ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسى «ەگەمەن قازاقستان» رەسپۋبليكالىق گازەتىندە جاريالانعان بولاتىن. مەملەكەت باسشىسى ماقالا كىرىسپەسىندە قازاقستان ءۇشىنشى جاڭعىرۋ كەزەڭىنە اياق باسقانىن اتاپ ءوتتى. وسىلايشا, ەلىمىز قايتا تۇلەۋدىڭ ايرىقشا ماڭىزدى ەكى پروتسەسى - ساياسي رەفورما مەن ەكونوميكالىق جاڭعىرۋدى قولعا الىپ وتىر. ماقسات - الەمدەگى ەڭ دامىعان 30 ەلدىڭ قاتارىنا قوسىلۋ. «رۋحاني جاڭعىرۋ تەك بۇگىن باستالاتىن جۇمىس ەمەس. ءبىز تاۋەلسىزدىك كەزەڭىندە بۇل باعىتتا بىرنەشە اۋقىمدى ءىس اتقاردىق. 2004 جىلى «مادەني مۇرا» باعدارلاماسى اياسىندا قازاقستان اۋماعىنداعى تاريحي-مادەني ەسكەرتكىشتەر مەن نىسانداردى جاڭعىرتتىق. 2013 جىلى «حالىق - تاريح تولقىنىندا» باعدارلاماسى ارقىلى الەمنىڭ ەڭ بەلدى ارحيۆتەرىنەن ءتول تاريحىمىزعا قاتىستى قۇجاتتاردى جۇيەلى تۇردە جيناپ, زەرتتەدىك. ەندى وسىنىڭ بارىنەن دە اۋقىمدى جانە ىرگەلى جۇمىستاردى باستاعالى وتىرمىز», - دەدى ن.نازارباەۆ. سونداي-اق ەلباسى قازىرگى تاڭدا جەكە ادام عانا ەمەس, تۇتاس حالىقتىڭ ءوزى باسەكەلىك قابىلەتىن ارتتىرسا عانا تابىسقا جەتەتىنىن قاداپ ايتتى. بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس, ادامدارىنىڭ باسەكەلىك قابىلەتىمەن ايقىندالادى. سوندىقتان, ءاربىر قازاقستاندىق, سول ارقىلى تۇتاس ۇلت ءححى عاسىرعا لايىقتى قاسيەتتەرگە يە بولۋى كەرەك. مىسالى, كومپيۋتەرلىك ساۋاتتىلىق, شەت تىلدەرىن ءبىلۋ, ءمادەني اشىقتىق سياقتى فاكتورلار اركىمنىڭ العا باسۋىنا ءسوزسىز قاجەتتى العىشارتتاردىڭ ساناتىندا. سول سەبەپتى, «تسيفرلى قازاقستان», «ءۇش تىلدە ءبىلىم بەرۋ», «مادەني جانە كونفەسسياارالىق كەلىسىم» سياقتى باعدارلامالار - ۇلتىمىزدى, ياعني بارشا قازاقستاندىقتاردى ءححى عاسىردىڭ تالاپتارىنا دايارلاۋدىڭ قامى», - دەپ اتاپ ءوتتى. ەسكە سالايىق, ۇستىمىزدەگى ءساۋىر ايىنىڭ باسىندا مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ تۇرىك رەسپۋبليكاسىنداعى توتەنشە جانە وكىلەتتى ەلشىسى بولىپ ابزال ساپاربەك ۇلى تاعايىندالدى.
