اقش, فرانتسيا, ۇلىبريتانيا, يتاليا باستاعان باتىستىق كواليتسيانىڭ ليۆيا اۋماعىنا اۆياتسيا مەن زىمىراننان سوققى بەرە باستاعانىنا دا ءبىر اپتاعا جۋىق ۋاقىت ءوتتى.
الدىمەن ليۆيانىڭ كوسەمى مۋاممار كاددافيدىڭ ءوز حالقىنا قارسى كۇش قولدانعانىن, ودان ادامداردىڭ قۇربان بولعانىن ايىپتاپ, قالاي دا ونى توقتاتۋدى جۇرتتىڭ كوپشىلىگى قولدادى. ءتىپتى بۇۇ قاۋىپسىزدىك كەڭەسىنىڭ ليۆيانىڭ ۇستىنەن ۇشاق ۇشىرماۋ ءجونىندەگى قارارى دا سوعان باعىتتالعان ەدى. بىراق كاددافيدىڭ وپپوزيتسياعا قارسى ارەكەتتەرىن توقتاتۋدىڭ بىردەن ءبىر دۇرىس جولى بۇل ەلگە شابۋىل جاساۋ ەمەستىگىن دە جۇرت بىردەن اڭعاردى. ءسويتىپ, مىنە, كواليتسيانىڭ ليۆياعا قارسى شابۋىلى الەم جۇرتشىلىعى اراسىندا ءارتۇرلى باعالانىپ جاتىر.
قازىر كواليتسيا, ونداعى جەتەكشى تۇلعا اقش ءوز ارەكەتتەرىن اقتاۋعا ءماجبۇر. ولار حالىقارالىق قاۋىمداستىقتىڭ شەشىمىن ورىندادىق دەيدى. «وديسسەيا. تاڭسارى» دەپ اتالاتىن وپەراتسيانى سەنبى كۇنى باستاپ, فرانتسيا اۆياتسياسى ليۆيا نىساندارىن بومبالاسا, اقش پەن ۇلىبريتانيا كەمەلەرىنەن ءارقايسىسى ءبىر ميلليون دوللار تۇراتىن 110 «توماگاۆك» زىمىراندارى ۇشىرىلدى. ليۆيانىڭ قانشا تەحنيكاسى قيراعانىن كىم بىلەدى, سول العاشقى شابۋىلدان 64 ادام قازا تاۋىپ, 150 ادامنىڭ جارالانعانى انىقتالىپ وتىر.
جالپى بۇۇ قاۋىپسىزدىك كەڭەسىنىڭ ليۆياعا قاتىستى قارارىنىڭ ءوزى ايتارلىقتاي داۋمەن قابىلداندى. وعان 10 ەل عانا داۋىس بەردى. قىتاي, رەسەي, گەرمانيا, ءۇندىستان جانە برازيليا قالىس قالعان. ال رەسەي مەن قىتايدىڭ بىرەۋى قارسى بولعاندا, بۇل قارار قابىلدانباس ەدى. بىراق بۇل ەلدەر ءوزىنىڭ ۆەتو قۇقىن پايدالانبادى. اڭگىمە سول قاراردى جۇزەگە قالاي اسىرۋدا بولىپ وتىر. كوپ ساراپشىلار, كوپ ەلدىڭ باسشىلارى ليۆيانى بومبالاۋدىڭ نەگىزسىز بولعانىن اتاپ كورسەتتى.
وسى جەردە رف پرەمەر-ءمينيسترى ۆلاديمير پۋتيننىڭ پىكىرى الەم جۇرتشىلىعىنىڭ نازارىن اۋداردى. ءتىپتى ونىڭ ارتىقتاۋ كەتكەنىنە پرەزيدەنت مەدۆەدەۆتىڭ ءوزى تۇسىنىكتەمە بەرۋگە ءماجبۇر بولدى. الدىمەن پۋتين بۇۇ قارارىن ورتاعاسىرلىق كرەست جورىعىنا شاقىرۋمەن تەڭەستىردى. ونان سوڭ بومبالاۋعا بايلانىستى: «بەيبىت تۇرعىنداردى قورعاۋ جەلەۋىمەن ليۆيا اۋماعىن بومبالاعاندا, سول بەيبىت حالىقتىڭ ءوزى قۇربان بولدى, قيسىن قايدا, ار-ۇيات قايدا؟ – ەشقايسىسى دا جوق», دەگەن ونىڭ ءسوزى ءسىرا جۇرتتىڭ ەسىندە قالاتىن شىعار.
