وسى كۇنگە دەيىن پرەزيدەنت الەۋمەتتىك-ەكونوميكالىق سالانىڭ دامۋىن, جاڭعىرۋىن تالاپ ەتىپ, باعدارلامالىق قۇجاتتاردىڭ بارىندە ولار ورنىن تاپتى. ال بۇگىن رۋحاني سالانىڭ جاڭعىرۋ تاڭى اتقانى كورىنىپ تۇر. ءوز تاراپىمنان مەن رۋحاني جاڭعىرۋدى حالقىمىزدىڭ ساناسىندا سىلكىنىس تۋدىرىپ, پاتريوتتىق سەزىمگە شوق تاستاۋ دەپ بىلەمىن. تەك سانالى ادامدار عانا ازاتتىقتى باعالاپ, تاۋەلسىزدىكتىڭ تۋىن بەكەم ۇستاي الادى.
پرەزيدەنتتىڭ باعدارلامالىق ماقالاسى اركىمگە دە وي سالىپ, ءبىز تەك ءوز وتانىمىز, ءوز قازاقستانىمىز ءۇشىن بارلىق يگىلىكتى جاساۋىمىز كەرەك دەگەن پىكىر تۋدىراتىنى كۇمانسىز. ارينە, ول ءۇشىن ىشكى ساياسات قىزمەتتەرى بەلسەندى جۇمىس ىستەپ, ەلباسىنىڭ ماقالاسىن ءتۇسىندىرۋگە تالماي كىرىسۋى كەرەك جانە بۇل جۇمىس ءبىر رەتتىك, ناۋقانشىلىقپەن شەكتەلمەي, ۇنەمى جۇرگىزىلىپ تۇرعانى ءجون.
ءوز تاراپىڭنان نە ىستەر ەدىڭىز دەگەن سۇراق قويىلسا, مەن ءوز ءمۇمكىنشىلىكتەرىمدى, ءوزىمنىڭ مەديا-قۇرالدارىمدى پايدالانىپ, ماقالانىڭ ماڭىزىن جەرلەستەرىمە تۇسىندىرۋگە تىرىسىپ ءجۇرمىن. سونداي-اق, مەن وڭتۇستىك قازاقستان وبلىستىق ءماسليحاتىنىڭ دەپۋتاتى رەتىندە ءبىزدىڭ ورداباسى اۋدانى مەن قاراعاندى وبلىسىنىڭ ۇلىتاۋ اۋداندارىنىڭ اراسىندا باۋىرلاستىق قاتىناس ورناتۋ تۋرالى ۇسىنىس جاسايتىن بولامىن. ويتكەنى, بۇل ەكى اۋدان دا قازاق حاندىعىنىڭ تاريحىندا وشپەس ورنى بار جەرلەر. ءسويتىپ, ماقالاداعى تۋعان جەردىڭ قادىرىن ۇرپاقتارعا تاراتۋدا ءبىر سۇيەكتى شارا جاساعان بولار ەدىك.
دۋلات ءابىش,
وڭتۇستىك قازاقستان وبلىستىق ءماسليحاتىنىڭ دەپۋتاتى
شىمكەنت
