فيفا رەيتينگىندە قازاقستان قۇراماسى ەكى ورىنعا كوتەرىلدى

حالىقارالىق فۋتبول فەدەراتسياسىنىڭ (فيفا) جاڭارتىلعان رەيتينگىندە قازاقستان ۇلتتىق قۇراماسى ەكى ورىنعا كوتەرىلىپ, 94-ورىنعا تۇراقتادى. ەسەپتى كەزەڭدە ۇلتتىق قۇرامامىز ءبىر دە ءبىر ويىن وتكىزگەن جوق. سونداي-اق, ءدال وسى كورسەتكىشتە رۋاندا قۇراماسى جەتى ورىنعا كوتەرىلىپ, 93-ورىنعا توقتادى. جاڭارتىلعان رەيتينگىدە العاشقى ون ۇزدىك كوماندا وزگەرىسسىز كۇيدە قالدى. ارگەنتينا قۇراماسى كوش باستاسا, برازيليا ەكىنشى ورىندا. ال ۇزدىك ۇشتىكتى گەرمانيا تۇيىندەپ تۇر. 1 (1). ارگەنتينا – 1644 ۇپاي, 2 (2). برازيليا – 1534, 3 (3). گەرمانيا – 1443, 4 (4). چيلي – 1389, 5 (5). بەلگيا – 1379, 6 (6). فرانتسيا – 1318, 7 (7). كولۋمبيا – 1312, 8 (8). پورتۋگاليا – 1240, 9 (9). ۋرۋگۆاي – 1200, 10 (10). يسپانيا – 1162, ...94 (96). قازاقستان – 352. ايتا كەتەيىك, 22 ناۋرىز كۇنى قازاقستان قۇراماسى الەكساندر بوروديۋكتىڭ باستاۋىمەن كيپر ۇجىمىنا قارسى جولداستىق كەزدەسۋىن وتكىزەدى. ال 26 ناۋرىزدا 2018 جىلعى الەم چەمپيوناتىنىڭ ىرىكتەۋ كەزەڭى اياسىندا ەرەۆاندا ارمەنيا ەلىمەن كۇش سىناسادى.