الداعى جۇمىس جوسپارلار جايى تالقىلانعان جيىن ناتيجەسىندە, قىتاي, قىرعىزستان جانە وزبەكستاننان كەلگەن ماماندار مەن ءوڭىردىڭ بيزنەس وكىلدەرى ءوزارا ىنتىماقتاستىقتى ارتتىرۋ اياسىندا 10 كەلىسىمشارتقا قول قويدى. قۇجاتتار نەگىزىندە, تاراپتار ءتۋريزمدى ءوزارا ءتيىمدى دامىتۋعا, كەرەكتى اقپارات پەن تاجىريبە الماسۋعا, بىرىگىپ ىشكى ءتۋريزمدى دامىتۋعا باعىتتالعان ءىس-شارالار ۇيىمداستىرۋعا مىندەتتەلدى.
ەسكە سالساق, ءساۋىر ايىنىڭ 25-29 ارالىعىندا وڭتۇستىك قازاقستان وبلىسىنىڭ تۋريستىك مۇمكىنشىلىكتەرىن حالىقارالىق نارىقتا ارتتىرۋ ماقساتىندا اقپاراتتىق تۋر وتكەن-ءدى. قىتاي (3 تۋروپەراتور), قىرعىزستان (5 تۋروپەراتور) جانە وزبەكستاننان (10 تۋروپەراتور) كەلگەن تۋروپەراتورلار بەس كۇن ىشىندە وڭتۇستىك قازاقستان وبلىسىنىڭ باستى 3 باعىتىمەن - تاريحي-مادەني, ەمدەۋ-وڭالتۋ, ەكولوگيالىق باعىتتارىمەن تانىستى. وندا قوناقتار تۇركىستان شاھارى مەن وتىرار اۋدانىنداعى تاريحي ورىندارعا, سارىاعاشتاعى ساۋىقتىرۋ ورتالىقتارىنا, «سايرام-وگەم» مەملەكەتتىك ۇلتتىق تابيعي پاركىندەگى دەمالىس ايماقتارىنا جانە شىمكەنتتەگى قوناقۇيلەرگە بارىپ, ارالادى.
ايماقتىڭ سان قىرلى تابيعاتىمەن تانىسقان شەتەلدىك قوناقتار كۇنگەيدىڭ تاماشا تابيعاتىنا ءسۇيسىنىپ, وبلىس ورتالىعى – شىمكەنتتىڭ اسەم ساۋلەتىنە زەر سالعان.
