قازاقستان رەسپۋبليكاسى ۇكىمەتىنىڭ قاۋلىسى №347

2011 جىلعى 2 ءساۋىر               №347                استانا, ۇكىمەت ءۇيى جەر قويناۋىنا زياندى زاتتاردى, راديواكتيۆتى قالدىقتاردى كومۋ جانە سارقىندى سۋلاردى اعىزۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابىنىڭ 19) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان جەر قويناۋىنا زياندى زاتتاردى, راديواكتيۆتى قالدىقتاردى كومۋ جانە سارقىندى سۋلاردى اعىزۋ قاعيداسى بەكىتىلسىن. 2. مىنالاردىڭ كۇشى جويىلدى دەپ تانىلسىن: 1) «قازاقستان رەسپۋبليكاسىندا راديواكتيۆتى قالدىقتاردى كومۋدىڭ ءتارتىبى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 18 قازانداعى № 1283 قاۋلىسى (قازاقستان رەسپۋبليكاسىنىڭ ءپۇاج-ى, 1996 ج., № 42, 401-قۇجات); 2) «قازاقستان رەسپۋبليكاسىندا زياندى زاتتاردى جانە پايدالانىلعان اعىن سۋدى جەر قويناۋىنا كومۋدىڭ ءتارتىبى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 18 قازانداعى № 1286 قاۋلىسى (قازاقستان رەسپۋبليكاسىنىڭ ءپۇاج-ى, 1996 ج., № 42, 404-قۇجات); 3) «قازاقستان رەسپۋبليكاسى ۇكىمەتىنىڭ جەر قويناۋىن پايدالانۋ جونىندەگى كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 1998 جىلعى 22 ماۋسىمداعى № 578 قاۋلىسىنىڭ 1-تارماعىنىڭ 2) جانە 3) تارماقشالارى (قازاقستان رەسپۋبليكاسىنىڭ ءپۇاج-ى, 1998 ج., № 19, 172-قۇجات). 3. وسى قاۋلى العاشقى رەسمي جاريالانعان كۇنىنەن باستاپ كۇنتiزبەلiك ون كۇن وتكەن سوڭ قولدانىسقا ەنگiزiلەدi. قازاقستان رەسپۋبليكاسىنىڭ پرەمەر-ءمينيسترى         ك.ءماسىموۆ. قازاقستان رەسپۋبليكاسى  ۇكىمەتىنىڭ 2011 جىلعى 2 ساۋىردەگى №347 قاۋلىسىمەن  بەكىتىلگەن جەر قويناۋىنا زياندى زاتتاردى, راديواكتيۆتى قالدىقتاردى كومۋ جانە سارقىندى سۋلاردى اعىزۋ قاعيداسى 1. جالپى ەرەجەلەر 1. وسى قاعيدا «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسى زاڭىنىڭ 16-بابىنىڭ 19) تارماقشاسىنا سايكەس ازىرلەنگەن جانە جەر قويناۋىنا زياندى زاتتاردى, راديواكتيۆتى قالدىقتاردى كومۋ جانە سارقىندى سۋلاردى اعىزۋ ءتارتىبىن انىقتايدى. 2. وسى قاعيدادا مىناداي ۇعىم پايدالانىلادى: تالداۋ زەرتحاناسى – زاتتار مەن ماتەريالداردى زەرتتەۋ بويىنشا كەشەندى تالداۋ جۇمىستارىن ورىندايتىن ۇيىم نەمەسە ۇيىمنىڭ قۇرىلىمدىق بولىمشەسى. 