قر ۇقك اقمولا وبلىسى بويىنشا دەپارتامەنت باسشىسى اۋىستى

قر ۇلتتىق قاۋىپسىزدىك كوميتەتى اقمولا وبلىسى بويىنشا دەپارتامەنتىنىڭ باسشىسى اۋىستى, دەپ حابارلايدى وبلىس اكىمىنىڭ ءباسپاسوز قىزمەتى. قر ۇقك توراعاسىنىڭ 2017 جىلعى 11 قاڭتارداعى بۇيىرعىنا سايكەس, ساندىبەك ساپاش ۇلى قاسەنوۆ قر ۇقك اقمولا وبلىسى بويىنشا دەپارتامەنتىنىڭ باسشىسى قىزمەتىنە تاعايىندالدى. ساندىبەك ساپاش ۇلى قاسەنوۆ 1968 جىلى تۋعان. 1992 جىلى قوستاناي پەداگوگيكالىق ينستيتۋتىن تامامداعان. قر ۇقك ورگاندارىندا 1993 جىلدىڭ ناۋرىزىنان باستاپ قىزمەت ىستەپ كەلەدى. قىزمەت ىستەگەن جىلدارى ءارتۇرلى باسشىلىق لاۋازىمداردا بولدى. جاڭا قىزمەتكە تاعايىندالعانعا دەيىن قر ۇقك ورتالىق اپپارات دەپارتامەنتىنىڭ باسشىسى بولدى. اپپارات وتىرىسى بارىسىندا ايماق باسشىسى اتالعان دەپارتامەنتتىڭ بۇرىنعى باسشىسى مەن وبلىس اكىمىنىڭ ءبىرىنشى ورىنباسارى قادىرحان وتاروۆتى زەينەت دەمالىسىنا شىعارىپ سالدى. وسى ورايدا وبلىس اكىمى قادىرحان ماحمۇت ۇلىنىڭ ۇزاق جىلدار بويى اتقارعان ەڭبەگىن جوعارى باعالاپ, العىسىن ءبىلدىردى.