردى كورسەتۋ تارتىبىنە مىنالار كىرەدى: 1) بانكتىڭ ۇسىنىلاتىن بانكتىك قىزمەت­تەردى كورسەتۋ تۋرالى اقپاراتتى اشىپ كورسەتۋى جانە كليەنتتەرگە كونسۋلتاتسيا بەرۋ ءتارتىبى; 2) بانكتىك قىزمەتتەردى كورسەتۋدىڭ جەكەلەگەن تۇرلەرىن ۇسىنۋ جانە تولەۋگە قابىلەتسىز كليەنتتەرمەن جۇمىس جۇرگىزۋ ءتارتىبى. 2-تاراۋ. بانكتىڭ ۇسىنىلاتىن بانكتىك قىزمەتتەردى كورسەتۋ تۋرالى اقپاراتتى اشۋى جانە كليەنتتەرگە  كونسۋلتاتسيا بەرۋ ءتارتىبى 4. كليەنت بانكتىك قىزمەتتەردى كورسەتۋدى الۋ ماقساتىندا بانككە ءوتىنىش جاساعان كەزدە بانك كليەنتتىڭ ءبىرىنشى تالابى بويىنشا وعان تانىسۋ ءۇشىن بانكتەر تۋرالى زاڭىنىڭ 31-بابى­نىڭ 2-تارماعىنا سايكەس مىناداي مالىمەتتەردى جانە راسىمدەردى قامتىعان وپەراتسيالارى جۇرگى­زۋدىڭ جالپى تالاپتارى تۋرالى ەرەجەنى ۇسىنادى: 1) قابىلداناتىن دەپوزيتتەردىڭ جانە بەرىلەتىن كرەديتتەردىڭ شەكتى سومالارى مەن مەرزىمدەرى; 2) دەپوزيتتەر مەن كرەديتتەر بويىنشا سىياقى ستاۆكالارىنىڭ شەكتى شامالارى; 3) دەپوزيتتەر مەن كرەديتتەر بويىنشا سىياقى تولەۋ شارتتارى; 4) بانك قابىلدايتىن قامتاماسىز ەتۋگە قويىلاتىن تالاپتار; 5) بانك وپەراتسيالارىن جۇرگىزۋگە ارنالعان ستاۆكالار مەن تاريفتەر; 6) بانكتىك قىزمەتتەردى كورسەتۋ تۋرالى شەشىمدى قابىلداۋدىڭ شەكتى مەرزىمدەرى; 7) بانكتىك قىزمەتتەردى كورسەتۋ ۇدەرى­سىندە تۋىندايتىن كليەنتتەردىڭ ءوتىنىش­تەرىن قاراۋ ءتارتىبى; 8) بانك پەن ونىڭ كليەنتىنىڭ قۇقىقتارى مەن مىندەتتەرى, ولاردىڭ جاۋاپكەرشىلىگى; 9) يسلام بانكىنىڭ جانە ونىڭ كليەنتىنىڭ قۇقىقتارى مەن مىندەتتەرى, يسلام بانكىنىڭ وپەراتسيالار جۇرگىزۋ شارتتارى جانە سوعان بايلا­نىستى تاۋەكەلدەر; 10) كليەنتتەرمەن جۇمىس ءتارتىبى تۋرالى ەرەجە; 11) بانكتىڭ ديرەكتورلار كەڭەسى وپەراتسيا­لاردى جۇرگىزۋدىڭ جالپى شارتتارىنا ەنگىزۋ قاجەت دەپ ەسەپتەيتىن وزگە دە شارتتار, تالاپتار جانە شەكتەۋلەر. 5. بانكتىڭ كليەنتتەرمەن جۇمىس جۇرگىزۋ ءتارتىبى تۋرالى ەرەجەسىندە: 1) بانكتىك قىزمەتتەردى كورسەتۋ تۋرالى ءوتىنىشتى ءاربىر بانكتىك قىزمەتتەردى كورسەتۋدىڭ ءتۇرى بويىنشا  قاراۋ ءتارتىبى مەن مەرزىمى ء(وتى­نىش­­تى بەرۋ قاجەت بولعان كەزدە); 2) بانكتىك قىزمەتتەردى  كورسەتۋ ءتارتىبى قامتىلادى. 6. وپەراتسيالار جۇرگىزۋدىڭ جالپى تالاپ­تارى تۋرالى ەرەجە ادەبي ءتىلدىڭ نورمالارىن جانە زاڭدىق تەرمينولوگيانى ساقتاي وتىرىپ, كەلتىرىلگەن تەرميندەردىڭ تالداماسىن كورسەتە وتىرىپ, باياندالادى. وپەراتسيالار جۇرگىزۋدىڭ جالپى تالاپتارى تۋرالى ەرەجەدە ءار ءتۇرلى وقىلۋدىڭ بولۋىنا جول بەرىلمەيدى. 