قازاقستان • 29 ءساۋىر, 2017

جوعارعى سوت ۇجىمى جالپىقالالىق سەنبىلىككە قاتىستى

230 رەت
كورسەتىلدى
1 مين
وقۋ ءۇشىن

بۇگىن جوعارعى سوت توراعاسى قايرات ءمامي ۆەدومستۆونىڭ 45 سۋدياسى مەن 200 قىزمەتكەردى باستاپ ەلوردا اكىمدىگى ۇيىمداستىرعان جالپىقالالىق سەنبىلىككە قاتىستى.

جوعارعى سوت ۇجىمى جالپىقالالىق سەنبىلىككە قاتىستى
جوعارى سوت ورگانىنىڭ وكىلدەرى 200-دەن استام قايىڭ, شىرشا, الما, مامىرگۇل, تەرەك كوشەتتەرىن, سونداي-اق 200-دەن استام تال-شىلىك وتىرعىزدى. «سەنبىلىكتەرگە قاتىسقان سايىن ەلوردانى گۇلدەندىرۋ مەن اباتتاندىرۋعا مەنىڭ از دا بولسا قوسقان ۇلەسىم بار ەكەنىن بىلگەندە كەۋدەمدى ماقتانىش سەزىمى بيلەيدى. بۇل كۇندى كوپشىلىگى ەڭبەكتىڭ سالتاناتى, تۋعان قالاڭا دەگەن ماحاببات رەتىندە قابىلدايدى. مەن وسى جەردە تۋىپ وسكەن استانالىق ەمەسپىن, بىراق ەلوردامىز, ونىڭ قۇبىلمالى اۋا رايى ماعان ۇنايدى. ەلوردا تۇرعىندارى مەن قوناقتارىن قالامىزدى تازا ۇستاۋعا شاقىرامىن!», - دەدى جوعارعى سوتتىڭ سۋدياسى ەربول راحىمبەكوۆ. ايتا كەتەيىك, بۇگىن استانادا شامامەن 6 750 اعاش وتىرعىزىلدى. شارا اياسىندا «تازا وزەندەر!» ەكولوگيالىق اكتسيالارى ۇيىمداستىرىلىپ, ەسىل, اقبۇلاق پەن سارىبۇلاق وزەندەرىنىڭ ارنالارى قوقىس پەن تۇرمىستىق قالدىقتاردان تازارتىلدى. ەلوردادا ەكولوگيالىق ايلىق اكتسياسى 29 ءساۋىر مەن 13 مامىر ارالىعىندا وتكىزىلەدى.
سوڭعى جاڭالىقتار