حالىقارالىق قارىزدار زاڭمەن بەكىدى

ءماجىلىس توراعاسى ورال مۇحامەدجانوۆتىڭ جەتەكشىلىگىمەن وتكەن پالاتانىڭ كەشەگى جالپى وتىرىسى بەلورۋسسيا استانا­سى مينسك قالاسىندا ورىن العان تەررورلىق اكتىنىڭ سالدا­رى­نان قازا تاپقانداردى ەسكە الىپ, ءبىر مينۋت ۇنسىزدىك جاريالاۋمەن باستالدى. وسى وقيعاعا وراي پالاتا توراعاسى ءماجىلىس دە­پۋتات­تارى اتىنان بەلارۋس پارلامەنتى باسشىلارىنا بەلارۋس حال­قى­نىڭ قايعىسىنا ورتاق ەكەندىگىن ءبىلدىرىپ جەدەلحات جولدادى. كۇن تارتىبىندەگى «قازاقستان رەسپۋبليكاسىنىڭ كەيبىر زاڭنا­ما­لىق اكتىلەرىنە حالىققا قىزمەت كور­سەتۋ ورتالىقتارىنىڭ ماسە­لە­لەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قىزۋ تالقىعا ءتۇستى. زاڭ جوباسىنا دەپۋتاتتار باستاماشى بولسا, ول بويىنشا باياندامانى ءماجىلىس دەپۋتاتى ايگۇل سولوۆەۆا جاسادى. ال بايلانىس جانە اقپارات ءمينيسترى اسقار جۇما­عا­ليەۆ كوپتەگەن سۇراقتارعا جاۋاپ بەردى. زاڭدىق قۇجات «ءبىر تەرەزە» قاعيداتى بويىنشا زاڭدى جانە جەكە تۇلعالارعا مەملەكەتتىك قىز­مەت كورسەتۋدەگى قارىم-قاتى­ناس­تار­دى رەتتەۋدى جانە جەتىلدىرۋدى كوزدەيدى. زاڭ جوباسى اتالمىش فۋنكتسيالاردى جەرگىلىكتى بيلىكتەن اقپارات سالاسىنداعى قۇزىر­لى ورگانعا بەرۋدى قاراستىرادى. سونداي-اق, قۇجاتقا «اۆتوماتتان­دى­رۋ», «مەكەن-جاي تىركەيتىن كود» سياقتى ۇعىمدار ەنگىزىلىپ وتىر ەكەن. بۇدان كەيىن بىرقاتار حالىق­ارالىق قۇجاتتار قارالدى. «قا­زاق­ستان رەسپۋبليكاسىنىڭ ۇكى­مەتى مەن كورەيا رەسپۋبليكاسىنىڭ ۇكىمەتى اراسىنداعى كورەيا رەس­پۋب­ليكاسىنىڭ ديپلوماتيالىق وكىل­دىكتەرىنىڭ عيماراتتارىن سالۋ ءۇشىن استانا قالاسىندا جەر ۋچاسكەلەرىن بەرۋ تۋرالى كەلىسىمدى راتيفيكاتسيالاۋ تۋرالى» زاڭ جو­باسى تولىقتاي قولداۋ تاپتى. ال «ۆاليۋتالىق ساياساتتىڭ كەلىسىلگەن قاعيداتتارى تۋرالى كەلىسىمدى راتيفيكاتسيالاۋ تۋرالى» زاڭ جوباسى بويىنشا ۇلتتىق بانك توراعاسىنىڭ ورىنباسارى دانيار اقىشەۆ بايانداما جاسا­دى. «ۇلتتىق ۆاليۋتالاردىڭ ءرولى جوعارىلاپ, ولارعا دەگەن سەنىم ارتادى دەپ ويلايمىز. كەلىسىم شارت­تارى ورىندالسا, بىرىڭعاي ەكونوميكالىق كەڭىستىك ەلدەرىنىڭ رەزيدەنتتەرى اراسىندا سىرتقى ساۋدا-ساتتىق جاعدايى جاقسارىپ, ۆاليۋتالىق رەتتەۋ مەن ۆاليۋ­تا­لىق قاداعالاۋ زاڭنامالارى بىرتىندەپ جاقىنداي تۇسەدى», دەدى ول ءوز سوزىندە. كەلىسىم ۆاليۋتالىق سايا­ساتتى قالىپتاستىرۋ مەن ءجۇر­گىزۋدىڭ تاسىلدەرىن كەزەڭ-كەزەڭى­مەن جاقىنداتۋدى كوزدەيدى. زاڭ جوباسى دەپۋتات ساۋىرباي ەسجا­نوۆ­تىڭ قوسىمشا بايانداماسىنان كەيىن تولىقتاي ماقۇلداندى. سونداي-اق وتىرىستا «قازاق­ستان رەسپۋبليكاسىنىڭ ۇكىمەتى مەن جاپونيا ۇكىمەتى ارا­سىن­دا­عى واوەى (جامبىل وبلىسى) كو­لىك ءدالىزىن قايتا جاڭارتۋ جو­با­سىن جۇزەگە اسىرۋ ءۇشىن قارىز تارتۋ تۋرالى نوتالار الماسۋ نى­سانىنداعى كەلىسىمدى