بىردەن بومبالاۋعا كوشپەي, قالاي دا كاددافيدى رايىنان قايتارۋدىڭ باسقا جولىن ىزدەستىرۋ قاجەت ەدى دەگەن پىكىردى كوپ ادام ايتادى. ونداي جول بار ما ەدى؟ پايدالانباعان جايدى بار ەدى دەپ ايتۋ دا قيىن.
ءسىرا, ەندى بولعان ءىستى كەيىن قايتارا المايسىڭ. كواليتسيا كۇشتەرى ليۆيانىڭ اسكەري نىساندارىنا اياۋسىز سوققا بەردى. بۇدان بەيبىت حالىق تا قۇربان بولىپ جاتىر. الداعى ۋاقىتتا دا بۇل سوعىس جالعاسا تۇسەتىنى انىق. كواليتسيانىڭ كۇشىنە كۇش قوسىلىپ جاتىر.
ەندى الدا بۇل سوعىستىڭ «جەمىسىن» تەرەتىن كەزەڭ كەلەدى. ول ليۆيامەن شەكتەلمەيدى. ونىڭ «ونەگەسى» باسقا ەلدەردى دە شارپيدى. باتىستىڭ وپپوزيتسياعا كومەك, قولداۋ كورسەتەتىنىن ءىس جۇزىندە ايقىن سەزىنگەن باسقا ەلدەردەگى بيلىككە قارسىلار, ولاردىڭ ىشىندە ارقيلى ەكسترەميستەر دە بار, باتىل ارەكەتتەرگە كوشە باستادى. وعان يەمەندەگى, سيرياداعى سوڭعى وقيعالار كۋا.
الەم قانقۇيلى قاقتىعىستاردىڭ قارساڭىندا تۇرعانداي.
ماماديار جاقىپ.
الدىمەن ليۆيانىڭ كوسەمى مۋاممار كاددافيدىڭ ءوز حالقىنا قارسى كۇش قولدانعانىن, ودان ادامداردىڭ قۇربان بولعانىن ايىپتاپ, قالاي دا ونى توقتاتۋدى جۇرتتىڭ كوپشىلىگى قولدادى. ءتىپتى بۇۇ قاۋىپسىزدىك كەڭەسىنىڭ ليۆيانىڭ ۇستىنەن ۇشاق ۇشىرماۋ ءجونىندەگى قارارى دا سوعان باعىتتالعان ەدى. بىراق كاددافيدىڭ وپپوزيتسياعا قارسى ارەكەتتەرىن توقتاتۋدىڭ بىردەن ءبىر دۇرىس جولى بۇل ەلگە شابۋىل جاساۋ ەمەستىگىن دە جۇرت بىردەن اڭعاردى. ءسويتىپ, مىنە, كواليتسيانىڭ ليۆياعا قارسى شابۋىلى الەم جۇرتشىلىعى اراسىندا ءارتۇرلى باعالانىپ جاتىر.
قازىر كواليتسيا, ونداعى جەتەكشى تۇلعا اقش ءوز ارەكەتتەرىن اقتاۋعا ءماجبۇر. ولار حالىقارالىق قاۋىمداستىقتىڭ شەشىمىن ورىندادىق دەيدى. «وديسسەيا. تاڭسارى» دەپ اتالاتىن وپەراتسيانى سەنبى كۇنى باستاپ, فرانتسيا اۆياتسياسى ليۆيا نىساندارىن بومبالاسا, اقش پەن ۇلىبريتانيا كەمەلەرىنەن ءارقايسىسى ءبىر ميلليون دوللار تۇراتىن 110 «توماگاۆك» زىمىراندارى ۇشىرىلدى. ليۆيانىڭ قانشا تەحنيكاسى قيراعانىن كىم بىلەدى, سول العاشقى شابۋىلدان 64 ادام قازا تاۋىپ, 150 ادامنىڭ جارالانعانى انىقتالىپ وتىر.
