رەسپۋبليكالىق ەكولوگيالىق اليانس جانىنان اقساقالدار كەڭەسى قۇرىلدى

«بايتاق بولاشاق» رەسپۋبليكالىق ەكولوگيالىق اليانسى جانىنان اقىلداسۋ ورگانى رەتىندە اقساقالدار كەڭەسى قۇرىلدى, دەپ حابارلايدى قازاقپارات. «كەڭەسكە ەكواليانسقا قامقورلىق باعىت سىلتەپ, ىسىنە بەرەكە تىلەيتىن زيالى قاۋىم وكىلدەرى قامتىلدى. اتاپ ايتقاندا, كەڭەس قۇرامىنا ولجاس سۇلەيمەنوۆ, تورەگەلدى شارمانوۆ, امانگەلدى ايتالى, توقتار اۋباكىروۆ, اسقار جۇمادىلداەۆ, سەيداحمەت قۇتتىقادام, حاسەن قوجاحمەت, بايانعالي ءالىمجانوۆ جانە تاعى باسقا بەلگىلى مەملەكەت جانە قوعام قايراتكەرلەرى, زيالى قاۋىم وكىلدەرى سايلاندى», - دەلىنگەن حابارلامادا. ايتا كەتەيىك, «بايتاق بولاشاق» اليانسىنىڭ ماقساتى قورشاعان ورتا مەن ەكولوگيانى قورعاۋ جولىندا بارلىق الەۋەت پەن رەسۋرستى جۇمىلدىرۋ. ەكولوگيالىق اليانستىڭ پرەزيدەنتى بولىپ بەلگىلى بيزنەسمەن, مەتسەنات ازاماتحان امىرتاەۆ تاعايىندالعان بولاتىن. قوعامدىق بىرلەستىك 2016 جىلعى قازان ايىندا قۇرىلىپ,  ءوز جۇمىسىن باستاپ كەتتى.