«ءبىزدىڭ قانشاما زامانداسىمىز, قانشاما اسسامبلەيا بەلسەندىسى ەل يگىلىگى ءۇشىن رياسىز قىزمەت ەتىپ ءجۇر. ۇلتىنا, قاي وڭىردەن ەكەنىنە, جىنىسىنا قاراماستان, ءبىز ولاردىڭ بارلىعىن ەلگە تانىتا ءبىلۋىمىز كەرەك. مۇندا قويىلاتىن تالاپ بىرەۋ عانا, ول – ازاماتتىڭ قازاقستان دامۋىنا قوسقان ۇلەسى», – دەدى مەملەكەت باسشىسى.
مەملەكەت باسشىسى ازاماتتىق بىرەگەيلىكتى نىعايتىپ, بىرلىك پەن كەلىسىمدى قامتاماسىز ەتۋ قاجەتتىگىن ايتىپ, قوعامدىق كەلىسىم كەڭەستەرىنىڭ جۇمىسىن رەتتەپ, ولاردىڭ قىزمەتتەرىنىڭ ناقتى كريتەريلەرىن جاساۋدى, ۇكىمەتكە قايىرىمدىلىقتى دامىتۋ, ونىڭ اشىقتىعىن قامتاماسىز ەتۋ جونىندە ۇسىنىستار ەنگىزۋدى تاپسىردى. بيزنەس, شىعارماشىلىق جانە عىلىمي زيالى قاۋىم وكىلدەرىن «تۋعان جەر» جوباسىنا قاتىسۋعا جانە ءوز اۋىلداستارىن قولداۋ ءۇشىن كۇش جۇمىلدىرۋعا شاقىردى.
ۇلت پەن ۇلىستى ۇيىستىرعان قازاقستان حالقى اسسامبلەياسى سەكىلدى قوعامدىق ينستيتۋتتىڭ ەلىمىزدەگى تاتۋلىق پەن تۇراقتىلىقتى ساقتاۋداعى ماڭىزى زور. سوندىقتان, اسسامبلەيا مۇشەلەرى ەلباسى جۇكتەگەن مىندەتتەردى جۇزەگە اسىرۋعا جۇدىرىقتاي جۇمىلىپ, بەلسەنە اتسالىسادى دەپ ويلايمىن.
سەسسيا جيىنىنا قاتىسقان شىعىس قازاقستان وبلىسىنداعى قحا عىلىمي-ساراپتامالىق توبىنىڭ ءتورايىمى نەللي كراسنوباەۆا الەۋمەتتىك-دەموگرافيالىق دامۋدىڭ رەسپۋبليكالىق زەرتتەۋ ينستيتۋتىن قۇرۋ جونىندە جاقسى ۇسىنىس ايتتى. بۇل ۇسىنىستى مەن دە قۇپتايمىن.
ءسوزىمنىڭ سوڭىندا پرەزيدەنتتىڭ جۋىقتا جارىق كورگەن ماقالاسى بارشا قازاقستاندىقتارعا, مەنىڭ زامانداستارىما ەرەكشە جىگەر بەرگەنىن ايتقىم كەلەدى.
ارمەن كاراپەتيان,
ارميان ەتنومادەني بىرلەستىگىنىڭ مۇشەسى
شىعىس قازاقستان وبلىسى