2. جەر قويناۋىنا زياندى زاتتاردى كومۋ جانە سارقىندى سۋلاردى اعىزۋ ءتارتىبى 3. جەر قويناۋىنا زياندى زاتتاردى كومۋ جانە سارقىندى سۋلاردى اعىزۋ قورشاعان ورتانى ۋلى حيميكاتتاردى, سiلتiلەردى, قىشقىلداردى, قولدانۋعا تىيىم سالىنعان ونiمدەر مەن ماتەريالداردى ودان ءارى پايدالانۋعا جانە قايتا وڭدەۋگە جارامايتىن جەر بەتiندە جانە اشىق الاڭداردا ساقتالاتىن زياندى ۋلى قالدىقتارمەن لاستاۋدىڭ الدىن الۋعا باعىتتالعان شارا بولىپ تابىلادى. 4. جەر قويناۋىنا زياندى زاتتاردى كومۋ جانە سارقىندى سۋلاردى اعىزۋ ءۇشiن تيiستi تۇردە جابدىقتالعان تابيعي جەراستى قۋىستارى, كەن شىعارىلعان جەرلەر, ۇڭعىمالار مەن ارنايى سالىنعان قويمالار پايدالانىلادى. جەر قويناۋىنا زياندى زاتتاردى كومۋدى جانە سارقىندى سۋلاردى اعىزۋدى جەكە نەمەسە زاڭدى تۇلعا جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگان (بۇدان ءارى- ۋاكىلەتتى ورگان) بەرەتىن جانە قورشاعان ورتانى قورعاۋ سالاسىنداعى ۋاكىلەتتى ورگانمەن كەلىسىلگەن كەلىسىمشارتتىق اۋماقتا نەمەسە ودان تىس جەرلەردە بارلاۋعا نەمەسە وندىرۋگە بايلانىستى ەمەس جەر استى قۇرىلىستارىن سالۋعا جانە (نەمەسە) پايدالانۋعا ارنالعان جانە راديواكتيۆتى قالدىقتاردى, زياندى زاتتاردى جانە سارقىندى سۋلاردى كومۋگە ارنالعان رۇقسات (بۇدان ءارى – رۇقسات) نەگىزىندە جۇزەگە اسىرادى. 5. جەر قويناۋىنا زياندى زاتتاردى كومۋگە جانە جەر قويناۋىنا سارقىندى سۋلاردى اعىزۋعا ءبىر رەتتىك جانە مەرزىمسىز بەرىلەتىن رۇقساتتى الۋ ءۇشiن جەكە نەمەسە زاڭدى تۇلعا ۋاكىلەتتى ورگانعا مىناداي قۇجاتتاردى: 1) جەر قويناۋىنا زياندى زاتتاردى كومۋگە جانە سارقىندى سۋلاردى اعىزۋعا ارنالعان ءوتىنىمدى; 2) جەر قويناۋىنا كومىلۋگە ءتيىس زياندى زاتتاردىڭ جانە سارقىندى سۋلاردى اعىزۋدىڭ سيپاتتاماسىن; 3) زياندى زاتتاردى جانە سارقىندى سۋلاردى جيناقتاۋ, تاسىمالداۋ جانە ساقتاۋ جۇيەسىنىڭ سيپاتتاماسىن; 4) زياندى زاتتاردى جانە سارقىندى سۋلاردى پايدالانۋ مەن زالالسىزداندىرۋدىڭ قولدانىلاتىن تەحنولوگيالارى تۋرالى قىسقاشا مالىمەتتەردى ەكى دانادا ۇسىنادى. 6. ۋاكىلەتتى ورگان جەكە نەمەسە زاڭدى تۇلعادان وسى قاعيدانىڭ 5-تارماعىندا كورسەتىلگەن قۇجاتتار كەلىپ تۇسكەن كۇنىنەن باستاپ ءۇش جۇمىس كۇنى ىشىندە وسى قۇجاتتاردىڭ ءبىر داناسىن رۇقساتتى كەلىسۋ تۋرالى ماسەلەنى قاراۋ ءۇشىن قورشاعان ورتانى قورعاۋ سالاسىنداعى ۋاكىلەتتى ورگانعا جولدايدى. 