قوعامدىق تالقىلاۋ ناتيجەسىندە اقپارات جانە كوممۋنيكاتسياعا قاتىستى زاڭ جوبالارىنان بىرقاتار نورمالار الىنىپ تاستالدى. بۇل جونىندە قازاقستاننىڭ اقپارات جانە كوممۋنيكاتسيالار ءمينيسترى داۋرەن اباەۆ ءوزىنىڭ فەيسبۋكتەگى پاراقشاسىندا حابارلادى.
"قىمباتتى دوستار, ءبىزدىڭ مينيسترلىك اقپارات جانە كوممۋنيكاتسيالار ماسەلەلەرىنە قاتىستى زاڭ جوباسى بويىنشا ءتۇرلى الاڭداردا قوعامدىق تالقىلاۋ وتكىزۋدە. بۇل پروتسەسكە ساراپشىلار مەن جۋرناليستەر جانە ازاماتتىق سەكتور تارتىلۋدا. تالقىلاۋدىڭ بارلىق كەزەڭىندە قاتىسۋشىلار ايرىقشا نازار اۋدارعان نورمالاردىڭ ءبىرى جاسىرىن پىكىر قالدىرۋشىلاردىڭ الدىن الۋ (دەانونيميزاتسيا) ماسەلەسى بولدى", دەپ جازدى مينيستر.
اتاپ ايتۋ كەرەك, بۇل نورما تروللينگكە, تەكسەرىلمەگەن اقپاراتتاردى تاراتۋ مەن ارانداتۋعا, ەكسترەميزمدى ناسيحاتتاۋ مەن الەۋمەتتىك جانجالدارعا شاقىرۋعا قارسى كۇرەسكە باعىتتالعان.
داۋرەن اباەۆتىڭ ايتۋىنشا, جۇمىس توبى وتىرىستارىنىڭ شەڭبەرىندە ساراپشىلار مەن جۋرناليستەر تاراپىنان بلوگەرلەردى تىركەۋ ۇسىنىسىنا قاتىستى دا كوپتەگەن ەسكەرتپەلەر ءتۇسىپتى.
ء"بىز بۇل نورمادا جەلىدەگى تانىمال قولدانۋشىلاردىڭ باق-پەن تەڭەستىرىلۋىن جانە بۇل پروتسەستىڭ ەرىكتى تۇردە اتقارىلۋىن قامتاماسىز ەتۋدى كوزدەگەن بولاتىنبىز.
مينيسترلىك بارىنشا اشىقتىقتى ۇستانعاندىقتان جانە قوعامنىڭ ءاربىر ۇسىنىسىن ەسكەرۋدى ءجون كورگەندىكتەن, بۇگىن اتالعان نورمالاردى زاڭ جوباسىنان الىپ تاستاۋ جونىندە شەشىم قابىلداندى", دەدى اقپارات جانە كوممۋنيكاتسيالار ءمينيسترى.
• 19 قاڭتار, 2017
بلوگەرلەردى تىركەۋ نورماسى زاڭ جوباسىنان الىنىپ تاستالدى - اباەۆ
سوڭعى جاڭالىقتار
ەگەمەندىكتى نىعايتۋداعى كەشەندى ءتاسىل
اتا زاڭ • كەشە
اتا زاڭ • كەشە
كۇزەت قىزمەتىن باقىلاۋ كوميتەتىنىڭ توراعاسى تاعايىندالدى
تاعايىنداۋ • كەشە
ازاماتتاردىڭ 78%-دان استامى جاڭا كونستيتۋتسيانى قولدايدى
اتا زاڭ • كەشە
سوت اكىمدىككە ارنايى ءوتىنىش جاسادى
ايماقتار • كەشە
استانادا ەكى قاباتتى عيماراتتىڭ شاتىرى جانىپ جاتىر
وقيعا • كەشە
