قازاقستان رەسپۋبليكاسى پرەزيدەنتىنىڭ جارلىعى №83
قازاقستان رەسپۋبليكاسى تاۋەلسىزدىگىنىڭ 20 جىلدىعى قۇرمەتىنە ارنالعان مەرەكەلىك مەدال تۋرالى
قازاقستان رەسپۋبليكاسى مەملەكەتتىلىگىنىڭ دامۋى مەن قالىپتاسۋىنا جانە ەگەمەندىگىنىڭ نىعايۋىنا ەلەۋلى ۇلەس قوسقان قازاقستان رەسپۋبليكاسىنىڭ ازاماتتارى مەن شەتەل ازاماتتارىن كوتەرمەلەۋ ماقساتىندا, سونداي-اق قازاقستان رەسپۋبليكاسى تاۋەلسىزدىگى 20 جىلدىعىنىڭ قۇرمەتىنە قاۋلى ەتەمىن:
1. «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالى تاعايىندالسىن.
2. قوسا بەرىلىپ وتىرعان:
1) «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالىمەن ناگرادتاۋ قاعيدالارى;
2) «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالىنىڭ سيپاتتاماسى بەكىتىلسىن.
3. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2011 جىلعى 17 مامىر. №83.
قازاقستان رەسپۋبليكاسى پرەزيدەنتىنىڭ 2011 جىلعى
17 مامىرداعى №83 جارلىعىمەن بەكىتىلگەن
«قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالىمەن ناگرادتاۋ قاعيدالارى 1. وسى قاعيدالار «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالىمەن (بۇدان ءارى – مەرەكەلىك مەدال) ناگرادتاۋ ءتارتىبىن رەتتەيدى. 2. مەرەكەلىك مەدالمەن قازاقستان رەسپۋبليكاسى مەملەكەتتىلىگىنىڭ قالىپتاسۋىنا, ەگەمەندىگىنىڭ نىعايۋى مەن الەۋمەتتىك-ەكونوميكالىق دامۋىنا ەلەۋلى ۇلەس قوسقان قازاقستان رەسپۋبليكاسىنىڭ ازاماتتارى جانە شەتەل ازاماتتارى ناگرادتالادى. 3. مەرەكەلىك مەدالمەن ناگرادتاۋعا ۇسىنىستاردى قازاقستان رەسپۋبليكاسىنىڭ پرەزيدەنتىنە قازاقستان رەسپۋبليكاسىنىڭ پارلامەنتى, ۇكىمەتى, مينيسترلىكتەرى, وزگە دە ورتالىق مەملەكەتتىك ورگاندارى, استانا جانە الماتى قالالارىنىڭ, وبلىستاردىڭ اكىمدەرى, سونداي-اق قوعامدىق ۇيىمدار ەنگىزەدى. 4. مەرەكەلىك مەدالدى قازاقستان رەسپۋبليكاسىنىڭ پرەزيدەنتى تاپسىرادى. قازاقستان رەسپۋبليكاسى پرەزيدەنتىنىڭ اتىنان جانە ونىڭ تاپسىرماسى بويىنشا مەرەكەلىك مەدالدى, سونىمەن قاتار: 1) قازاقستان رەسپۋبليكاسىنىڭ مەملەكەتتىك حاتشىسى; 2) استانا جانە الماتى قالالارىنىڭ, وبلىستاردىڭ اكىمدەرى, سونداي-اق مەملەكەت باسشىسى وسىعان ۋاكىلەتتىك بەرگەن وزگە دە لاۋازىمدى ادامدار تاپسىرا الادى. ناگرادتالعان ادامعا مەدالمەن قوسا بەلگىلەنگەن ۇلگىدەگى كۋالىك تابىس ەتىلەدى. 5. مەرەكەلىك مەدالدى تاپسىرۋ سالتاناتتى جاعدايدا جۇرگىزىلەدى جانە ناگرادتالۋشىنىڭ جەكە وزىنە تاپسىرىلادى. تاپسىرۋ الدىندا قازاقستان رەسپۋبليكاسى پرەزيدەنتىنىڭ ناگرادتاۋ تۋرالى جارلىعى جاريا ەتىلەدى. 6. مەرەكەلىك مەدال سول جاق ومىراۋعا تاعىلادى. قازاقستان رەسپۋبليكاسىنىڭ مەملەكەتتىك ناگرادالارى بولعان جاعدايدا ولاردان كەيىن ورنالاسادى. 7. مەرەكەلىك مەدالدىڭ تابىس ەتىلگەندىگى تۋرالى ناگرادتاۋعا ارنالعان تىزىمگە ءتيىستى جازبا جازىلادى. تابىس ەتىلمەگەن مەدالدەر مەن ولاردىڭ كۋالىكتەرى قايتارىلۋ سەبەپتەرى كورسەتىلە وتىرىپ, قازاقستان رەسپۋبليكاسى پرەزيدەنتى ءىس باسقارماسىنىڭ وردەندەر قويماسىنا قايتارىلادى, بۇل تۋرالى تىزىمدەرگە ءتيىستى بەلگى قويىلادى. جۇرگىزىلگەن ناگرادتاۋلاردىڭ ەسەبىن, سونداي-اق مەرەكەلىك مەدالداردىڭ تاپسىرىلۋ بارىسى تۋرالى ەسەپتەلىكتى قازاقستان رەسپۋبليكاسى پرەزيدەنتىنىڭ اكىمشىلىگى جۇرگىزەدى.قازاقستان رەسپۋبليكاسى پرەزيدەنتىنىڭ 2011 جىلعى
17 مامىرداعى №83 جارلىعىمەن بەكىتىلگەن
«قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالىنىڭ سيپاتتاماسى «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالى (بۇدان ءارى – مەرەكەلىك مەدال) ديامەترى 34 مم دۇرىس شەڭبەر نىسانىندا بولادى. مەرەكەلىك مەدالدىڭ بەت جاعىنىڭ ۇستىڭگى بولىگىندە مەرەيتوي ەمبلەماسىنىڭ بەينەسى – ءنولى جەلبىرەگەن جالاۋدىڭ اياسىندا رامىزدەلگەن ساۋلەلى كۇن تۇرىندە ورىندالعان بەدەرلى 20 سانى ورنالاسقان. تومەنگى جاعىندا اقوردا عيماراتىنىڭ بەدەرلى بەينەسى ورنالاسقان. مەرەكەلىك مەدالدىڭ سىرتقى بەتىنىڭ ورتاڭعى بولىگىندە «قازاقستان رەسپۋبليكاسىنىڭ تاۋەلسىزدىگىنە 20 جىل» بەدەرلى جازۋى ورنالاسقان. مەرەكەلىك مەدال سارى ءتۇستى مەتالدان (جەزدەن) دايىندالادى. مەرەكەلىك مەدال قۇلاقشا مەن شىعىرشىق ارقىلى قاتقىل لەنتامەن قاپتالعان ەنى 32 مم جانە بيىكتىگى 50 مم بولاتىن تاعانعا جالعانادى. لەنتا 16 مم قىزىل جانە كوك ءتۇستى ەكى جولاقتان قۇرالعان. ورتاسىندا تىگىنەن تۇرعان بەدەرلى لاۆر بۇتاعى تۇرىندەگى جەزدەن جاسالعان ەنى 8 مم جاپسىرما ورنالاسقان. مەرەكەلىك مەدال كيىمگە ۆيزورلى بەكىتكىشى بار تۇيرەۋىش ارقىلى بەكىتىلەدى.