7. قورشاعان ورتانى قورعاۋ سالاسىنداعى ۋاكىلەتتى ورگان وسى قاعيدانىڭ 5-تارماعىندا كورسەتىلگەن قۇجاتتار كەلىپ تۇسكەن ساتتەن باستاپ ون بەس جۇمىس كۇنىنەن اسپايتىن مەرزىمدە ولاردى قارايدى جانە ۋاكىلەتتى ورگانعا رۇقسات بەرۋگە ارنالعان كەلىسىمدى نەمەسە وسى قاعيدانىڭ 13-تارماعىندا كوزدەلگەن جاعدايلاردا, جازباشا تۇردە دالەلدى باس تارتۋدى جىبەرەدى. 8. ۋاكىلەتتى ورگان وسى قاعيدانىڭ 5-تارماعىندا كورسەتىلگەن قۇجاتتار كەلىپ تۇسكەن ساتتەن باستاپ جيىرما جۇمىس كۇنى ىشىندە كورسەتىلگەن قۇجاتتاردى قارايدى جانە ۋاكىلەتتى ورگانعا ولاردى قاراۋ ناتيجەلەرى تۇسكەننەن كەيىن قورشاعان ورتانى قورعاۋ سالاسىنداعى ۋاكىلەتتى ورگاندا جەكە نەمەسە زاڭدى تۇلعاعا قورشاعان ورتانى قورعاۋ سالاسىنداعى ۋاكىلەتتى ورگانمەن كەلىسىلگەن رۇقساتتى نەمەسە وسى قاعيدانىڭ 13-تارماعىندا كوزدەلگەن جاعدايلاردا, جازباشا تۇردە دالەلدى باس تارتۋدى بەرەدى. 9. جەر قويناۋىنا كومۋگە جاتاتىن زياندى زاتتار مەن سارقىن سۋلاردىڭ سيپاتتاماسى مىناداي مالىمەتتەردى: 1) ءونiمنiڭ (ماتەريالدىڭ) اتاۋىن; 2) شارۋاشىلىق قىزمەتى وبەكتىسىنىڭ يەسى بەرگەن, ناتيجەسىندە زات تۇزىلەتىن تەحنيكالىق ءوندiرiس نەمەسە ۇدەرىس تۋرالى اقپاراتتى; 3) مەملەكەتتىك نەمەسە اككرەديتتەلگەن جەكە تالدامالىق زەرتحانانىڭ قورىتىندىسىندا ۇسىنىلعان زاتتىڭ جەكە سيپاتتاماسىن ء(ورت-جارىلىس قاۋiپتiلىگى, ەرiگiشتiگi, ساقتاۋ كەزiندە باسقا زاتتارمەن ۇيلەسىمدىلىگى); 4) شارۋاشىلىق قىزمەت وبەكتىسىنىڭ يەسى انىقتايتىن, ناتيجەسىندە زياندى زاتتار مەن سارقىندى سۋلار تۇزىلگەن زياندى زاتتاردىڭ جانە سارقىندى سۋلاردىڭ ءتۇزىلۋى مەن ساقتالۋىنىڭ جىلدىق كولەمiن; 5) مەملەكەتتىك نەمەسە اككرەديتتەلگەن جەكە تالدامالىق زەرتحانانىڭ قورىتىندىسى بويىنشا ۇسىنىلعان قاۋiپتiلiك سىنىبىن كورسەتە وتىرىپ, زياندى زاتتاردىڭ جانە سارقىندى سۋلاردىڭ تولىق حيميالىق قۇرامىن, ۋىتتى كومپونەنتتەرى بولۋىن قامتۋى ءتيىس. 10. جەر قويناۋىنا زياندى زاتتاردى كومۋگە جانە سارقىندى سۋلاردى اعىزۋعا ارنالعان جەراستى قۇرىلىستارىن سالۋدى جانە (نەمەسە) پايدالانۋدى جوبالاۋ تەك بەلگىلى ءبىر شەكارالاردا (كەلىسىمشارتتىق اۋماقتا) زياندى زاتتاردى كومۋ جانە سارقىندى سۋلاردى اعىزۋدى وقشاۋلاۋ مۇمكىندىگى تۋرالى جانە ولاردىڭ جەر قويناۋىنىڭ كورشiلەس ۋچاسكەلەرiنە جانە جەراستى سۋلارىنا قوسىلۋىن بولعىزباۋ كەپiلدiگiن قامتاماسىز ەتۋ تۋرالى ينجەنەرلiك-گيدروگەولوگيالىق ەكولوگيالىق زەرتتەۋلەردىڭ كەشەنى نەگىزiندە الىنعان گەولوگيالىق-گيدروگەولوگيالىق, ينجەنەرلىك-گەولوگيالىق, ەكولوگيالىق دەرەكتەر بولعاندا عانا رۇقسات بەرiلەدi. 