رەسەي قازاقستاننان باراتىن ەتكە تىيىم سالدى

روسسەلحوزنادزور رەسەي اۋماعىنا جالعان ۆەتەرينارلىق سەرتيفيكاتپەن سۋبونىمدەر جەتكىزۋ ارەكەتىنە بايلانىستى قازاقستاندىق «سبم- كST» كاسىپورنىنىڭ  ەت ونىمدەرىنە تىيىم سالدى, دەپ حابارلايدى اتالمىش قۇزىرلى مەكەمەگە سىلتەمە جاساعان abctv.kz. سونىمەن قاتار  قازاقستاندىق ارىپتەستەرگە اتالعان كاسىپورىندى كەدەندىك وداق جەتكىزۋشىلەرىنىڭ تىزىمىنەن شىعارۋ تۋرالى ءوتىنىش جولداعان. روسسەلحوزنادزور ۆەنگريادا وندىرىلگەن سيىردىڭ سۋبونىمدەرىن قازاقستاننان رەسەيگە  ۆەتەرينارلىق سەرتيفيكاتتىڭ تۇپنۇسقالىعى راستالعان سوڭ عانا تاسىمالداۋعا رۇقسات ەتىلەتىنىن العا تارتىپ وتىر.  ءتيىستى سۇراۋ ۆەنگريانىڭ ۆەتەرينارلىق قىزمەتىنە جىبەرىلگەن. ۆەنگريانىڭ اۋىل شارۋاشىلىعى مينيسترلىگىنىڭ اقپاراتى بويىنشا, قازاقستاندىق فيرماعا سۋبونىمدەرىمەن ىلەسىپ كەلگەن  ۆەتەرينارلىق سەرتيفاتتار  جالعان بولىپ شىققان. روسسەلحوزنادزوردىڭ ايتۋىنشا, رەسەي اۋماعىنا وندىرىلگەن جەرى بەلگىسىز ەت ءونىمىن وتكىزۋ ارەكەتى الاياقتىق بولىپ تابىلادى. وسىعان بايلانىستى «سبم-كST» كاسىپورنىنان ءونىم تاسىمالداۋعا تىيىم سالۋ تۋرالى شەشىم شىعارىلدى.