قر ازاماتى امەريكالىق ماتەريالداردى سىناقتان وتكىزۋ قوعامداستىعى ديرەكتورلار كەڭەسىنە ەندى

ەۋرازيالىق ەكونوميكالىق كوميسسيانىڭ تەحنيكالىق رەتتەۋ جانە اككرەديتاتسيا دەپارتامەنتىنىڭ ديرەكتورى ارمان شاققاليەۆ امەريكانىڭ ماتەريالداردى سىناقتان وتكىزۋ قوعامداستىعىنىڭ (ASTM International) ديرەكتورلار كەڭەسىنىڭ قۇرامىنا ەندى, دەپ حابارلايدى قر ينۆەستيتسيالار جانە دامۋ مينيسترلىگى تەحنيكالىق رەتتەۋ جانە ستاندارتتاۋ كوميتەتىنىڭ ءباسپاسوز قىزمەتى. شاققاليەۆ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن, قاراعاندى مەملەكەتتىك ۋنيۆەرسيتەتىن, سونىمەن قاتار قوستاناي ينجەنەرلىك-ەكونوميكالىق ۋنيۆەرسيتەتىن تامامداعان. 2008 جىلى جاسالعان ASTM مەن قازاقستاننىڭ ستاندارتتاۋ جانە سەرتيفيكاتتاۋ ينستيتۋتى اراسىنداعى مەموراندۋمنان كەيىن ASTM International قوعامداستىعىنا مۇشەلىك ەتەدى. ەۋرازيالىق ەكونوميكالىق كوميسسيانىڭ دەپارتامەنت ديرەكتورى قىزمەتىنە تاعايىندالار الدىندا سەگىز جىل بويى قازاقستاننىڭ ستاندارتتاۋ جانە سەرتيفيكاتتاۋ ينستيتۋتىنىڭ باس ديرەكتورى بولىپ جۇمىس ىستەدى. بۇدان بۇرىن, شاققاليەۆ ءوزىنىڭ مانسابىندا قر ەكونوميكا جانە بيۋدجەتتىك جوسپارلاۋ مينيسترلىگىنىڭ قازاقستاننىڭ مەترولوگيا ينستيتۋتىندا قىزمەت ىستەپ ۇلگەردى. ستاندارتيزاتسيا, سەرتيفيكاتسيا, ساپا مەنەدجمەنتى, تەحنيكالىق رەتتەۋ سالالارىندا ماماندانعان. ايتا كەتكەن ءجون, ASTM International (American Society for Testing and Materials) - ماتەريالدار, ونىمدەر, جۇيەلەر مەن قىزمەتتەرگە ارناپ ستاندارتتار شىعاراتىن اقش-تىڭ ەرىكتى حالىقارالىق ۇيىمى. ول 1989 جىلى اقش-تا قۇرىلعان جانە باستاپقىدا تەمىرجول ستاندارتتارىن جاساقتاۋمەن اينالىستى. بۇگىندە ASTM 12 000 ستاندارتتى قامتاماسىز ەتىپ وتىر.