11. جەكە جانە زاڭدى تۇلعالار جەر قويناۋىنا زياندى زاتتاردى كومۋگە جانە سارقىندى سۋلاردى اعىزۋعا ارنالعان جەراستى قۇرىلىستارىن سالۋدا جانە (نەمەسە) پايدالانۋدا: 1) حالىقتىڭ ءومiرi مەن دەنساۋلىعىن قورعاۋدى; 2) تابيعي لاندشافتتاردى جانە جارامسىز بولعان جەرلەردi قايتا وڭدەۋدى, وزگە دە گەومورفولوگيالىق قۇرىلىمداردى ساقتاۋدى; 3) جەر سiلكiنiسiن, كوشكiندى, سۋ باسۋدى, جەر استىنداعى سۋدىڭ تاسۋىن بولدىرماۋ ماقساتىندا جەر قويناۋىنىڭ جوعارى قاباتتارىنىڭ ەنەرگەتيكالىق جاي-كۇيىنىڭ قاسيەتتەرىن ساقتاۋدى; 4) ونەركاسىپtتىك قاۋىپسىزدىك تالاپتارىن ساقتاۋدى; 5) اۆاريالار مەن ولاردىڭ سالدارىن وقشاۋلاۋ جانە جويۋ جونىندەگى ءىس-شارالاردى جوسپارلاۋ مەن جۇزەگە اسىرۋدى; 6) اۆاريالاردى, وقىس وقيعالار وقشاۋلاۋ جانە جويۋ ءۇشىن ماتەريالدىق جانە قارجىلىق رەسۋرستاردىڭ رەزەرۆتەرىن; 7) اۆاريالار, وقىس وقيعالار جاعدايىندا باقىلاۋ, حابارلاندىرۋ, بايلانىس جانە ءىس-قيمىلدى قولداۋ جۇيەسىن قۇرۋدى قامتاماسىز ەتەدى. 12. ۋاكىلەتتى ورگان جەكە نەمەسە زاڭدى تۇلعاعا بەرەتىن جەر قويناۋىنا زياندى زاتتاردى كومۋگە جانە سارقىندى سۋلاردى اعىزۋعا ارنالعان رۇقساتتا: رۇقساتتىڭ كىمگە بەرىلەتىنى (جەكە نەمەسە زاڭدى تۇلعانىڭ اتاۋى), جەر قويناۋىنا كومۋگە نەمەسە اعىزۋعا جاتاتىن زاتتىڭ ءتۇرى, گەوگرافيالىق كوورديناتتار كورسەتىلگەن كومۋ ورنى, كومۋ وبەكتىسى قۇرىلىسىنىڭ باستالۋى جانە اياقتالۋى, زياندى زاتتاردى كومۋ جانە سارقىندى سۋلاردى اعىزۋ مەرزىمدەرى, جەكە نەمەسە زاڭدى تۇلعانىڭ جەر قويناۋىنىڭ كورشىلەس ۋچاسكەلەرىنە زياندى زاتتار مەن سارقىندى سۋلاردى اعىزۋدىڭ تارالماۋىنا كەپىلدىك بەرۋى كورسەتىلەدى. 