7. بانك  قولدانىستاعى ستاۆكالار مەن تاريفتەرگە وزگەرىستەر ەنگىزۋ جانە بەكىتۋ كۇندەرى تۋرالى مالىمەتتەردى,  ىشكى قۇجاتتاردىڭ ءنو­مىر­­لەرىن جانە  وسى وزگەرىستەردى بەكىتكەن (قا­بىلدا­عان) ورگاندى كورسەتە وتىرىپ, بانكتىك قىزمەت­تەردى كورسەتۋ ءۇشىن ستاۆكالار مەن تاريفتەر تۋ­را­لى اكتۋالدى اقپاراتتى فيليال­دارىندا (ولاردىڭ ءۇي-جايلارىندا), فيليالدار بولماعان جاعدايدا  ورتالىق وفيسىندە, كو­رۋ جانە تانىسۋ ءۇشىن قول جەتىمدى جەرلەردە  جانە ءوزىنىڭ ينتەرنەت-رەسۋرسىندا ورنالاس­تىرادى. 8. بانكتىك قىزمەتتەردى كورسەتۋ تۋرالى جار­نامانى تاراتۋ «جارناما تۋرالى» قازاق­ستان رەسپۋبليكاسىنىڭ 2003 جىلعى 19 جەل­توق­سانداعى زاڭىنىڭ جانە بانكتەر تۋرالى زاڭى­نىڭ تالاپتارىنا سايكەس, ونىڭ ىشىندە مىناداي تالاپتارىنا سايكەس: 1) جارناما تiكەلەي ۇسىنىلۋ ساتiندە ار­ناۋلى بiلiمسiز نەمەسە ارناۋلى قۇرالداردى قول­دانباي دايەكتi ءارi تۇسiنiكتi بولىپ تابىلادى; 2) مەرزىمدى ءباسپاسوز باسىلىمدارىن قوس­پا­عاندا, قازاقستان رەسپۋبليكاسىنىڭ اۋ­ماعىن­داعى جارناما مەملەكەتتىك جانە ورىس تىلدەرىندە, سونداي-اق جارناما بەرۋشىنىڭ قا­لاۋى بويىن­شا باسقا دا تىلدەردە تاراتىلادى; 3) راديوداعى جارنامانى قوسپاعاندا, جارنامادا بانك ليتسەنزياسىنىڭ ءنومىرى جانە ليتسەن­زيا­نى بەرگەن ورگاننىڭ اتاۋى كورسە­تىلەدى; 4) زاەمدار مەن سالىمداردىڭ جارناما­سىندا  (بانكارالىق زاەمدار مەن سالىمداردى قوس­پاعاندا) شىنايى, جىلدىق, ءتيىمدى, سالىس­تىر­­مالى تۇردە ەسەپتەلگەن  سىياقى ستاۆكالارى كورسەتىلەدى. 9. بانكتىك قىزمەتتەردى كورسەتۋ كەزىندە بانك: 1) بانكتىك قىزمەتتەردى كورسەتۋ تۋرالى شارتتى جاساسقانعا دەيىن كليەنتكە: ستاۆكالار مەن تاريفتەر تۋرالى, بانكتىك قىزمەتتەردى كورسەتۋ تۋرالى ءوتىنىش بويىنشا شەشىم قابىلداۋ مەرزىمدەرى تۋرالى اقپاراتتى ء(وتىنىشتى بەرۋ قاجەت بولعان كەزدە); قىزمەتتەردى كورسەتۋدى ۇسىنۋ شارت­تارى تۋرالى اقپاراتتى جانە بانكتىك قىزمەتتەردى كورسەتۋ تۋرالى شارتتى جاساسۋ ءۇشىن قاجەتتى قۇجاتتاردىڭ تىزبەسىن; بانكتىك قىزمەتتەردى كورسەتۋ تۋرالى شارتى بويىنشا مىندەتتەمەلەردى ورىندا­ما­عان جاعدايدا كليەنتتىڭ جاۋاپكەرشىلىگى تۋرا­لى جانە ىقتيمال تاۋەكەلدەرى تۋرالى اقپا­راتتى; كليەنتتىڭ تۋىنداعان ماسەلەلەرى بويىن­شا كونسۋلتاتسيالار; كليەنتتىڭ تىلەگى بويىنشا – ءتيىستى شارت­تىڭ ۇلگىلى نىسانىنىڭ كوشىرمەسىن بەرەدى; 2) كليەنتتىڭ بانكتىك قىزمەتتەردى كورسەتۋ تۋرالى ءوتىنىشىن بانكتىڭ وپەراتسيالار جۇرگىزۋدىڭ جالپى تالاپتارى تۋرالى ەرەجەسىندە بەلگىلەنگەن مەرزىمدەردە قاراي­دى ء(وتىنىشتى بەرۋ قاجەت بولعان كەزدە); 3) بانكتىك قىزمەتتەردى كورسەتۋ تۋرالى شارتقا قول قويعانعا دەيىن كليەنتكە ونىڭ شارت­تارىمەن تانىسۋ ءۇشىن قاجەتتى  ۋا­قىتتى بەرەدى; 4)  كليەنتتى الىناتىن بانكتىك قىزمەت­تەردى كورسەتۋ بويىنشا داۋلى جاعدايلار تۋىنداعان كەزدە ونىڭ بانككە, بانكتىك وم­بۋدس­مانعا (يپوتە­كالىق زاەمدار بويىنشا), ۋاكىلەتتى ورگانعا نەمەسە سوتقا جۇگىنۋگە قۇقىلى ەكەنى تۋرالى حاباردار ەتەدى. وسى ماقساتتاردا كليەنتكە بانكتىڭ, بانكتىك ومبۋد­­سماننىڭ جانە ۋاكىلەتتى ورگاننىڭ ورنالاس­قان جەرى, پوچتالىق جانە ەلەك­تروندى ادرەستەرى جانە ينتەرنەت-رە­سۋرس­تارى تۋرالى اقپارات بەرىلەدى; 5) سۇراتۋ بويىنشا كليەنتتى بانكتىڭ قار­جىلىق ەسەپتىلىگى مەن وزگە دە اقپارا­تى­نىڭ ورنالاستىرۋ كوزدەرى تۋرالى حاباردار ەتەدى; 6) كليەنت بەرگەن اقپاراتتىڭ قۇپيالى­لىعىن قامتاماسىز ەتەدى. 3-تاراۋ. بانكتىك زاەمدار بەرۋ جانە تولەۋگە قابىلەتسىز كليەنتتەرمەن جۇمىس جۇرگىزۋ 10. بانك بانكتىك زاەم شارتىن جاساس­قان­عا دەيىن 9-تارماقتىڭ 1) تارماقشاسىندا كوزدەلگەن مالىمەتتەردەن جانە قۇجاتتاردان باسقا كليەنتكە اۋىزشا نىساندا بانكتىك زاەمدار بويىنشا مىناداي اقپاراتتى ۇسىنادى: 1) بانكتىك زاەم بەرۋ مەرزىمىن; 2) بانكتىك زاەمنىڭ شەكتى سوماسى مەن ۆاليۋتاسىن; 3) سىياقى ستاۆكاسىنىڭ ءتۇرىن: بەلگىلەنگەن نەمەسە قۇبىلمالى, ەگەر سىياقى ستاۆ­كاسى  قۇبىلمالى بولعان جاعدايدا ەسەپتەۋ ءتارتىبىن; 4) كليەنت ءوتىنىش جاساعان كۇنىندەگى سىي­ا­قى ستاۆكاسىنىڭ مولشەرى جىلدىق پايىز­دارى­مەن جانە ونىڭ شىنايى جىلدىق ءتيىمدى سالىس­تىرمالى تۇردە ەسەپتەلگەن مولشەرىن (ناقتى قۇنىن); 5) بانكتىڭ پايداسىنا بانكتىك زاەمدى الۋعا جانە قامتاماسىز ەتۋگە (وتەۋگە) باي­لا­نىستى كوميسسيالىق اقىلاردىڭ, تاريف­تەردىڭ جانە وزگە دە شىعىستاردىڭ تولىق تىزبەسى مەن مولشەرلەرى; 6) كليەنت زاڭدى تۇلعامەن  جاسالعان بانكتىك زاەم شارتىنىڭ تالاپتارىن بانكتەر تۋرالى زاڭىندا كوزدەلگەن ىقتيمال ءبىر جاقتى تارتىپپەن وزگەرتۋ جاعدايلارى; 7) بانكتىك زاەم شارتى بويىنشا مىندەتتەمەلەرىن ورىنداماعان جاعدايدا كليەنت­تىڭ جاۋاپكەرشىلىگى مەن تاۋەكەلدەرى; 8) كەپىل بەرۋشىنىڭ, كەپىلگەردىڭ, كەپىلدىك بەرۋشىنىڭ جانە زاەمدى قامتاماسىز ەتۋ تۋرالى شارتىنىڭ تارابى بولىپ تابىلاتىن وزگە تۇلعانىڭ جاۋاپكەرشىلىگى تۋرالى اقپارات بەرەدى. 