جالپى بۇۇ قاۋىپسىزدىك كەڭەسىنىڭ ليۆياعا قاتىستى قارارىنىڭ ءوزى ايتارلىقتاي داۋمەن قابىلداندى. وعان 10 ەل عانا داۋىس بەردى. قىتاي, رەسەي, گەرمانيا, ءۇندىستان جانە برازيليا قالىس قالعان. ال رەسەي مەن قىتايدىڭ بىرەۋى قارسى بولعاندا, بۇل قارار قابىلدانباس ەدى. بىراق بۇل ەلدەر ءوزىنىڭ ۆەتو قۇقىن پايدالانبادى. اڭگىمە سول قاراردى جۇزەگە قالاي اسىرۋدا بولىپ وتىر. كوپ ساراپشىلار, كوپ ەلدىڭ باسشىلارى ليۆيانى بومبالاۋدىڭ نەگىزسىز بولعانىن اتاپ كورسەتتى.
وسى جەردە رف پرەمەر-ءمينيسترى ۆلاديمير پۋتيننىڭ پىكىرى الەم جۇرتشىلىعىنىڭ نازارىن اۋداردى. ءتىپتى ونىڭ ارتىقتاۋ كەتكەنىنە پرەزيدەنت مەدۆەدەۆتىڭ ءوزى تۇسىنىكتەمە بەرۋگە ءماجبۇر بولدى. الدىمەن پۋتين بۇۇ قارارىن ورتاعاسىرلىق كرەست جورىعىنا شاقىرۋمەن تەڭەستىردى. ونان سوڭ بومبالاۋعا بايلانىستى: «بەيبىت تۇرعىنداردى قورعاۋ جەلەۋىمەن ليۆيا اۋماعىن بومبالاعاندا, سول بەيبىت حالىقتىڭ ءوزى قۇربان بولدى, قيسىن قايدا, ار-ۇيات قايدا؟ – ەشقايسىسى دا جوق», دەگەن ونىڭ ءسوزى ءسىرا جۇرتتىڭ ەسىندە قالاتىن شىعار.
بىردەن بومبالاۋعا كوشپەي, قالاي دا كاددافيدى رايىنان قايتارۋدىڭ باسقا جولىن ىزدەستىرۋ قاجەت ەدى دەگەن پىكىردى كوپ ادام ايتادى. ونداي جول بار ما ەدى؟ پايدالانباعان جايدى بار ەدى دەپ ايتۋ دا قيىن.
ءسىرا, ەندى بولعان ءىستى كەيىن قايتارا المايسىڭ. كواليتسيا كۇشتەرى ليۆيانىڭ اسكەري نىساندارىنا اياۋسىز سوققا بەردى. بۇدان بەيبىت حالىق تا قۇربان بولىپ جاتىر. الداعى ۋاقىتتا دا بۇل سوعىس جالعاسا تۇسەتىنى انىق. كواليتسيانىڭ كۇشىنە كۇش قوسىلىپ جاتىر.
ەندى الدا بۇل سوعىستىڭ «جەمىسىن» تەرەتىن كەزەڭ كەلەدى. ول ليۆيامەن شەكتەلمەيدى. ونىڭ «ونەگەسى» باسقا ەلدەردى دە شارپيدى. باتىستىڭ وپپوزيتسياعا كومەك, قولداۋ كورسەتەتىنىن ءىس جۇزىندە ايقىن سەزىنگەن باسقا ەلدەردەگى بيلىككە قارسىلار, ولاردىڭ ىشىندە ارقيلى ەكسترەميستەر دە بار, باتىل ارەكەتتەرگە كوشە باستادى. وعان يەمەندەگى, سيرياداعى سوڭعى وقيعالار كۋا.
الەم قانقۇيلى قاقتىعىستاردىڭ قارساڭىندا تۇرعانداي.
ماماديار جاقىپ.
