زاڭ جوباسىنىڭ ماقساتى ازاماتتىق اۆياتسيا جانە اۋە كەڭىستىگىن پايدالانۋ سالاسىنداعى قازاقستان رەسپۋبليكاسىنىڭ زاڭناماسىن جەتىلدىرۋ, سونداي-اق, ونى حالىقارالىق ازاماتتىق اۆياتسيا ۇيىمىنىڭ (يكاو) ستاندارتتارىنا ءسايكەس كەلتىرۋ بولىپ تابىلادى. زاڭ جوباسى اۋە كەڭىستىگىن جانە اۆياتسيا قىزمەتىن پايدالانۋ سالاسىنداعى باقىلاۋ مەن قاداعالاۋدى كۇشەيتۋگە, كورسەتىلەتىن قىزمەتتەردىڭ ساپاسىن كوتەرۋ مەن ۇشۋ قاۋىپسىزدىگىن قامتاماسىز ەتۋدە جاۋاپتىلىقتى ارتتىرۋعا باعىتتالعان.
زاڭ جوباسى اياسىندا شەتەلدىك تاسىمالداۋشىلاردى اككرەديتتەۋ, كوممەرتسيالىق ەمەس ۇيىمداردى تارتۋ جانە اۋە كەمەلەرىن پايدالانۋشىلاردىڭ, اەروناۆيگاتسيالىق قىزمەت كورسەتۋشىلەردىڭ, اۆياتسيالىق وقۋ ورتالىقتارىنىڭ قىزمەتىن قاداعالاۋ بولىگىندە ازاماتتىق اۆياتسيا سالاسىنداعى ۋاكىلەتتى ورگاننىڭ قۇزىرەتى ناقتىلانادى جانە تولىقتىرىلادى. اۆياتسيا قىزمەتكەرلەرىن مەديتسينالىق كۋالاندىرۋ جۇيەسىن جەتىلدىرۋ كوزدەلەدى, اۆياتسيالىق مەديتسينالىق ورتالىقتاردى سەرتيفيكاتتاۋدىڭ جاڭا ءتۇرى ۇسىنىلادى. تەرگەپ-تەكسەرۋ جونىندەگى ۋاكىلدىڭ قىزمەتى رەتتەلەدى.
زاڭ جوباسىنىڭ بىرقاتار ەرەجەلەرى ازاماتتىق اۆياتسيادا اۆياتسيالىق قاۋىپسىزدىك باعدارلاماسىن ەنگىزۋ, مەديتسينالىق ساراپشىلارعا, اەروناۆيگاتسيالىق قىزمەت كورسەتۋدى بەرۋشىلەرگە جانە لاۋازىمدى ادامدارعا جاۋاپتىلىقتى بەكىتۋ, سونداي-اق, سەرتيفيكاتسيالىق تەكسەرۋ كەزىندە ساناتتاردى ەنگىزۋ ارقىلى اۆياتسيالىق قاۋىپسىزدىكتى قامتاماسىز ەتۋگە باعىتتالعان.
ودان باسقا, زاڭ جوباسىمەن شاعىن اۆياتسيانى دامىتۋعا, ۇشقىشسىز ۇشاتىن اپپاراتتاردى ەسەپكە الۋعا, ارناۋلى ۇشۋعا رۇقسات الۋ مەن اۋە كەمەلەرىن پايدالانۋشىلارعا جالعا بەرۋدە اكىمشىلىك كەدەرگىلەردى جويۋعا قاتىستى ەرەجەلەر ەنگىزىلەدى.
زاڭ جوباسى پالاتانىڭ قاراۋىنا ءجىبەرىلدى, دەپ حابارلادى پارلامەنت سەناتىنىڭ ءباسپاسوز قىزمەتى.