11.بانك بانكتىك زاەم بويىنشا شەشىم قابىلدانعان كۇننەن باستاپ ءۇش جۇمىس كۇنگە دەيىنگى مەرزىمدە كليەنتتى بانكتىك زاەمدى بەرۋ نە باس تارتۋدىڭ سەبەبىن كورسەتە وتىرىپ, بەرۋدەن باس تارتۋ تۋرالى حاباردار ەتەدى. 12. بانكتىك زاەم شارتىندا قازاقستان رەس­پۋبليكاسى قارجى نارىعىن جانە قارجى ۇيىم­دارىن رەتتەۋ مەن قاداعالاۋ اگەنتتىگى باسقار­ماسىنىڭ «بانكتىك زاەم شارتىنىڭ مىندەتتى تالاپتارىنىڭ تىزبەسىن بەكىتۋ جانە قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باس­قارماسىنىڭ «كرەديتتەۋ جونىندەگى قۇجاتتاما­سىن جۇرگىزۋ ەرەجەسىن بەكىتۋ تۋرالى» 2007 جىلعى 23 اقپانداعى №49 قاۋلىسىنا تولىقتى­رۋ مەن وزگەرىستەر ەنگىزۋ تۋرالى» 2011 جىلعى 28 اقپانداعى № 18 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6877 تىركەلگەن) سايكەس بەلگىلەنگەن بانكتىك زاەم شارتىنىڭ مىندەتتى تالاپتارى قامتىلادى. 13. بانكتىك زاەم شارتىن قامتاماسىز ەتۋ كەزەڭىندە بانك كليەنتتىڭ (زاەمشىنىڭ) نەمەسە كەپىل بەرۋشىنىڭ (بانكتەر تۋرالى زاڭىندا كوزدەلگەن بانكتىك قۇپيانى جاريالاۋعا قويىلا­تىن تالاپتاردى ساقتاۋمەن) سۇراتۋى بويىنشا سۇراتۋدى العان كۇننەن باستاپ ءۇش جۇمىس كۇن ىشىندە وعان جازباشا نىساندا مىنالار تۋرالى مالىمەتتەردى بەرەدى: 1) بانككە تولەگەن اقشا سوماسى; 2) مەرزىمى وتكەن بەرەشەكتىڭ مولشەرى (بار بولعان كەزدە); 3) بورىش قالدىقتارى; 4) كەزەكتەگى تولەمدەردىڭ مولشەرى مەن مەرزىمدەرى; 5) كرەديتتەۋ ءليميتى (بار بولعان كەزدە). 14. كليەنتتىڭ ءوتىنىشى بويىنشا بانك ءۇش جۇمىس كۇنىنەن اسپايتىن مەرزىمدە ايىنا ءبىر رەتتەن ءجيى ەمەس جازباشا نىساندا بانكتىك زاەم شارتى بويىنشا بەرەشەكتى وتەۋ ەسەبىنە كەلىپ تۇسەتىن كليەنتتىڭ (زاەمشىنىڭ) اقشاسىن ءبولۋ تۋرالى اقپاراتتى تەگىن بەرەدى. 15. كليەنتتىڭ بانككە بانكتىك زاەم شارتى بويىنشا بەرىلگەن اقشانىڭ بارلىق سوماسىن نەمەسە ونىڭ ءبىر بولىگىن مەرزىمنەن بۇرىن قايتارۋ تۋرالى ءوتىنىشى بويىنشا بانك ءۇش جۇمىس كۇنى ىشىندە قايتارىلۋى ءتيىس سومانىڭ مولشەرىن وعان جازباشا نىساندا تەگىن حابارلايدى. 16. ەگەر بانكتىك زاەم شارتىندا كوزدەلگەن بولسا, بانك كەزەڭدىلىك نەگىزىندە وسى ەرەجەنىڭ 13-تارماعىندا كوزدەلگەن مالىمەتتەردى كليەنتكە بانكتىك زاەم شارتىندا كوزدەلگەن تاسىلمەن  ۇسىنادى. 