ساپار بارىسىندا «سپورتكلۋب ماڭعىستاۋ-ارەنا» كوپ فۋنكتسيالى سپورت كەشەنىنىڭ جۇمىسىمەن تانىسىپ, كۇرەس زالىن جانە كوپ فۋنكتسيالى زالدى ارالاپ كوردى.
بۇدان بولەك, نۇرسۇلتان نازارباەۆ قالاداعى سپورت سالاسىنىڭ وكىلدەرىمەن اڭگىمەلەستى. ولاردىڭ اراسىندا قىسقا قاشىقتىققا جۇگىرۋدەن كسرو-نىڭ بىرنەشە دۇركىن جەڭىمپازى, رەكوردشى ءا.تۇياقوۆ, بوكستان الەم چەمپيوناتتارىنىڭ جانە وليمپيادا ويىندارىنىڭ كۇمىس جۇلدەگەرى ءا.نيازىمبەتوۆ, سونداي-اق, تانىمال سپورتشىلار, جاتتىقتىرۋشىلار مەن سپورت ارداگەرلەرى بولدى.
سپورتشىلار جان-جاقتى قولداۋى مەن قامقورلىعى ءۇشىن مەملەكەت باسشىسىنا العىس ءبىلدىردى.
كەشەن دەمەۋشىلەردىڭ قاراجاتىنا سالىنعان. وندا فۋتبول, باسكەتبول, ۆولەيبولمەن شۇعىلدانۋعا, سونداي-اق, جەكپە-جەك سايىسىمەن جانە جەڭىل اتلەتيكامەن اينالىسۋعا ارنالعان زالدار بار.