13. جەكە نەمەسە زاڭدى تۇلعاعا قورشاعان ورتانى قورعاۋ سالاسىنداعى ۋاكىلەتتى ورگاننىڭ رۇقساتىن بەرۋ مەن زياندى زاتتاردى كومۋ جانە جەر قويناۋىنا سارقىندى سۋلاردى اعىزۋ ءۇشىن ۋاكىلەتتى ورگاننىڭ رۇقساتىن بەرۋگە كەلىسۋدەن مىنا جاعدايلاردا: ەگەر جەكە نەمەسە زاڭدى تۇلعا وسى قاعيدانىڭ 5-تارماعىندا كورسەتىلگەن قۇجاتتاردىڭ بارلىعىن ۇسىنباسا; ەگەر كومۋگە ارنالعان زات مەملەكەتتىك نەمەسە اككرەديتتەلگەن جەكە تالدامالىق زەرتحانانىڭ قورىتىندىسىنا سايكەس ءورت-جارىلىس قاۋىپتى, ساقتاۋ كەزىندە باسقا زاتتارمەن ۇيلەسپەيتىن بولسا; ەگەر جەراستى قۇرىلىسىنىڭ جوبالىق پارامەترلەرى ولاردىڭ جەر قويناۋىنىڭ كورشى ۋچاسكەلەرىنە ەنۋىنە جانە اسەرىن تيگىزبەيتىنىنە كەپىلدىكتى قامتاماسىز ەتپەسە, باس تارتىلادى. ۋاكىلەتتى ورگان, سونداي-اق قورشاعان ورتانى قورعاۋ سالاسىنداعى ۋاكىلەتتى ورگان رۇقساتتى كەلىسۋدەن دالەلدى باس تارتقان جاعدايدا دا جەكە نەمەسە زاڭدى تۇلعاعا رۇقسات بەرۋدەن باس تارتادى. 3. راديواكتيۆتى قالدىقتاردى كومۋدىڭ ءتارتىبى 14. راديواكتيۆتى قالدىقتاردى جەر قويناۋىنا كومۋ ءۇشiن تيiستi تۇردە جابدىقتالعان تابيعي جەراستى قۋىستارى, تاۋ-كەن ونىمدەرى, ۇڭعىمالار مەن  ارنايى سالىنعان قويمالار پايدالانىلادى. 15. راديواكتيۆتى قالدىقتاردى كومۋدى زاڭدى تۇلعا ۋاكىلەتتى ورگان بەرەتىن جانە قورشاعان ورتانى قورعاۋ جونىندەگى ۋاكىلەتتى ورگانمەن كەلىسىلگەن راديواكتيۆتى قالدىقتاردى كومۋگە ارنالعان رۇقسات بولعان كەزدە جۇزەگە اسىرادى. 16. قورشاعان ورتانى قورعاۋ سالاسىنداعى ۋاكىلەتتى ورگاننان راديواكتيۆتى قالدىقتاردى كومۋگە ارنالعان رۇقساتتى الۋ ءۇشىن قازاقستان رەسپۋبليكاسىنىڭ اۋماعىندا شارۋاشىلىق قىزمەتى راديواكتيۆتى قالدىقتارمەن (ساقتاۋ, كومۋ) بايلانىستى زاڭدى تۇلعا (بۇدان ءارى – زاڭدى تۇلعا) ۋاكىلەتتى ورگانعا راديواكتيۆتى قالدىقتاردى كومۋگە ارنالعان ءوتىنىمدى ەكى دانادا, وعان قوسا: 1) كومۋگە جاتاتىن راديواكتيۆتى قالدىقتاردىڭ سيپاتتامالارىن; 2) راديواكتيۆتى قالدىقتارمەن جۇمىس ىستەۋگە ارنالعان ليتسەنزيانى بەرەدى. 17. ۋاكىلەتتى ورگان زاڭدى تۇلعادان وسى قاعيدانىڭ 16-تارماعىندا كورسەتىلگەن قۇجاتتار كەلىپ تۇسكەن كۇننەن باستاپ ءۇش جۇمىس كۇنى ىشىندە وسى قۇجاتتاردىڭ ءبىر داناسىن رۇقساتتى كەلىسۋ تۋرالى ماسەلەنى قاراۋ ءۇشىن قورشاعان ورتانى قورعاۋ سالاسىنداعى ۋاكىلەتتى ورگانعا جولدايدى. 18. قورشاعان ورتانى قورعاۋ سالاسىنداعى ۋاكىلەتتى ورگان وسى قاعيدانىڭ 16-تارماعىندا كورسەتىلگەن قۇجاتتار كەلىپ تۇسكەن ساتتەن باستاپ ون بەس جۇمىس كۇنىنەن اسپايتىن مەرزىمدە وسى قۇجاتتاردى قارايدى جانە ۋاكىلەتتى ورگانعا رۇقساتتى كەلىسۋدى نەمەسە وسى قاعيدانىڭ 26-تارماعىندا كوزدەلگەن جاعدايلاردا جازباشا تۇردە دالەلدى باس تارتۋدى جىبەرەدى. 