17. وسى ەرەجەنىڭ 13-16-تارماقتارىندا كوزدەلگەن مالىمەتتەر نەگىزگى بورىشتىڭ, سىي­اقى­نىڭ, كوميسسيالىق اقىلاردىڭ, تۇراقسىزدىق ايىبىنىڭ جانە ايىپپۇل سانكتسيالارىنىڭ وزگە تۇرلەرىنىڭ, سونداي-اق تولەنۋگە جاتاتىن باسقا سومالارى كورسەتىلە وتىرىپ, ۇسىنىلادى. 18. بانكتىك زاەم شارتىندا كوزدەلگەن جاع­دايدا, بانك زاەمشىنى بانكتىك زاەم شارتىندا كوزدەلگەن مەرزىمدەردە جانە تاسىلمەن شارت بويىنشا مىندەتتەمەنى ورىنداۋ مەرزىمى ءوتىپ كەتكەنى جانە تولەمدەردى ەنگىزۋ قاجەتتىگى تۋرالى حاباردار ەتەدى. تاراپتاردىڭ كەلىسىمى بويىنشا بانكتىك زاەم شارتىندا شارت بويىنشا كەزەكتى تولەمدەر جاساۋ كۇنى تۋرالى حابارلاندىرۋدىڭ مەرزىمدەرى مەن تاسىلدەرى كوزدەلەدى. 19. بانك بەرەشەكتى ءوندىرىپ الۋدى قازاق­ستان رەسپۋبليكاسىنىڭ بانكتىك زاڭناماسىندا جانە بانكتىك زاەم شارتىندا بەلگىلەنگەن ءتارتىپ­پەن جانە نەگىزدەمەلەر بويىنشا جۇزەگە اسىرادى. 20. بانكتىك زاەم شارتى بويىنشا  بەرەشەكتى ءوندىرىپ الۋ ماقساتىندا بانك كليەنتتى بانكتىك زاەم شارتى  بويىنشا تولەمدەردى تولەۋ قاجەتتىگى تۋرالى جانە كليەنتتىڭ ءوز مىندەتتەمەلەرىن ورىن­داماۋىنىڭ سالدارى تۋرالى حاباردار ەتەدى. 21. بانكتىك زاەم شارتى بويىنشا بەرەشەكتى ءوندىرىپ الۋ تۋرالى حابارلامادا كليەنت ءۇشىن بانكتىك زاەم شارتى بويىنشا بەرەشەكتىڭ ءمول­شەرى تۋرالى (نەگىزگى بورىش, سىياقى, كوميس­سيالىق اقى, تۇراقسىزدىق ايىبى جانە ايىپپۇل سانكتسيالا­رىنىڭ وزگە تۇرلەرىنىڭ سوماسىن, سون­داي-اق تولەۋگە جاتاتىن باسقا سومالاردى دا كورسەتۋمەن) قىسقاشا اقپارات قامتىلادى. 22. كليەنتكە, سونداي-اق كەپىل بەرۋشىگە, كەپىلگەرگە, كەپىلدىك بەرۋشىگە جانە زاەمدى قام­تاماسىز ەتۋ شارتىنىڭ تارابى بولىپ تابىلا­تىن وزگە تۇلعاعا دا جەرگىلىكتى ۋاقىتى بويىنشا ساعات 21.00-دەن  9.00-گە دەيىن بانكتىك زاەم شارتىن قامتاماسىز ەتۋگە بايلانىستى حابارلا­ما­لاردى بەرۋگە جانە ەسكەرتۋدى جۇزەگە اسىرۋعا (تەلەفون شالۋعا) بولمايدى. 23. وسى ەرەجەنىڭ 20-تارماعىندا كورسە­تىل­گەن حابارلامادان تۋىندايتىن تالاپتار قاناعات­تان­دىرىلماعان جاعدايدا, بانك كليەنتكە بانكتەر تۋرالى زاڭىنىڭ 36-بابىندا كوزدەلگەن شارا­لاردى قولدانادى. 