راتيفيكا­تسيا­­لاۋ تۋرالى», «جاپونيا حالىق­ارا­لىق ىنتىماقتاستىق اگەنتتىگى مەن قازاقستان رەسپۋبليكاسىنىڭ ۇكىمەتى اراسىنداعى واوەى (جامبىل وبلىسى) كولىك ءدالىزىن قايتا جاڭارتۋ جوباسى بويىنشا قارىز تۋرالى كەلىسىمدى راتيفيكاتسيالاۋ تۋرالى» جانە «قازاقستان رەسپۋبليكاسى مەن ازيا دامۋ بانكى اراسىنداعى قارىز تۋرالى كەلىسىمدى (جاي وپەراتسيالار) (واوەى 1 كولىك ءدالىزى (جامبىل وبلىسىنداعى ۋچاسكەلەر) («باتىس ەۋروپا – باتىس قىتاي» حالىق­ارا­لىق ترانزيت ءدالىزى), ينۆەس­تي­تسيالىق باعدارلاما – 3-جوبا) راتيفيكاتسيالاۋ تۋرالى» ءۇش زاڭ جو­باسىنا قاتىستى باياندامانى كولىك جانە كوممۋنيكاتسيا ءمينيسترى بەرىك كاماليەۆ جاسادى. ودان بەلگىلى بولعانداي, ەلىمىز ۇكىمەتى مەن جاپوندىق اگەنتتىك اراسىندا جالپى سوماسى 6 ميلليارد 361 ميلليون جاپون يەنىن (68 ملن. اقش دوللارى) قۇراي­تىن قارىز تۋرالى كەلىسىمگە قول قويىلعان. قارىز 7 جىلدىق جە­ڭىل­دىك كەزەڭىن قوسا العاندا 25 جىلعا بەرىلەدى. تولەماقى جارتى جىلدا ءبىر رەت 1,7 پايىزدىق ستاۆكامەن قاراستىرىلادى. جاپونيا اگەنتتىگىنىڭ قاراجاتى جامبىل وبلىسىنداعى ۇزىندىعى 20 كم. (383-404 كم.) قۇلان اۋىلىنىڭ اينالما جولىن سالۋعا, ال ازيا بانكىنىڭ قاراجاتى 98 كم. قۇ­رايتىن (وتار – بلاگوۆەششەنكا (قورداي اسۋىنان اينالىپ) (162-260 كم.), قورداي – قاراسۋ (قىر­عىزستان شەكاراسىنا كىرەبەرىس) قۇرىلىس جۇمىستارىنا جۇم­سا­لا­دى. قوسىندىسىندا 118 شاقىرىم جول سالىناتىن بولادى. 2010 جىل­عى 15 جەلتوقساندا ازيا بانكىنەن جالپى سوماسى 173 ميلليون اقش دوللارىن قۇرايتىن III ترانش بويىنشا قارىز الۋ تۋرا­لى كەلىسىمگە قول قويىلسا, قارىز 4 جىلدىق جەڭىلدىك كەزەڭدى قوسا العاندا 19 جىلعا بەرىلەدى. پايىز­­دىق ستاۆكاسى – LIBOR+0,2 پايىز. ازيا دامۋ بانكى ۇسىنا­تىن قارىزدىڭ جالپى سوماسى جامبىل وبلىسىنداعى ۋچاسكەلەردى قارجىلاندىرۋ ءۇشىن ءتورت ترانش بويىنشا 700 ملن. اقش دوللارىنا تەڭ. مينيستر اتالعان ۋچاسكەلەردە 17 كوپىر مەن 135 سۋ وتكىزۋ قۇبىرلارى سالىناتىنى­نان دا حاباردار ەتتى. قازىرگى ۋا­قىت­تا حالىقارالىق كونكۋرس نەگىزىندە وسى ۋچاسكەلەرگە مەردىگەرلەردى تاڭداۋ جونىندەگى كونكۋرس جۇرگىزىلۋدە جانە اعىمداعى جىل­دىڭ ماۋسىم ايىندا قۇرىلىس جۇمىستارىن باستاۋ جوسپارلانۋدا, دەدى ب.كاماليەۆ. سونداي-اق «قازاقستان رەس­پۋب­ليكاسىنىڭ ۇكىمەتى مەن امەريكا قۇراما شتاتتارىنىڭ ۇكى­مە­تى اراسىنداعى اۋعانستان يسلام رەسپۋبليكاسىنىڭ قاۋىپسىز­دىگىن, تۇراقتىلىعىن جانە ونى قايتا قالپىنا كەلتىرۋدى قامتاما­سىز ەتۋ جونىندەگى ءىس-قيمىلعا امەريكا قۇراما شتاتتارىنىڭ قاتىسۋىنا بايلانىستى قازاق­ستان رەسپۋبليكاسىنىڭ اۋماعى ارقىلى وتەتىن جۇك پەن پەرسونال­دىڭ اۋە ءترانزيتى تۋرالى كەلىسىمدى راتيفيكاتسيالاۋ تۋرالى» زاڭ جوباسى دا قارالىپ, تولىقتاي ماقۇلداندى. اسقار تۇراپباي ۇلى.