19. ۋاكىلەتتى ورگان وسى قاعيدانىڭ 16-تارماعىندا كورسەتىلگەن قۇجاتتار كەلىپ تۇسكەن ساتتەن باستاپ جيىرما جۇمىس كۇنى ىشىندە وسى قۇجاتتاردى قارايدى جانە زاڭدى تۇلعاعا قورشاعان ورتانى قورعاۋ سالاسىنداعى ۋاكىلەتتى ورگانمەن كەلىسىلگەن رۇقساتتى نەمەسە وسى قاعيدانىڭ 26-تارماعىندا كوزدەلگەن جاعدايلاردا جازباشا تۇردە دالەلدى باس تارتۋدى بەرەدى. 20. كومۋگە جاتاتىن راديواكتيۆتى قالدىقتاردىڭ سيپاتتاماسى مىنا مالىمەتتەردى: 1) ءونiمنiڭ (ماتەريالدىڭ) اتاۋىن; 2) شارۋاشىلىق قىزمەتى وبەكتىسىنىڭ يەسى بەرگەن, ناتيجەسىندە راديواكتيۆتى قالدىقتار تۇزىلەتىن تەحنيكالىق ءوندiرiس نەمەسە ۇدەرىس تۋرالى اقپاراتتى; 3) شارۋاشىلىق قىزمەت وبەكتىسىنىڭ يەسى انىقتايتىن, ناتيجەسىندە راديواكتيۆتى قالدىقتار تۇزىلگەن راديواكتيۆتى قالدىقتاردىڭ ءتۇزىلۋىنىڭ جانە ساقتالۋىنىڭ جىلدىق كولەمiن; 4) مەملەكەتتىك نەمەسە اككرەديتتەلگەن جەكە ساراپتامالىق زەرتحانا بەرگەن راديواكتيۆتى قالدىقتاردى كومۋگە ءوتىنىم بەرگەن كاسىپورىننىڭ وندىرىستىك ۇدەرىسىندە راديواكتيۆتى قالدىقتاردى ودان ءارى پايدالانۋدىڭ مۇمكىن ەمەستىگى تۋرالى قورىتىندىسىن قامتۋى ءتيىس. 21. راديواكتيۆتى قالدىقتاردى ساقتاۋ/كومۋ پۋنكتتەرى: 1) ءوز ماقساتى بويىنشا: ساقتاۋ پۋنكتتەرى; كومۋ پۋنكتتەرى; 2) جەر ۇستىنە قاتىستى ورنالاسۋ تەرەڭدىگى بويىنشا: جەرۇستى (جەر بەتىنىڭ دەڭگەيىندە نەمەسە جوعارى); ۇستىگە تاياۋ بەت (قورعاۋ جابىنىنىڭ قۋاتتىلىعى 10 مەترگە دەيىن, قالدىقتار جەر بەتىنەن تومەن ورنالاسقان); تەرەڭ (قالدىقتار جەر بەتىنەن 10 مەتردەن استام تەرەڭدىكتە ورنالاسقان) بولىپ جىكتەلەدى. 22. راديواكتيۆتى قالدىقتاردى كومۋ ءۇشىن جەراستى قۇرىلىستارىن سالۋدى جوبالاۋ تەك راديواكتيۆتى كالدىقتاردى كومۋدى تاراتپاۋ مۇمكiندiگi تۋرالى جانە ولاردىڭ قورشاعان ورتا مەن حالىققا اسەرىن بولدىرمايتىن كەپiلدىكتى قامتاماسىز ەتۋ تۋرالى ينجەنەرلiك-گيدروگەولوگيالىق, ەكولوگيالىق زەرتتەۋلەر كەشەنىنىڭ نەگىزىندە الىنعان گەولوگيالىق-گيدروگەولوگيالىق, ينجەنەرلiك-گەولوگيالىق, ەكولوگيالىق دەرەكتەر بار بولعاندا عانا رۇقسات ەتىلەدى. 