24. بانكتىك زاەم شارتىندا بانكتىڭ بانكتىك زاەم شارتى بويىنشا قۇقىعىن (تالاپ ەتۋ) ءۇشىنشى تۇلعالارعا بەرۋ قۇقىعى (تالاپ ەتۋدى بەرۋ) كوزدەلگەن جاعدايدا, بانك قۇقىعىن (تالاپ ەتۋدى) تابىس ەتكەن كۇننەن باستاپ  ءۇشى جۇمىس كۇن ىشىندە ول تۋرالى بورىشكەردى (ونىڭ ۋاكى­لەتتى وكىلىن) تاپسىرىلعان قۇقىق­تارىنىڭ (تالاپ ەتۋدىڭ) تولىق كولەمىن, سون­داي-اق نەگىزگى بورىش­تىڭ, سىياقىنىڭ, كوميس­سيالىق اقىنىڭ, تۇراق­سىزدىق ايىبى­نىڭ, ايىپپۇلداردىڭ جانە مەرزىمى وتكەن جانە اعىمداعى سومالارىن جانە تولەنۋى ءتيىس باسقا سومالارىنىڭ قالدىقتارىن جانە زاەمدى وتەۋ بويىنشا  بۇدان كەيىنگى ءتو­لەم­دەردىڭ ماقساتىن – بانككە نەمەسە قۇقىقتارى (تالاپ ەتۋ) بەرىلگەن تۇلعاعا ەكەنىن كورسەتە وتىرىپ, جازباشا حاباردار ەتەدى. 4-تاراۋ.  بانكتىك سالىم شارتتارىن جاساسۋ 25. بانكتىك سالىم شارتىن جاساسقانعا دەيىن وسى ەرەجەنىڭ 9-تارماعىنىڭ 1) تارماق­شا­سىندا كوزدەلگەن مالىمەتتەر مەن قۇجاتتاردان باسقا بانك اۋىزشا نىساندا كليەنتكە بانكتىك سالىمدار بويىنشا مىناداي اقپاراتتى ۇسىنادى: 1) سالىمنىڭ ءتۇرىن (تالاپ ەتىلگەنگە دەيىن, مەرزىمدى, شارتتى); 2) سالىم مەرزىمىن (بار بولسا); 3) ەڭ از سالىم سوماسىن; 4) كليەنت ءوتىنىش جاساعان كۇنىنە سىياقى ستاۆكالارى, ونىڭ ىشىندە شىنايى, جىلدىق, ءتيىمدى, سالىستىرمالى تۇردە ەسەپتەلگەن سىياقى ستاۆكاسىن (ناقتى قۇنىن); 5) قوسىمشا كەلىسىم جاساۋسىز سالىمنىڭ مەرزىمىن ۇزارتۋدىڭ شارتتارىن (بار بولسا); 6) سالىمدى تولىقتىرۋ, كاپيتالداندىرۋ مۇمكىندىگىن; 7) سالىمدى تولىعىمەن نەمەسە ءىشىنارا مەرزىمنەن بۇرىن الۋ شارتتارىن; 8) كەپىلدىك بەرىلەتىن بانكتىك سالىمدار بويىنشا قازاقستان رەسپۋبليكاسىنىڭ زاڭنا­ما­لىق اكتىلەرىندە بەلگىلەنگەن كەپىلدىك وتەم مولشەرىن. 26. بانكتىك سالىم شارتىنىڭ تالاپ­تارىنا سايكەس قوسىمشا كەلىسىم جاساۋسىز بانكتىك سا­لىم مەرزىمىن ۇزارتقان كەزدەگى سىياقى ستاۆكا­سىن تومەندەتۋ جاعىنا وزگەرت­كەن جاعدايدا بانك  كليەنتتى بانكتىك سالىم شارتىندا كوزدەلگەن تاسىلمەن بانكتىك سالىم مەرزىمى اياقتالعانعا دەيىن سىياقى ستاۆكاسىن تومەندەتۋ تۋرالى  حاباردار ەتەدى. 5-تاراۋ. بانكتەردىڭ بانكتىك قىزمەتتەردى كورسەتۋ ۇدەرىسىندە تۋىندايتىن كليەنتتەردىڭ وتىنىشتەرىن قاراۋ ءتارتىبى 27. بانكتەردىڭ بانك كليەنتتەرىنىڭ ءوتى­نىش­­تەرىن قاراۋى «جەكە جانە زاڭدى تۇلعا­لاردىڭ وتiنiشتەرiن قاراۋ ءتارتiبi تۋرالى» قازاقستان رەسپۋبليكاسىنىڭ 2007 جىلعى 12 قاڭتارداعى زاڭىندا (وتىنىشتەر تۋرالى زاڭ) جانە وسى ەرەجەدە بەلگىلەنگەن تارتىپپەن جانە مەرزىمدەردە جۇزەگە اسىرىلادى. 