سقو كاسىپكەرلەرى 1 ملرد تەڭگە سۋبسيديا الدى

سولتۇستىك قازاقستان وبلىسىندا «بيزنەستىڭ جول كارتاسى - 2020» باعدارلاماسى اياسىندا كەلىسىمشارتقا قول قويعانداردىڭ 10%-ى سۋبسيديالاندىرىلادى, دەپ حابارلادى «دامۋ» قورى بولىمشەسىنىڭ ءباسپاسوز قىزمەتى. سۋبسيديالاندىرىلعان جوبالاردىڭ سانى بويىنشا سقو وڭىرلەر رەيتينگىندە 1-ورىندا تۇر. وبلىس كاسىپكەرلەرىنە 2016 جىلى تولەنگەن سۋبسيديانىڭ جالپى سوماسى 1,1 ملرد. تەڭگەنى قۇرايدى. سقو قول قويىلعان كەپىلدىكتەردىڭ سوماسى بويىنشا -  0,9 ملرد. تەڭگە جانە 42 كەپىلدەمە ءۇشىنشى ورىندا تۇر. 2016 جىلدىڭ ماۋسىم ايىندا سقو اكىمدىگى مەن «دامۋ» قورى شاعىن جانە ورتا كاسىپكەرلىكتى نەسيەلەۋ ءۇشىن قارجى ءبولۋ ماقساتىندا 200 ملن. تەڭگە كولەمىندە مەموراندۋم جاساستى. وسى قۇجاتتىڭ اياسىندا وبلىستاعى 11 كاسىپورىن ەكىنشى دەڭگەيلى بانكتەردەن جىلدىق ولشەمى 8,5% بولاتىن جەڭىلدەتىلگەن نەسيەلەر الدى. بۇل قۇرىلىس, بولشەك ساۋدا, قوناق ءۇي بيزنەسى مەن باسقا دا سالالارداعى جوبالار ەدى. كاسىپكەرگە قىزمەت كورسەتۋ ورتالىعىنىڭ كونسالتينگتىك قىزمەتىنىڭ ناتيجەسى بويىنشا وتكەن جىلى وبلىستا 130-دان استام قايتا قۇرىلعان جەكە كاسىپكەرلەر تىركەلگەن. ولاردىڭ 40-تان استامى 18-دەن 29-جاسقا دەيىنگى جاستاردى قۇرايدى. «دامۋ-كومەك» جوباسى اياسىندا مۇمكىندىگى شەكتەۋلى 15 باستاپقى كاسىپكەر دەمەۋشىلىك كومەككە يە بولدى.