حالىقارالىق بايلانىستار اۋقىمى كەڭ اپتا

كەشە قازاقستان رەسپۋبليكاسىنىڭ سىرتقى ىستەر مينيسترلىگىندە كەزەكتى اپتالىق بريفينگ بولىپ ءوتتى. مەملەكەتىمىزدىڭ حالىقارالىق ىنتىماقتاستىق پەن بايلانىس باعىتىنداعى ماڭىزدى كەزدەسۋلەرىمەن سىرتقى ىستەر مينيسترلىگىنىڭ رەسمي وكىلى اسقار ابدراحمانوۆ تانىستىردى. رەسمي وكىلدىڭ مالىمدەۋىنە قا­را­عاندا, 19 ءساۋىر كۇنى قازاقستان رەسپۋبليكاسىنىڭ پرەزيدەنتى نۇر­سۇلتان نازارباەۆ كيەۆتە بو­لاتىن يادرولىق ەنەرگيانى قاۋىپ­سىز جانە يننوۆاتسيالىق پايدالانۋ جونىندەگى ءسامميتتىڭ جۇمىسىنا قاتىسادى. الداعى ءىس-شارا حح عاسىردىڭ اسا ءىرى تەحنوگەندى اپاتى – چەرنوبىل اتوم ەلەكتر ستان­سا­سىنداعى اپاتتىڭ 25 جىلدى­عىمەن ورايلاستىرىلىپ وتكىزىل­مەك ەكەن. سامميتكە قاتىساتىنىن ەۋروپا مەن ازياداعى بىرقاتار ەلدەردىڭ مەملەكەت جانە ۇكىمەت باس­شى­لا­رى, بىرىككەن ۇلتتار ۇيى­مىنىڭ باس حاتشىسى, ماگاتە, ەۋرو­پا­لىق كوميسسيا, ەۋروپا قايتا قۇرۋ جانە دامۋ بانكىنىڭ, باسقا دا حالىقارالىق ۇيىمداردىڭ باس­شى­لارى راستاپ ۇلگەرگەن. «قازاقستان رەسپۋبليكاسى پرە­­زيدەنتىنىڭ الداعى سامميتكە قاتى­سۋى يادرولىق تاراتپاۋ جانە قارۋ­سىزدانۋ ۇدەرىسىنە ەلىمىزدىڭ قو­ماق­تى ۇلەسىن, حالىقارالىق يادرو­لىق قاۋىپسىزدىك پەن اتوم ەنەر­گيا­سىن بەيبىت ماقساتتا پايدالانۋ ماسەلەلەرىندە تۇبەگەيلى ۇستانى­مىن كورسەتەدى. ءسامميتتىڭ قورى­تىن­دىسى بويىنشا قابىل­دانۋى ءتيىس دەكلاراتسيا تاراتپاۋ رەجىمىن نىعايتۋ قاجەتتىلىگى مەن يادرولىق قارۋدى تاراتپاۋ شارتىنىڭ تا­لاپ­تارىن ۇستانۋىن قامتاماسىز ەتۋ تۋرالى, مەملەكەتتەردىڭ يادرو­لىق ەنەرگيانى بەيبىت ماقساتتا پايدالانۋ قۇقىعى تۋرالى, يادرو­لىق قاۋىپسىزدىكتى كۇشەيتۋ قاجەت­تىلىگى جانە يادرولىق ەنەرگەتي­كا­دا­عى يننوۆاتسيالىق ۇدەرىستەرگە ج­ا­ڭا ەلدەردى تارتۋ تۋرالى پۋنكت­تەردى قامتيتىن بولادى», دەپ اتاپ ءوتتى اسقار ابدراحمانوۆ. سونىمەن قاتار, 20 جانە 21 ساۋىردە قازاقستان رەسپۋبليكا­سى­نىڭ پرەزيدەنتى نۇرسۇلتان نازارباەۆ مەملەكەتتىك ساپارمەن ەس­تو­نياعا بارادى. ساپار بارى­سىن­دا مەملەكەت باسشىسى ەستونيا پرەزيدەنتى تووماس حەندريك يلۆەسپەن, پارلامەنت سپيكەرى ەنە ەرگمامەن جانە پرەمەر-مينيستر اندرۋس انسيپپەن كەلىسسوزدەر ءجۇر­گىزەدى. قازاقستانمەن ارەكەتتەس­تىككە مۇددەلى بىرقاتار ءىرى ەستون كومپا­نيا­لارىنىڭ باسشىلارىمەن كەزدەسۋلەر ۇيىمداستىرىلادى. اتالمىش ساپار شەڭبەرىندە ۇكىمەتارالىق, ۆەدومستۆو­لارارا­لىق جانە كوممەرتسيالىق كومپانيالار دەڭگەيىندە ەكى جاقتى كەلىسىمدەرگە قول قويۋ كوزدەلۋدە. كولىك, ترانزيت, اقپاراتتىق تەحنولوگيالار, اۋىل شارۋاشىلىعى جانە تا­عى باسقا ەكى جاقتى ىنتى­ماقتاس­تىقتىڭ باسىم باعىت­تارى تالقى­لانباق. 20 جانە 21 ءساۋىر كۇندەرى باكۋدە حالىقارالىق كولىك ءدالىز­دەرى­نىڭ ءتيىمدى جانە قاۋىپسىز جۇيە­لەرىن دامىتۋ جونىندەگى ىنتى­ماقتاستىق سالاسىنداعى سەنىم شا­رالارى بويىنشا كەڭەسكە مۇشە مەملەكەتتەر ساراپشىلارىنىڭ كەز­­دەسۋى وتەدى. بۇل كەزدەسۋدە كو­لىك ينفراقۇرىلىمدارىنىڭ دا­مۋى, تران­زيتتىك ساياسات, ترانسشەك­ارا­لىق اۋماقتاردى تەررورلىق ماق­ساتتاردا پايدالانۋدى بول­دىر­ماۋ جانە ترانسشەكارالىق ۇيىم­داس­قان قىلمىسقا قارسى كۇ­رەس, ترانسشەكارالىق باقىلاۋ پۋنك­ت­تەرىندە زاڭسىز ميگراتسيانى بول­دىرماۋ سىندى بىرقاتار ماسەلە­لەر قارالۋى ءتيىس. ال 24 جانە 26 ءساۋىر ارالى­عىندا ساۋد ارابياسىنىڭ جيددا قالاسىندا يسلام كونفەرەنتسياسى ۇيىمىنىڭ ەكونوميكالىق, الەۋ­مەتتىك جانە مادەني ماسەلەلەر جونىندەگى كوميسسياسىنىڭ 34-ءشى سەسسياسى بولادى. «وتاندىق دەلە­گاتسياعا سىرتقى ىستەر ءمينيسترى­نىڭ ورىنباسارى قايرات وماروۆ جەتەكشىلىك ەتەدى. سىرتقى ىستەر مينيسترلەرى كەڭەسىنىڭ ۇستىمىزدەگى جىلدىڭ 28-30 ماۋسىمى ارالى­عىندا استانادا وتەتىن 38-ءشى سەسسياسىندا قابىلداناتىن شە­شىم­دەردىڭ جوبالارى قاراستى­رى­لاتىن بولادى», دەدى ءسىم-ءنىڭ رەسمي وكىلى. اراي ۇيرەنىشبەكقىزى.