28. بانك كليەنتتەردىڭ: 1) بانككە قولما-قول, پوچتا بايلانىسى ار­قى­لى, ونىڭ ەلەكتروندىق پوچتاسىنا, ينتەر­نەت-رەسۋرسىنا كەلىپ تۇسكەن جازباشا ءوتىنىش­تەرىمەن; 2) تەلەفون ارقىلى جانە كليەنت بانك وفيسىنە تىكەلەي كەلگەن كەزدە  اۋىزشا تۇسكەن وتىنىشتەرىمەن  جۇمىس جۇرگىزەدى. 29. بانكتىڭ ۋاكىلەتتى ادامدارى ورتالىق وفيسىندە جانە فيليالدا بانك باسقارماسىنىڭ توراعاسى, فيليالدىڭ ديرەكتورى (فيليالدا) بەكىتكەن قابىلداۋ كەستەسىنە سايكەس كەم دەگەندە ايىنا ءبىر رەت جەكە تۇلعالاردىڭ جانە زاڭدى تۇل­عالاردىڭ وكىلدەرىنىڭ جەكە قابىلداۋىن جۇرگىزەدى. قابىلداۋ بەلگiلەنگەن ءارi جەكە جانە زاڭدى تۇلعالاردىڭ نازارىنا جەتكiزiلگەن كۇن مەن ساعاتتا جۇمىس ورنى بويىنشا وتكiزiلەدى. ەگەر بانكتىڭ ۋاكىلەتتى ادامى ءوتiنiش بويىنشا ماسەلەنى قابىلداۋ كەزiندە شەشە الماسا, ول كليەنتپەن جازباشا نىساندا باياندا­لادى جانە ونىمەن جازباشا ءوتiنiش رەتiندە جۇمىس جۇرگiزiلەدi. 30. كليەنتتەردىڭ جازباشا وتىنىشتەرى بانكتىڭ ىشكى قۇجاتتارىنا سايكەس دەرەكتەمەلەرى بار جازباشا وتىنىشتەردى تىركەۋ جۋرنالىندا تىركەلەدى. 31. كليەنتكە ونىڭ جازباشا ءوتىنىشىنىڭ قابىلدانعانىن راستايتىن قاعاز تاسىمال­داۋىش­­تاعى قۇجات بەرىلەدى, نە ءوتىنىشتىڭ كوشىر­مەسىندە ءتيىستى بەلگى قويىلادى. ءوتىنىش­تەردى قابىلداۋدان باس تارتۋعا جول بەرىلمەيدى. 32. بانكتىڭ ينتەرنەت-رەسۋرسى ارقىلى كەلىپ تۇسكەن وتىنىشتەر بانكتىڭ ىشكى قۇجات­تارىندا كوزدەلگەن تارتىپپەن تىركەلەدى. 33. كليەنتتەردىڭ تەلەفون ارقىلى كەلىپ تۇسكەن وتىنىشتەرى تىركەلەدى. كليەنتپەن جاسال­عان تەلەفون سويلەسۋلەرىنىڭ جازىلۋى ول تۋرالى سويلەسۋدىڭ باسىندا حاباردار ەتىلگەن  كەزدە كليەنتتىڭ كەلىسۋى بويىنشا جۇرگىزىلەدى. 34. بانككە اۋىزشا نىساندا (تەلەفون ار­قى­لى نەمەسە كليەنت ءوزى بانك وفيسىنە كەلگەن كەزدە) كەلىپ تۇسكەن وتىنىشتەر كىدىرمەي قارا­لادى جانە مۇمكىندىك بولسا, كليەنتتىڭ اۋىزشا ءوتىنى­شىنە جاۋاپ بىردەن بەرىلەدى. اۋىزشا ءوتىنىش بىردەن شەشىلمەيتىن جاعدايدا, ول كليەنتپەن جازباشا تۇردە جازىلادى دا, ونىمەن جازباشا ءوتىنىش رەتىندە جۇمىس جۇرگىزىلەدى. كليەنت جاۋاپ الۋ ءۇشىن قاجەتتى راسىمدەرى تۋرالى جانە وسىنداي وتىنىشتەردى قاراۋ مەرزىمدەرى تۋرالى حاباردار ەتىلەدى. 35.  بانك ءوتىنىشتى قاراۋ كەزىندە ۇسىنىل­عان اقپارات جەتكىلىكسىز بولعان جاعدايدا كليەنتتەن قوسىمشا قۇجاتتاردى جانە مالىمەت­تەردى سۇرا­تىپ الادى. 