23. زاڭدى تۇلعالار راديواكتيۆتى قالدىقتاردى جەر قويناۋىنا كومۋگە ارنالعان جەراستى قۇرىلىستارىن سالۋعا جانە (نەمەسە) پايدالانۋعا بەرۋ كەزiندە: 1) حالىقتىڭ ءومiرi مەن دەنساۋلىعىن قورعاۋدى; 2) تابيعي لاندشافتتاردى جانە جارامسىز بولعان جەرلەردi قايتا وڭدەۋ جانە وزگە دە گەومورفولوگيالىق قۇرىلىمداردى ساقتاۋدى; 3) جەر سiلكiنiسiن, كوشكiندى, سۋ باسۋدى, توپىراقتاردىڭ شوگۋىن بولدىرماۋ ماقساتىندا جەر قويناۋىنىڭ جوعارى قاباتتارىنىڭ ەنەرگەتيكالىق جاي-كۇيىنىڭ قاسيەتتەرiن ساقتاۋدى; 4) ونەركاسىپتىك قاۋىپسىزدىك تالاپتارىن ساقتاۋدى; 5) اۆاريالار مەن ولاردىڭ سالدارىن تاراتپاۋ جانە جويۋ جونىندەگى ءىس-شارالاردى جوسپارلاۋ مەن جۇزەگە اسىرۋدى; 6) اۆاريالاردى, وقىس وقيعالاردى وقشاۋلاۋ مەن جويۋ ءۇشىن ماتەريالدىق, ءارى قارجىلىق رەسۋرستاردىڭ رەزەرۆتەرىن; 7) اۆاريالار, وقىس وقيعالار جاعدايىندا باقىلاۋ, حابارلاۋ, بايلانىس جانە ءىس-قيمىلدى قولداۋ جۇيەسىن قۇرۋدى قامتاماسىز ەتەدى. 24. راديواكتيۆتى قالدىقتاردى كومۋدى جۇزەگە اسىراتىن زاڭدى تۇلعالار جىل سايىن ۋاكىلەتتى ورگانعا ستاتيستيكالىق ەسەپتىلىكتىڭ بەلگىلەنگەن نىسانى بويىنشا راديواكتيۆتى قالدىقتاردىڭ ءتۇزىلۋى مەن قوزعالىسى تۋرالى مالىمەتتەردى جىبەرەدى. 25. ۋاكىلەتتى ورگاننىڭ زاڭدى تۇلعاعا بەرەتىن جەر قويناۋىنا راديواكتيۆتى قالدىقتاردى كومۋگە ارنالعان رۇقساتتا رۇقسات كىمگە بەرىلەتىنى (زاڭدى تۇلعانىڭ اتاۋى), كومۋگە جاتاتىن (راديواكتيۆتى قالدىقتار) زاتتىڭ ءتۇرى, گەوگرافيالىق كوورديناتتارى كورسەتىلگەن كومۋ ورنى, كومۋ وبەكتىسى قۇرىلىسىنىڭ باستالۋى جانە اياقتالۋى, كومۋ مەرزىمى, جەر قويناۋىنىڭ كورشىلەس ۋچاسكەلەرىنە راديواكتيۆتى قالدىقتاردىڭ تارالماۋىنا كەپىلدىك بەرۋدى قامتاماسىز ەتۋى كورسەتىلەدى. 26. زاڭدى تۇلعاعا جەر قويناۋىنا راديواكتيۆتى قالدىقتاردى كومۋگە ۋاكىلەتتى ورگاننىڭ رۇقساتىن جانە قورشاعان ورتانى قورعاۋ سالاسىنداعى ۋاكىلەتتى ورگاننىڭ كەلىسىمىن بەرۋدەن مىنا: ەگەر ءوتىنىش بەرۋشى وسى قاعيدانىڭ 16-تارماعىندا كورسەتىلگەن بارلىق قۇجاتتاردى ۇسىنباسا; ەگەر ساقتاۋ قويماسىنىڭ جوبالىق پارامەترلەر ودان تىسقارى جەرلەردە حالىقتىڭ جانە قورشاعان ورتانىڭ رادياتسيالىق قاۋىپسىزدىگى بويىنشا رۇقسات ەتىلگەن نورمالارمەن قامتاماسىز ەتپەسە, باس تارتىلادى. ۋاكىلەتتى ورگان سونداي-اق قورشاعان ورتانى قورعاۋ سالاسىنداعى ۋاكىلەتتى ورگاننىڭ رۇقساتتى كەلىسۋدەن دالەلدى باس تارتۋى بولعان جاعدايدا زاڭدى تۇلعاعا رۇقسات بەرۋدەن باس تارتادى.