36. بانك جەكە جانە زاڭدى تۇلعالاردىڭ وتىنىشتەرىنىڭ وبەكتيۆتى, جان-جاقتى جانە ۋاق­تىلى قارالۋىن قامتاما­سىز ەتەدى, كليەنتتەردى ولاردىڭ وتىنىشتەرىن قاراۋ قورىتىن­دىسى جانە قابىلدانعان شارالار تۋرالى حاباردار ەتەدى. كليەنتكە ءوتىنىشتى قاراۋ قورىتىندىسى تۋرالى جازباشا جاۋابى مەملەكەتتىك تىلدە نەمەسە ءوتىنىش جاسالعان تىلدە بەرىلەدى جانە وندا كليەنت جازعان ءاربىر وتىنىشىنە, تالابىنا, ۇسى­نى­مىنا جانە وزگە دە سۇراعىنا  قابىلدانعان شەشىم بويىنشا شاعىم جاساۋ قۇقىقتارىن تۇسىندىرە وتىرىپ, قازاقستان رەسپۋبليكاسى زاڭ­نا­ماسىنىڭ, بانكتىڭ ىشكى قۇجاتتارىنىڭ, قارا­لا­تىن ماسەلەگە قاتىسى بار  شارتتاردىڭ ءتيىستى تالاپتارىنا, سونداي-اق قارالاتىن ماسەلەنىڭ ءىس جۇزىندەگى جاعدايلارىنا سىلتەمە جاسالعان نەگىزدەلگەن جانە ۋاجدەلگەن دالەلدەرى  قامتىلادى. 37. كليەنتتىڭ ءوتىنىشى نەگىزدەلگەن جانە زاڭدى بولعان جاعدايدا بانك جونسىزدىكتى جويۋ جانە كليەنتتىڭ قۇقىقتارىن جانە زاڭدى مۇددەلەرىن قالپىنا كەلتىرۋ تۋرالى شەشىم قابىلدايدى. 38. جازباشا ءوتىنىشتىڭ جاۋابىنا بانكتىڭ ۋاكىلەتتى ادامى قول قويادى. 39. پوچتا بايلانىسى نەمەسە قولما-قول تابىس ەتۋ ارقىلى كەلىپ تۇسكەن جازباشا ءوتىنىش­كە جاۋاپتى كليەنتكە تابىس ەتۋ كليەنت­تىڭ وتىنىشىندە كورسەتىلگەن مەكەنجاي بويىنشا پوچتا ارقىلى تاپسىرىلعانى تۋرالى حاباردار ەتۋمەن تاپسىرىس-حاتپەن, نەمەسە كليەنت بانككە كەلگەن كەزدە قولىن قويعىزىپ, ءوزىنىڭ قولىنا تابىس ەتۋ ارقىلى جۇزەگە اسىرىلادى, ول تۋرالى بانكتىڭ جازباشا وتىنىشتەردى تىركەۋ جۋرنالىن­دا بەلگى قويىلادى. 40.  وتىنىشتەردى قاراۋدى تالداۋ جانە با­قىلاۋ فۋنكتسيالارى بانكتىڭ ىشكى قۇجاتتا­رىنا سايكەس انىقتالعان بانكتىڭ بولىمشەسىنە جۇك­تەلەدى جانە ولارعا: 1) ءتيىستى وتىنىشكە نەگىزدەمە بولىپ تابىل­عان سەبەپتەردى انىقتاۋ جانە جويۋ ءۇشىن بانك كليەنتتەرىنىڭ وتىنىشتەرىن تالداۋ جانە قورى­تىندىلاۋ; 2) بانك ءۇشىن بانك كليەنتتەرىنىڭ ءوتىنىش­تەرىمەن جۇمىس ۇيىمداستىرۋدى جاقسارتۋ بويىنشا ۇسىنىمدار ازىرلەۋ; 3) بانك باسشىلىعىنا بانك كليەنتتەرىنىڭ وتىنىشتەرىن قاراۋ قورىتىندىسى بويىنشا وسى قارجىلىق قىزمەتتەردى كورسەتۋدىڭ بارلىق تۇتىنۋشىلارىنا قاتىستى انىقتالعان ءجونسىز­دىك­تەردى جويۋ بويىنشا قاجەتتى شارالار ءجونىن­دە جانە بانك قىزمەتىندە وسىنداي ءجونسىز­دىكتەرگە جول بەرمەۋ ءۇشىن الدىن الۋ شارالارى جونىندە ۇسىنىستار ەنگىزۋ كىرەدى. قاۋلى قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 11 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6884 بولىپ ەنگىزىلدى.